Zaburi 141
141
Duwa ya kurikengera na wanu wabaya
Zaburi ya Daudi.
1Yarabi Mola, nukutaja! Njo upesi!
Panukutaja, sikira shauti yangu!
2Duwa yangu iwe kamba lubani mbere yako,
na kulamusa ka makono angu kuwe kamba zaka ya jironi.
3Nture, Mola, nakola wa kanywa yangu;
sunga nryango wa mivumbu yangu.
4Usase kusapukira vibaya moyo wangu,
kufautika na vitendo vyakunyata.
Nisishubutu kupita mmajambo awo a sherehe!
5 # 141:5-7 Ezi aya‑zi kiebraniya zirigariga kwereriwa. Kamilifu anilumize kwa pendo rakwaminika.
Anisutumu, ndi kamba mafuta meema pakulu.
Kiswa cangu cisikatare.
Nítenda duwa daima
wakakatima pawatenda vitendo vibaya.
6Mafalume wawo, pawawefya kubishana na Mola,
ndi pawereriwa usowezi wangu,
kwa kuwa ukiwa wakweli.
7Kamba ardhi vyaitageliwa na vyaitaiwa mipaka,
javyo ndi vyaasaka kwambula kanywa ya Kuzimu,
kupokerera makongolo awo atawanyike.
8Fala maso angu ákunang'aniza,
uwe Mola, Mwenye wangu.
Kwako uwe nítuwirira;
usinase bila kinga.
9Nisunge nisikoreke nnambo zawaninikire,
nisunge nisikoreke nlatuwera ya wacáputu.
10Wabaya wakoreke nnambo zawo wanyewe,
ila omi nipite salama.
Currently Selected:
Zaburi 141: wmwBI
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
