Zaburi 143
143
Kulebela kupewa uhuru
Zaburi ya Daudi.
1Yarabi Mola, sikira duwa yangu,
nisikirize canukulebela;
nijibu kwa kauli yako,
na kwa shariya yako.
2Usimukise ntumisi wako kukulamuriwa,
kamana aapo mwenye shariya mbere yako.
3Aduwi kanirondoza,
kaninyandira pansi;
kanitenza kwikala nkiza,
kamba wafwire mida.
4Roho yangu isokera;
moyo wangu una wasi-wasi.
5Níkumbukira wakati wa mida;
nífikiri vyautendire piya;
nítula vyautendire na makono ako.
6Nílamusa makono angu kwako;
Niwa nawo nyotwa yako
kamba ardhi yakumiliya. Fikiri
7Angupa kunijibu, Mola!
Roho yangu isuluka!
Usinifise uso wako,
nisiwalande wesukíra mpondo.
8Nisikirize subuu pendo rako rakwaminika,
kamana núkutumaini.
Nijiwise njira yanijuzi kufulata,
kamana kwako uwe níkurisa roho yangu.
9Ninusuru mmakono mwa maaduwi wangu!
Mola, núkutuwirira uwe.
10Nifunde nitende vyukwajibu,
kamana uwe kuwa Nlungu wangu.
Roho yako ngema inilongoze
muinti yakuritandika sana.
11Yarabi Mola, kwa sababu ya zina rako,
nikengere mainsha angu.
Kwa shariya yako,
lavya roho yangu nkati ya tabu.
12Na kwa pendo rako rakwaminika,
piya wanilúmbata úwamariza,
kamana niwa ntumisi wako.
Currently Selected:
Zaburi 143: wmwBI
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
