JAK TAKKIRA
TAKKIRA
Ɓiiriɗ ni Jak. Li ka ni duk ɦoŋ basara 45-50. Sok boyna, Iirira vi suu vina u sunda asi laɗta.
Jak sa ma ɓii magaa ndaɗtana ni wayaŋ Bu Suunana, nam ay a ŋgolla vi suu tin hurusi kay Yesuna jew ni namu, ni suu ay hu Yerusalemma. Jak ay ni sa ma ŋgol ma di gaɗta (Sun. 15.13-29; 12.17; 21.17-18). Nam hommi hu buu ma Bu Suuna coli kolo hu miɗna iirina (1 Kor. 15.7). Nam ɓii magaara ni maŋ njaf suu Israel, suu doogo yam mbana (Jak 1.1). Ni maŋ suu vi suu Juif suu njay ki hu mbassa zeɗ zeɗta hu li ma Rom ti mulla kasina. Magaa ndaɗta ni duk magari suu hu Galamba Wilira suu ɓiirisi jewna.
Boy ma nam damma tew tewni tli tam u bolla Yesu daɗ kay ɦinira. Magara Jak ɓiiriɗta tak ki kay Musuk Lonara u haɗta vi Kristu, nam col eŋ coco kay vira hu Kristu u sunda. Magaara Jak ɓiiriɗ ndaɗta gaɗta ka huruɗ cocoɗi, ni ndaɗ njun suu vina cocoo. Magaa ndaɗta suuna saa kaɗ coco kay dlara ŋgolora nam daɗta, ni tew tew ndaɗ njun suu vina jiviya. Ndaɗ ɓak kay hoŋga Yesu hin hoŋ ayra yaɗ mba' 5.7,8, nam ɓak kay vuɗta wilira lay 1.18-21. Ɓeret taa ɦiw ni ɓak kay boy ma vo hu zinana (Jak 2.1-13; 4.1-12). Sok boy ma ŋgol ma Jak damma ana vira sana vira kay sunda li maŋ ndaraŋŋa ni va ma tak daɓpa vi sun maŋga hu vira. Ni boy ma Jak dam kay ɗegeera (Jak 2.14-26), ka garak ki u haɗta vi Paul kay gaɗ ndaɗtaɗi, ni dlara a faɗaɗ kini vunuɗu.
Maga ndaɗta gaɗta huruɗta ka eŋ saɓaki cocoɗi, boy ma huruɗna ni haɗta kay sok boy ma umbi vi jivi cocona ko hu magaara Vun Ŋgolna u Sa ma Paɗ Bolla na. Jak ndal boy mamma dira ti ta coco, ni jivi ɦay gaw may. Nam haɗ u ndal dlara zeɗ zeɗ, iirira vi suu vina ni suu jewna (Jak 2.1-4; 5.1-6, 14-16).
Magaara ndak a ɓorow ko wanni na
1. Takkira 1.1
2. Tukka tuk vira 1.2—2.26
3. Vira gasira tukuɗ u sunda vi sinda 3
4. Kaɓakŋa kay dlara hu ndaŋgara halaŋ 4
5. Ne yam suu ɦizina 5.1-6
6. So huu suuna kay hoŋga Bu Suuna hin hoŋ ayra 5.7-18
7. Daɓpa 5.19-20
Currently Selected:
JAK TAKKIRA: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.