Zaburi 148
148
Vinu piya vintukuze Mola
1Ntukuzeni Mola!
Ntukuzeni Mola mwanzo wa binguni!
Ntukuzeni julu pakulu!
2Ntukuzeni, piya malaika wake,
ntukuzeni, piya masurudadu wake!
3Ntukuzeni, juwa na mwezi;
ntukuzeni, piya nondwa zakuwala!
4Ntukuzeni, bingu ziri julu pakulu,
na maji ari julu ya bingu!
5Piya-vyo vitukuze zina ra Mola,
kamana kamuru, nevyo vyumbiwa.
6Nevyo katula mahala mwawo daima milele;
kawapa ámuri saipinduka tena.
7Ntukuzeni Mola mwanzo wa ardhi,
umwe, manyoka wa mbahari na piya marindo akwica,
8kumensa, na nvula ya mawe,
maji akululumala na vuke‑vuke,
na mepo nyingi mutimiza usowezi wake.
Piya-mwe ntukuzeni Mola!
9Myango na ngulu piya,
miti ya visumo na milamba piya,
10wadudu wa nnundu, na mifuwo piya,
wadudu wakurikweta na nyuni,
piya-mwe ntukuzeni Mola!
11Mafalume wa muinti na mataifa piya,
mulumwengu wakulungwa na wenye kulamula piya,
12wanemba na wari,
wakulungwa na wasimana,
piya-mwe ntukuzeni Mola!
13Piya tukuzani zina ra Mola!
Kamana zina rake tu basi ndi rikurísiwa;
ubora wake úzaidi ardhi na bingu!
14Iye kawapa uwezo umati wake,
na kapewa swifa ka piya watakatifu wake,
waIziraeli, umati waapénda pakulu.
Ntukuzeni Mola!
Currently Selected:
Zaburi 148: wmwBI
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
