Zaburi 142
142
Duwa kati ya hatari ulu
Utenzi wa Daudi, paákiwa njonga. Duwa.
1Nírira na shauti ulu ka Mola;
Nílamusa shauti yangu ka Mola aniwonere utungu.
2Nímiminira mbere yake kulalamika kwangu,
iye nínfikisira tabu zangu.
3Roho yangu ikikafilika,
uwe ndi wijiwa njira yangu.
Mwanipita nikenenda,
wáninikira nambo nikoreke.
4Nang'aniza upande wangu nkono nriro, uniwone!
Aapo ashugúlika nami;
sina pakutuwirira pakurimba;
aapo ayeríwa na mainsha angu.
5Yarabi Mola, núkulalamikira,
nukwamba:
“Pauri uwe ndi pakutuwirira pakurimba;
fungu ra irati yangu inti ya wanu hai.”
6Tengemana usikire kulalamika kwangu,
kamana nikafilika pakulu.
Ninusuru ka wanu wanilúmbata,
kamana wárimba koliko omi.
7Nifungure nkifungo,
nishukuru zina rako.
Basi wenye shariya wakuja kunizunguriza,
kamana ukuja kunitendera meema.
Currently Selected:
Zaburi 142: wmwBI
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
