Ding Dalit 23
23
Ing Mayap a Pastul
1Ing Ginu ya ing pastul ku,
e ku magkulang king nanuman;
2 # Kap 7:17. king dikut a malabung karin na ku papagpaynawan,
at king makapasno danuman karin na ku daralan.
3Dirinan na kung bayung sikanan.#23:3 King Hebreo: bibiayan ne ing kakung kaladua.
Tatairan na ku king dalan ning katuliran,
antimo ing keyang pengaku.#23:3 King Hebreo: king uli ning lagyu na.
4Agyang king libis a mapanganib#23:4 King Hebreo: ning dalumdum at ning kamatayan. karin ku dumalan,
e ku numanu balang,
uling ika ing kakung kayabe.
Ing pamarug mu't tukud
ilang kaku babie sikanan lub.
5Misasadia yang pamangan king kakung arapan
king mismung akakit ding kakung kalaban;
tutugtugan#23:5 O kaya: lalanian. neng laru ing buntuk ku,
tula ku e makanyan-kanyan.#23:5 King Hebreo: maglapo ya ing kakung kopa.
6Pawang ing kayapan at lugud ilang mantabe kaku kabang mabie ku,
at king bale ning Ginu manuknangan ku king kapilan pa man.
Currently Selected:
Ding Dalit 23: PmPV
Highlight
Share
Compare
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
