Lev 10
10
Dmakwa i Nadav nda Avihu
1Ka hlaftá zwana Haruna i Nadav nda Avihuʼ ta gədzeha dra urda taŋ, ka phamtá həŋ ta lanzəŋ mida, ka pghanaghatá urdi. Ka kladaghatá həŋ ta kəma Yawe. Tsaw vu kul raku ya, kabga tsaya a mnanaf Yawe ta həŋ ŋa magay wa. 2Ka sab vu da Yawe, ka dəghwaɗutá həŋ, ka rwutá həŋ ta kəma Yawe. 3Ka Musa nda Haruna mantsa: « Nana na skwi si mna Yawe kazlay na:
“Dzaʼa maraŋ mara yu ta nzakwa ɗa nda ghuɓa,
ŋa gwal ndusa nda iʼi.
Dzaʼa zlagigiŋ zlaga yu ta glakwa ɗa,
ta kəma inda mnduha,” » kaʼa.
Ka nzatá Haruna tsəriɗ.
4Ka hgaftá Musa ta i Misaʼel nda Iltsafaŋ zwana Ghuziʼel dasliʼiŋa Haruna. Kaʼa nda həŋ mantsa: « Sawu wa ka hlaghata kuni ta hula ghuɓu ta mbla zwana ma ghuni ta kəma həga nda ghuɓa, » kaʼa. 5Ka lagha həŋ ŋaŋanatá tsa mbliha ya ta sɗakwha taŋ, ka hlaghata ta hula ghuɓu, manda ya mna Musa.
6Tahula tsa, ka Musa nda Haruna, nda ya nda zwana ni, i Ilghazar nda Itamar mantsa: « Ma zlana kuni ta swida ghuni kwitsar, ma kwahiŋ kuni ta lgutha ghuni ka ŋizla taw, dá rwutá kaghuni guli, dá tɗanaktá kuni ta ɓasanavatá ŋuɗufa Yawe ta guyatá ghəŋa mnduha demdem. Ama zwana ma ghuni, guyatá ghəŋa la Israʼila demdem ya, dzaʼa taway hahəŋ ta tsa gwal dəghwaɗu vwa Yawe ya. 7Kaghuni, ma lavaghu kuni ta wa tumpula guyaku, dá rwutá kuni, kabga mamu rɗa fata ka ŋa Yawe ta kaghuni, » kaʼa. Ka magata həŋ manda ya mna Musa.
Skwi ta raŋta gwal dra skwi ŋa Lazglafta
8Ka Yawe nda Haruna mantsa: 9« Yaha kagha nda zwana gha tani da sa ima inabi, dər skwi ta ghuya mndu ta dzaʼa kuni da tumpula guyaku, dá rwuta kuni. Tsaya zlahu ŋa ɗekɗek ha ma zivir ma zivir, 10kada laviŋta kuni ta dganatá skwi nda ghuɓa ka ŋa Lazglafta, nda ya kul ghuɓaku, nda skwi ta tsaɗ lu nda ya kul tsaɗ lu. 11Taghanafta kuni guli ta la Israʼila ta inda tva skwiha ŋa magay mna Yawe nda ma wa Musa, » kaʼa.
12Ka Musa nda i Haruna nda zwana ni ya ta pɗaku, i Ilghazar nda Itamar mantsa: « Klafwa kla ta mbəha nimaya ta pɗaku ma skwa pla ghəŋ ŋa dray ta vu ŋa Yawe, ka magata kuni ta buradi kul haɗ is mida, ka zuta kuni ta vata gwir. Skwi ta ghuɓuta katakata ya. 13Dzaʼa zuta ma sana vli nda ghuɓa kuni, kabga tsaya mayaka ghuni, kagha nda zwana gha, ma mbəhuha draf lu ta vu ŋa Yawe, mantsa ya mnaɗif Lazglafta. 14Ama tsa ghuva zukwaf lu, nda tsa rkuf klap lu ka skwa mbəhu ya ná, dzaʼa zuza kuni, kagha nda zwana gha, nda kwagha gha, ma sana vli kul tsaɗ lu, kabga nda nza tsaya ka mayaka ghuni, kagha nda zwana gha ma skwa pla ghəŋa zɗaku ŋa la Israʼila. 15Dzaʼa kladagha kla la Israʼila ŋa zukwafta ta kəma Yawe ta tsa rkuf klapta lu ka skwa mbəhu, nda tsa ghuva dzaʼa zukwafta lu, kawadaga nda vliha nda mala nda mala ŋa dray ta vu ya. Dzaʼa nzakway ŋa gha nda zwana gha ka zlahu ŋa ɗekɗek manda ya mnaf Yawe. »
16Ka psə Musa ta snaŋtá skwi maga lu nda dugzum vla lu ŋa pla ghəŋ ŋa ɗawa pla dmaku. Ka dukwaftá tsi ná, driŋ dra lu. Mantsa tama, ka ɓasanavatá tsi ta ŋuɗuf ta i Ilghazar nda Itamar, zwana Haruna ya ta pɗaku. Kaʼa nda həŋ mantsa: 17« Kabgawu kwal kuni zutá sluʼa skwa pla ghəŋ ŋa ɗawa pla dmaku ma vli nda ghuɓa na? Kabga skwi ta ghuɓuta katakata ya. Vlaghuna vla Yawe ŋa kliŋtá krughuva guyata ghəŋa mnduha, kada slərɓanapta kuni ta zughu ta həŋ ta kəma Yawe. 18Fitika kwala lu kladamtá usa ni da vli nda ghuɓa ya, má zuza kuni ta sluʼa ni ma vli nda ghuɓa manda ya si mnaghunaf yu ya, » kaʼa.
19Ka Haruna nda Musa mantsa: « Gita vlata həŋ ta skwa pla ghəŋ ŋa ɗawa pla dmaku, nda skwa pla ghəŋ ŋa dray tsuh tsuh ta kəma Yawe, nda sna kagha ta skwi ta sliɗaghata. Má gi ka zuta yu ta skwa pla ghəŋ ŋa ɗawa pla dmaku gita gita katsi ní, má dzaʼa zɗəgana zɗa ta Yawe ra? » kaʼa. 20Ka zɗəganatá tsa gwaɗa ya ta Musa, manda snaŋta ni.
Currently Selected:
Lev 10: xed
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
