Ding Dalit 24
24
Ing Marangal a Ari
1 # 1 Cor 10:26. Ing sabla bandi ning Ginu,
at ing sablang atyu king yatu.
Bandi ne ing mabilug a yatu,
at ding sablang keti manuknangan.
2Ya ing kaniti menatagan king libutad ning danuman;
pekatigik ne talakad libutad ning dagat.
3Ninu ing maki katuliran
mukiat king bunduk ning Ginu?
Ninu ing maki matulid lungub
king banal nang Templo?
4 # Mt 5:8. Ya itang ating malinis a gamat,
itang ating pusung dalise;
itang e magnasa king e mayap,#24:4 King Hebreo: e ne tatas ing kaladua na ketang e katutuan.
at e magsalitang kalaraman laban king kenu man.
5King Ginu tanggap yang kanawan,
at kapatawaran king Dios a keyang kaligtasan.
6Makanyan la ugali ding taung manintun king Ginu,
ding lalapit king Dios#24:6 King Hebreo: king lupa na ning Dios. nang Jacob.
7Ding pasbul ning siudad a matua na pakabuklat yu na la,
uling lungub ya ing ari ning ligaya.
8Ninu wari iting ari ning ligaya?
Alang aliwa nune ing Ginung Mayupaya;
tagumpe akakua na king marangle ning gera.
9Ding lumang pasbul ning siudad
pakabuklat yu na la,
uling lungub ya ing ari ning ligaya.
10Ninu wari iting ari ning ligaya?
Ing Ginung Mayupaya, ya ing ari ning ligaya!
Currently Selected:
Ding Dalit 24: PmPV
Highlight
Share
Compare
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
