URA TIN AYRA 50
50
Pira pi Yakobpa
1Yosef buu ha kay bum ŋgaf vunum u nam na ni tiira. 2Nam di suu dokdor suu li sunda varamma ana, li mbul ma ka buɗina ta bumu. Asi hin li mbul namma ta Israel. 3Suu dokdorgina li buuna dok-fiɗi a lam mbul ma nam buɗina tamba. Suu Egiptena tiirim ta ta buuna dok-kiɗisiya. 4Buu ma Yosef li hahaw bumma daɓ may ni, nam di suu vo vi Farawna ana, «Lini agi minin gasi ni jokon vunun ha maŋ Faraw. 5Bun miɗ na ni suurun ka ki ana, an miɗ wa ni aŋ tuɗ pan hu zul ɦinira an gusuɗ ha hu mbassa Kanaanda. An min a tuɗ pi bun ha pini, hoŋ ay tuwa.»#Ura 47.29-31 6Faraw hoŋom dira ana, «Tuɗa, pi buŋ ha ko nam suuruŋ kara na.» 7Yosef tuɗ kolo a pi bumba, asgaa suu ŋgolo suu hu mbassa Egiptera halaŋ u suu sunda vi Faraw halaŋ tuɗ umu. 8Suu vi Yosefna halaŋ gorsemma u suu vi bumma lay, suu hin ka hu ndaŋgara Gosenda ni kemba u yoorina doy hol.
9Kulumi suu pus pusna u suu kulumi suu ɦawana suuna bolow coco ka ndumbi tuɗ umu.
10Tew hu li ma yam ana, Atad ha kolo kay lumma Yurdanna may ni, asi tum tiina ŋguk ŋguk Yosef li buuna kiɗisiya hu li namma a li hahaw bumba. 11Suu hu mbassa Kanaanda wi tii ma hu Atad namma u irisiya, asi di ana, «Hahawra ŋgolla ka duk suu Egiptena.» Kay ndaɗta asi tin sem li namma ana, Abel-Misraim (ni ana tii maɗna vi suu Egiptena).
12Goryoŋ Yakobma li u boy ma busi dasina kana ko ndaɗta na. 13Asi tlam tuɗum hu mbassa Kanaanda, pam hu zul goyra hu sene ma Makpelana. Ni li ma Abraham gusum ko Efron ma Hetna a pi maɗnana, li namma tok eg Mamre.#Sun. 7.16
14Yosef pi bum ha pini, hoŋ ay Egipte u gorsemma u suu tuɗ ha usi a tii maɗnana lay halaŋ.
Gorseŋ Yosefna mbuɗ ki ndaana
15Gorseŋ Yosefna wi ana busi miɗ wa ni, asi ɓak duk tasi ana, «Lini Yosef vi hurum egeygi gonokka a laygi dla cora egeygi ko aygi lamba egemba na may ni.» 16Asi sun sana ha di Yosef ana, «Buŋ di kagi jew bay nam miɗ tu ana, 17agi ɓak Yosef ka ana heɓ huruŋ ki eg gorseŋŋa kay cora asi laŋga egeŋga. Vaɗ huruŋ ki kay sulukŋa vi suu sunda vi Loŋ buŋŋa.» Yosef hum boy namma na ni mun ki tiina.
18Gorsemma mba u tasira goɓ kaŋga fokom dam ana, «Ami ni suu sun maŋsina.» 19Yosef dasi ana, «Lagi ndaaɗi, an varakŋi balam Lona su? 20Agi lan gin cora ay egenu, Lona hin mbuɗ co ndaɗta ki jivira, a suɗ iirira vi suuna ki ŋgolo ko agi wi u irigi wanda na. 21Lagi ndaaɗi, an hin njun ugi u tina u goryogi halaŋ.» Nam ɗilisi irisi u boy ma jivina.
Miɗna ma Yosef miɗna
22Yosef kak hu Egipte u suu vi bumma halaŋ. Nam li basara kis duk doogo. 23Yosef wi goryoŋ Efrayimma ta ta gor ŋgologi mam suu hindina lay, u goryoŋ Makir ma goŋ Manasena, Yosef wasi ki lay. 24Yosef di gorsemma ana, «An miɗni miɗiya. Lona hin gologi kaa, nam hin hoŋogi ha ki hu mbassa nam suu tam kaɗ ana nam hin ɦaɗ maŋ Abraham, maŋ Isaak, maŋ Yakobpa.» 25Yosef min ana, goryoŋ Israelna suu tasi ki ana, «Hu li ma Lona a tuɗugi ha ki hu mbassa nam di kaɗta ni yowongi sokon ha ki ugiya.»#Kal. 13.19; Jos. 24.32; Heb. 11.22 26Yosef miɗni li basara kis duk doogo. Asi lam mbul ma ka buɗina tamu, gam hu zandukka hu Egipte.
Currently Selected:
URA TIN AYRA 50: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
URA TIN AYRA 50
50
Pira pi Yakobpa
1Yosef buu ha kay bum ŋgaf vunum u nam na ni tiira. 2Nam di suu dokdor suu li sunda varamma ana, li mbul ma ka buɗina ta bumu. Asi hin li mbul namma ta Israel. 3Suu dokdorgina li buuna dok-fiɗi a lam mbul ma nam buɗina tamba. Suu Egiptena tiirim ta ta buuna dok-kiɗisiya. 4Buu ma Yosef li hahaw bumma daɓ may ni, nam di suu vo vi Farawna ana, «Lini agi minin gasi ni jokon vunun ha maŋ Faraw. 5Bun miɗ na ni suurun ka ki ana, an miɗ wa ni aŋ tuɗ pan hu zul ɦinira an gusuɗ ha hu mbassa Kanaanda. An min a tuɗ pi bun ha pini, hoŋ ay tuwa.»#Ura 47.29-31 6Faraw hoŋom dira ana, «Tuɗa, pi buŋ ha ko nam suuruŋ kara na.» 7Yosef tuɗ kolo a pi bumba, asgaa suu ŋgolo suu hu mbassa Egiptera halaŋ u suu sunda vi Faraw halaŋ tuɗ umu. 8Suu vi Yosefna halaŋ gorsemma u suu vi bumma lay, suu hin ka hu ndaŋgara Gosenda ni kemba u yoorina doy hol.
9Kulumi suu pus pusna u suu kulumi suu ɦawana suuna bolow coco ka ndumbi tuɗ umu.
10Tew hu li ma yam ana, Atad ha kolo kay lumma Yurdanna may ni, asi tum tiina ŋguk ŋguk Yosef li buuna kiɗisiya hu li namma a li hahaw bumba. 11Suu hu mbassa Kanaanda wi tii ma hu Atad namma u irisiya, asi di ana, «Hahawra ŋgolla ka duk suu Egiptena.» Kay ndaɗta asi tin sem li namma ana, Abel-Misraim (ni ana tii maɗna vi suu Egiptena).
12Goryoŋ Yakobma li u boy ma busi dasina kana ko ndaɗta na. 13Asi tlam tuɗum hu mbassa Kanaanda, pam hu zul goyra hu sene ma Makpelana. Ni li ma Abraham gusum ko Efron ma Hetna a pi maɗnana, li namma tok eg Mamre.#Sun. 7.16
14Yosef pi bum ha pini, hoŋ ay Egipte u gorsemma u suu tuɗ ha usi a tii maɗnana lay halaŋ.
Gorseŋ Yosefna mbuɗ ki ndaana
15Gorseŋ Yosefna wi ana busi miɗ wa ni, asi ɓak duk tasi ana, «Lini Yosef vi hurum egeygi gonokka a laygi dla cora egeygi ko aygi lamba egemba na may ni.» 16Asi sun sana ha di Yosef ana, «Buŋ di kagi jew bay nam miɗ tu ana, 17agi ɓak Yosef ka ana heɓ huruŋ ki eg gorseŋŋa kay cora asi laŋga egeŋga. Vaɗ huruŋ ki kay sulukŋa vi suu sunda vi Loŋ buŋŋa.» Yosef hum boy namma na ni mun ki tiina.
18Gorsemma mba u tasira goɓ kaŋga fokom dam ana, «Ami ni suu sun maŋsina.» 19Yosef dasi ana, «Lagi ndaaɗi, an varakŋi balam Lona su? 20Agi lan gin cora ay egenu, Lona hin mbuɗ co ndaɗta ki jivira, a suɗ iirira vi suuna ki ŋgolo ko agi wi u irigi wanda na. 21Lagi ndaaɗi, an hin njun ugi u tina u goryogi halaŋ.» Nam ɗilisi irisi u boy ma jivina.
Miɗna ma Yosef miɗna
22Yosef kak hu Egipte u suu vi bumma halaŋ. Nam li basara kis duk doogo. 23Yosef wi goryoŋ Efrayimma ta ta gor ŋgologi mam suu hindina lay, u goryoŋ Makir ma goŋ Manasena, Yosef wasi ki lay. 24Yosef di gorsemma ana, «An miɗni miɗiya. Lona hin gologi kaa, nam hin hoŋogi ha ki hu mbassa nam suu tam kaɗ ana nam hin ɦaɗ maŋ Abraham, maŋ Isaak, maŋ Yakobpa.» 25Yosef min ana, goryoŋ Israelna suu tasi ki ana, «Hu li ma Lona a tuɗugi ha ki hu mbassa nam di kaɗta ni yowongi sokon ha ki ugiya.»#Kal. 13.19; Jos. 24.32; Heb. 11.22 26Yosef miɗni li basara kis duk doogo. Asi lam mbul ma ka buɗina tamu, gam hu zandukka hu Egipte.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.