Zaburi 149
149
Makamilifu wantukuze Mola
1Ntukuzeni Mola!
Mwimbireni Mola nyimbo nyipya!
Pamusimanana makamilifu, nsifuni!
2Tenda radi Iziraeli ka mwenyé kukumba,
wanu wa Ziyoni wawe radi ka Nfalume wawo!
3Wasifu zina rake kwa kuvina;
wampe mawaidhwa na dunfu na nkwaya.
4Kamana Mola akwajibiwa na wanu wake;
wanrimbirira, áwavaza lemba ra ushindi.
5Makamilifu wavuze kati ya utukufu,
nvinanda mwawo wembe wari radi!
6Kusifu kukulu kuwe pakanywa pawo,
na upanga wakunoriwa kuno na kuno
wasukure mmakono,
7ipate wariripire ka mataifa,
na waje nazo hukumu ka wanu,
8wawafunge mafalume wawo na alucema,
wawafunge mabora na alucema za cuma,
9watimize kulamula kawandikiriwe ewo.
Eyi ndi sifa ya makamilifu wako piya.
Ntukuzeni Mola!
Currently Selected:
Zaburi 149: wmwBI
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
