URA TIN AYRA 49
49
Yakob paɗ vunum ki kay goryom suu doogo yam mbana
1Yakob yi goryom ay egem dasi ana, «Tokogi aya. An min dagi dlara hin li ha egegi fokka kiyo.
2Tokogi ay humungiya, goryoŋ Yakobma,
humugi vun bugi Israel haa.
3Ruben, aŋŋi goron ma ŋgolna an vuɗuŋi u saɓakanu.
Duk goryon halaŋŋi aŋŋi ma ŋgolna aŋ suusi u saɓakŋa lay.
4Aŋŋi ko yo ma ka bilna na, aŋ hin ka fi vaɗi.
Kay aŋ ful kay lay ma vi buŋŋa.
Aŋ mbuɗun liin ma buuna ki njenjee.
5Simeon u Levi ni waytasiya
vi vunusi mbuɗ dlara ci maɗna.
6Ko musuk manda taɓ u asi hu dlara co ndaɗtaɗi,
taɓ u asi hu tok masiraɗi lay.
U hurusi ma yara asi ci suuna.
U yaasi ndaɗta asi ka didiŋil mbutlina kiyo.
7Yaasira ba ha kasi na ta, kay asi ka wi hahaw saɗi.
An hin garakasi ki duk suu deera vi Yakobpa.
An hin ɓorowosi ki duk suu Israelna.
8«Aŋ, Yuda, gorseŋŋa halaŋ hin geleɗeŋu,
aŋ hin su kay suu babali maŋsina halaŋ.
Gorseŋŋa lay hin goɓ kaŋga fokoŋu.
9Yuda ni goo dlona, wul tammi u tlesuu nam vasina.
Nam ɗuɗ sem um ɗuɗni buu ko dlona na,
sa ma hin ndak a colom ki kolona ni gege?#Ndu. 24.9; Wira 5.5
10Tokolora mulla hin li ni ko Yuda,
ndaɗ hin li coli ni fokom
gak gak malaɗna hin mba faɗu.
Nammi sa ma suuna hin hum umma.
11Nam hin njun kor mamba ni duk sene gugutluna,
gor kor mamba hin tini gugutlura jivira gaw.
Nam mbus baraw mamma ni u sum veŋŋa.
Nam coo baraw mamma ŋgolna ki u yo gugutlura.
12Irim ki cori tlawra u sum veŋŋa.
Siim ki ɦoki haɓpa u mbiira.
13«Zabulon hin cukŋi fun lumma ŋgolna.
Nam hin kakŋi hu li ma lum kawina col huna.
Vun ndaŋga mamba tuɗ tew ay ki eg ɦoŋzi ma Sidonna.
14«Issakar ni kor ma saɓak coco
ma ka buuri hu liimmana.
15Nam wi ana li ma nam koɗ tam huna jivi ɦay,
mbassa nam cuki kaɗta jivi lay,
nam hin tam a zii nekka.
Nam vi sunda mbaɓura kamu.
16«Dan hin ka ɓakŋa kay suu mamsina
ko njaf suu Israel suu dewna na.
17Danni guy ma keŋ voɗtana,
ni magira keŋ voɗtara, eɗ gay kulumma
a sa ma kay kulummana ndi kaŋgara.
18An ka juɓuŋŋi suɗ maŋga, Yawe.
19«Gad suu duuna hin mba dugumu
nam hin su kasi, dikisiya.
20Tlesuu tira hin jiv hu mbassa vi Aserra cocoo,
ndaŋga mamba hin jiv tlena
ni ko sene ma vi mulinana na.
21Neftali ni dukka kolo ta li u min maɗta,
ndaɗ vuɗ ni goo ma jivina.
22Yosef ni gu ma day hu li ma jivina doŋ yona.
Gogoor kom cuk ha ki kay gulumunna.
23Suuna halamu, ci wayra u namu.
Suu mbuurura munumu ɓalakam hurumu duu u namu.
24Na lay ni gu mbuuru mamba kawi kom eŋe.
Kom ka sooɗi kay Lona ma Saɓakŋa vi Yakob njun umu.
Nam hin mbuɗni a sa taa suu Israelna.
25Loŋ buŋŋa hin njunuŋŋi namu.
Ma Saɓakŋa hin paɗ vunum ki kaŋu.
Paɗvun ma ay kolo huulonana,
paɗvun ma ay gaa duk mbonana.
Paɗvunna kay gor suu aŋ vuɗusina.
26Paɗvun ma vi buŋŋa su kay paɗvun ma vi somoyonna
ta ta kay yam ɦini ta dindinda.
Paɗvun namma li ni kay Yosef,
li ni kay yam Yosef,
nammi a mulna vi gorsemma.
27Benjaminni bosogo ma vi tlena,
maɗii ni nam kommi tliwna,
fiɗigi ni nam ɓorow tlesuu nam fasi ayna.»
Yakob miɗ kiyo
28Ni njaf suu Israel suu doogo yam mbana. Ni boy ma busi dasina hu li ma nam paɗ vunum ki kasina. Nam paɗ vunum ki kasi u dlaasira zeɗ zeɗ halaŋ. 29Yakob gaɗ goryom ana, «Cemi an min tuɗ eg somoyonu, pan ki ni kay us somoyonnu, hu zul ɦinira hu sene ma vi Efron ma Hetna. 30Hu zul ɦinira hu sene ma Makpelana, vok tam u Mamre hu mbassa Kanaanda. Ni sene ma Abraham gusum ko Efron ma Hetna kay a pi maɗna.#Ura 23.3-20 31Ni li ma pi Abraham u caamba Sara huna, ni li ma pi Isaak u caamba Rebeka huna, ni li ma an pi Lea huna.#Ura 25.9-10; 35.29 32Senena u zul goyra hu li nammara gususi ni ko goryoŋ Hetna.»
33Hu li ma Yakob vunum daɓ gaɗta may ni, miɗ gaw. Nam tuɗ eg somoyom suu zulina.#Sun. 7.15
Currently Selected:
URA TIN AYRA 49: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
URA TIN AYRA 49
49
Yakob paɗ vunum ki kay goryom suu doogo yam mbana
1Yakob yi goryom ay egem dasi ana, «Tokogi aya. An min dagi dlara hin li ha egegi fokka kiyo.
2Tokogi ay humungiya, goryoŋ Yakobma,
humugi vun bugi Israel haa.
3Ruben, aŋŋi goron ma ŋgolna an vuɗuŋi u saɓakanu.
Duk goryon halaŋŋi aŋŋi ma ŋgolna aŋ suusi u saɓakŋa lay.
4Aŋŋi ko yo ma ka bilna na, aŋ hin ka fi vaɗi.
Kay aŋ ful kay lay ma vi buŋŋa.
Aŋ mbuɗun liin ma buuna ki njenjee.
5Simeon u Levi ni waytasiya
vi vunusi mbuɗ dlara ci maɗna.
6Ko musuk manda taɓ u asi hu dlara co ndaɗtaɗi,
taɓ u asi hu tok masiraɗi lay.
U hurusi ma yara asi ci suuna.
U yaasi ndaɗta asi ka didiŋil mbutlina kiyo.
7Yaasira ba ha kasi na ta, kay asi ka wi hahaw saɗi.
An hin garakasi ki duk suu deera vi Yakobpa.
An hin ɓorowosi ki duk suu Israelna.
8«Aŋ, Yuda, gorseŋŋa halaŋ hin geleɗeŋu,
aŋ hin su kay suu babali maŋsina halaŋ.
Gorseŋŋa lay hin goɓ kaŋga fokoŋu.
9Yuda ni goo dlona, wul tammi u tlesuu nam vasina.
Nam ɗuɗ sem um ɗuɗni buu ko dlona na,
sa ma hin ndak a colom ki kolona ni gege?#Ndu. 24.9; Wira 5.5
10Tokolora mulla hin li ni ko Yuda,
ndaɗ hin li coli ni fokom
gak gak malaɗna hin mba faɗu.
Nammi sa ma suuna hin hum umma.
11Nam hin njun kor mamba ni duk sene gugutluna,
gor kor mamba hin tini gugutlura jivira gaw.
Nam mbus baraw mamma ni u sum veŋŋa.
Nam coo baraw mamma ŋgolna ki u yo gugutlura.
12Irim ki cori tlawra u sum veŋŋa.
Siim ki ɦoki haɓpa u mbiira.
13«Zabulon hin cukŋi fun lumma ŋgolna.
Nam hin kakŋi hu li ma lum kawina col huna.
Vun ndaŋga mamba tuɗ tew ay ki eg ɦoŋzi ma Sidonna.
14«Issakar ni kor ma saɓak coco
ma ka buuri hu liimmana.
15Nam wi ana li ma nam koɗ tam huna jivi ɦay,
mbassa nam cuki kaɗta jivi lay,
nam hin tam a zii nekka.
Nam vi sunda mbaɓura kamu.
16«Dan hin ka ɓakŋa kay suu mamsina
ko njaf suu Israel suu dewna na.
17Danni guy ma keŋ voɗtana,
ni magira keŋ voɗtara, eɗ gay kulumma
a sa ma kay kulummana ndi kaŋgara.
18An ka juɓuŋŋi suɗ maŋga, Yawe.
19«Gad suu duuna hin mba dugumu
nam hin su kasi, dikisiya.
20Tlesuu tira hin jiv hu mbassa vi Aserra cocoo,
ndaŋga mamba hin jiv tlena
ni ko sene ma vi mulinana na.
21Neftali ni dukka kolo ta li u min maɗta,
ndaɗ vuɗ ni goo ma jivina.
22Yosef ni gu ma day hu li ma jivina doŋ yona.
Gogoor kom cuk ha ki kay gulumunna.
23Suuna halamu, ci wayra u namu.
Suu mbuurura munumu ɓalakam hurumu duu u namu.
24Na lay ni gu mbuuru mamba kawi kom eŋe.
Kom ka sooɗi kay Lona ma Saɓakŋa vi Yakob njun umu.
Nam hin mbuɗni a sa taa suu Israelna.
25Loŋ buŋŋa hin njunuŋŋi namu.
Ma Saɓakŋa hin paɗ vunum ki kaŋu.
Paɗvun ma ay kolo huulonana,
paɗvun ma ay gaa duk mbonana.
Paɗvunna kay gor suu aŋ vuɗusina.
26Paɗvun ma vi buŋŋa su kay paɗvun ma vi somoyonna
ta ta kay yam ɦini ta dindinda.
Paɗvun namma li ni kay Yosef,
li ni kay yam Yosef,
nammi a mulna vi gorsemma.
27Benjaminni bosogo ma vi tlena,
maɗii ni nam kommi tliwna,
fiɗigi ni nam ɓorow tlesuu nam fasi ayna.»
Yakob miɗ kiyo
28Ni njaf suu Israel suu doogo yam mbana. Ni boy ma busi dasina hu li ma nam paɗ vunum ki kasina. Nam paɗ vunum ki kasi u dlaasira zeɗ zeɗ halaŋ. 29Yakob gaɗ goryom ana, «Cemi an min tuɗ eg somoyonu, pan ki ni kay us somoyonnu, hu zul ɦinira hu sene ma vi Efron ma Hetna. 30Hu zul ɦinira hu sene ma Makpelana, vok tam u Mamre hu mbassa Kanaanda. Ni sene ma Abraham gusum ko Efron ma Hetna kay a pi maɗna.#Ura 23.3-20 31Ni li ma pi Abraham u caamba Sara huna, ni li ma pi Isaak u caamba Rebeka huna, ni li ma an pi Lea huna.#Ura 25.9-10; 35.29 32Senena u zul goyra hu li nammara gususi ni ko goryoŋ Hetna.»
33Hu li ma Yakob vunum daɓ gaɗta may ni, miɗ gaw. Nam tuɗ eg somoyom suu zulina.#Sun. 7.15
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.