Zaburi 144
144
Kushukuru kukengeriwa na Mola
Zaburi ya Daudi.
1Asifiwe Mola, Mwamba wangu,
atengéza makono angu nuke kuvita,
atengéza vyala vyangu nuke nikashinde.
2Iye ndi rafiki yangu wakweli,
ngome yangu,
nnara wangu wakunikengera,
wangu wakunivusha,
kinga rangu,
ire wanintuwírira.
Iye anipa kuwafuwa wanu.
3Mola, mwanadamu kawa kinani wakuwa untafiti?
Binadamu kawa kinani wakuwa uyeriwa naye?
4Mwanadamu ndi kamba mepo;
suku zake ziwa kamba nviri wakupita.
5Yarabi Mola,
fungula bingu zako wisuke;
kumbula myango rilawe rosi.
6Pereka kumensa uwatawanye maaduwi.
Efya masonga ako watawanyike.
7Julu kauri olosa nkono wako;
nifungure na nivushe kati ya maji mengi,
mmakono mwa wayeni,
8wenye kanywa za ulongo,
walamúsa nkono nriro
kulapira ulongo.
9Uwe Mwenyezimungu,
nukwimbira nyimbo nyipya;
kityatya ca mizizi kumi, nukwibiira.
10Uwe ndi uwápa ushindi mafalume,
nnusúru ntumisi wako Daudi upanga wakofya.
11Nifungure na nivushe
mmakono mwa wayeni,
wenye kanywa za ulongo
walamusa nkono nriro
kulapira ulongo.
12Kati ya unemba wawo,
wanetu walume wawe kamba miti yakukomala,
na wanetu waka wawe kamba maribwi akuwajiwa
akusitawiza nyumba ya kifalume.
13Vikuti vyetu vijare
na vyakurya jisijisi.
Makondoo wetu wapongolane
alufu ka maalufu,
alufu kumi-kumi
mungwamba mwetu.
14Ng'ombe zetu zinenepe.
Aziwepo buguda nkaya mwetu#144:14 Kwa nfano, zakusalamuriwa na maaduwi wakusakula kutawala.;
wala kusamisiwa inti yetu.
Ariwepo lukuto ra tabu njira zetu.
15Heri wanu javyo wakujanliiwa!
Heri wanu wakuwa Mola ndi Nlungu wawo!
Currently Selected:
Zaburi 144: wmwBI
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
