Zaburi 147
147
Matajabisa a Mwenyezimungu akunishe Iziraeli
1Ntukuzeni Mola!
Kamana vyema kunsifu na mwimbo Nlungu wetu!
Vísitawi, na ndi vyaajuzi kusifiwa!
2Mola ájenga Yerusalemu,
áwajumanisa wasamisiwe Iziraeli.
3Áwaponesa wakuwababaika moyo,
na ásunga vijaraa vyawo.
4Áisabu vyaziri nondwa,
na kila moja akwita zina.
5Nkulu ndi Mwenye wetu
na mwingi wa uwezo;
vírigariga kupima ankili zake.
6Mola awakorera wenye kutabishiwa,
fala wabaya awefya pansi.
7Mwimbireni Mola na shukurani;
na shauti ya nkwaya,
ntungireni rimbo Nlungu wetu.
8Iye áfinika bingu na mawingu,
átengeza nvula inye muardhi,
na ákurisa miyani mungulu.
9Áwapa cakurya manyama.
Na wana wa mabaruku,
pawanyangula njala,
áwapa cakurya.
10Starehe yake singuvu za kavalu,
wala aajibiwa na uwezo wa mwanadamu.
11Ila Mola akwajibiwa na wamopa iye,
wari na tamaa nkati ya pendo rake rakwaminika.
12Uwe Yerusalemu, ntukuze Mola!
Uwe Ziyoni, ntukuze Nlungu wako!
13Kamana árimbisa vikengera miryango yako;
nkati‑mo áwajanliya wanu wako.
14Átengemanisa usalama mmipaka.
Ákunafusi na tirigu ngema pakulu.
15Ápereka ámuri zake duniya,
na usowezi wake utuwa pakulu.
16Akwisusa maji akululumala kamba pamba,
na átawanya nambwe kamba rivu.
17Ágwisa gelu kamba mawe.
Nani akidíri kuvumirira baridi yake?
18Ápereka usowezi wake, gelu ísuluka;
ápereka mepo yake, maji akwenenda.
19Usowezi wake ámwereza Yankubu,
shuruti na ngano zake ámwereza Iziraeli.
20Aatendire javyo taifa nyengine tena;
ámuri zake awejiwa.
Ntukuzeni Mola!
Currently Selected:
Zaburi 147: wmwBI
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
