Zaburi 146
146
Kauli ya Mwenyezimungu
1Ntukuzeni Mola!
Uwe roho yangu, ntukuze Mola.
2Ntukuze Mola mainsha angu piya;
paniinshi, nikwimba ninsifu Nlungu wangu.
3Musiwatumaini walongozi,
wala wanadamu,
kamana awana uwezo wa kuvusha.
4Roho zawo zílawa, zíludira kuwa utope;
suku noyo ikwisa mipango yawo.
5Heri munu wakwaviwa na Nlungu wa Yankubu,
wakutúla tamaa ka Mola, Nlungu wake,
6ombire bingu na ardhi,
bahari na piya viri nkati mwake.
Na aturire kauli yake daima milele!
7Iye áwakengera wenye kutabishiwa
na áwapa cakurya iwakóla njala.
Mola áwafungula wafungwa,
8Mola áwapa maso sawawona,
Mola áwalamusa wanu wakukafilika,
Mola áwapenda wenye shariya,
9Mola áwakengera wayeni,
áwarisa manankweli na wana wayatima,
fala njira ya wabaya ázongonyola.
10Mola átawala milele!
Uwe Ziyoni,
Nlungu wako átawala vizazi piya.
Ntukuzeni Mola!
Currently Selected:
Zaburi 146: wmwBI
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
