URA TIN AYRA 48
48
Yakob paɗ vunum ki kay goryoŋ Yosefna
1Ŋgoo dagan dla ndaɗta na ni, asi mba di Yosef ana, «Buŋ tam ka tamu.» Nam yow goryom suu mbana Manase u Efrayim umu. 2Asi di Yakob ana, «Goroŋŋa Yosef ka tuɗ ay egeŋu.» Israel pi tam pini col kak ki kay layna koloo.
3Yakob di Yosef ana, «Lona ma Saɓakŋa tak tam ay ki irin hu Luz hu mbassa Kanaanda. Nam paɗ vunum ki kanu.#Ura 28.13-14 4Nam dan ana, an hin zuluŋu, hin mbuɗuŋ njafaŋ cocoo, an hin mbuɗuŋ a sa ma zuli cocona. An hin ɦal mbassa wanda ka maŋ njafaŋ ŋgoroŋ dagani. Asi hin lak ka hu a fafaɗta. 5Goryoŋ suu aŋ vuɗusi ka ki jew mba' hu mbassa Egiptera bay an mba egeŋ tuna hin kini manu. Efrayim u Manase hin ki ni man ko ndal Ruben u Simeon na. 6Gor suu aŋ vuɗusi ŋgorosi daganna hinni a maŋsina. Asi hin varak hu balam gorsesi suu ŋgolona a yow jona ni asiya. 7An a hoŋ ay Padanda ni Rasel miɗ ay ki un hu voɗta hu mbassa Kanaanda, tok eg Efrata. An paɗ hani hu voɗta Efratara ni Betlehem.»#Ura 35.16-19
8Israel wi goryoŋ Yosefna na ni joɓ ana, «Suu lakina ni suurage?» 9Yosef hoŋ di bum ana, «Ni gor suu Lona ɦansina tanna.» Israel di ana, «Mbaaransina ay egen tani an paɗ vunun ki kasiya.»
10Israel irim mbuɗ ka wi ko maara oloɗi. Yosef mbaaramsina ay egemu. Israel mboɗosi hurum furuyusiya. 11Israel di Yosef ana, «An ndak ka gin a waŋ iriŋgi, Lona hin takan ta njafaŋ ki lay.» 12Yosef taɗasi ay ki vun gif bumu, asi goɓi kaŋga fokomu.
13Ŋgoo dagan Yosef yow goryom suu mbana ha fokomu, Efrayim ha kay bikim ma njufna, ni kay bik Yakob ma gulna may, Manase ha kay bikim ma guluna, ni kay bik Yakob ma njufna may. Nam hoŋosi ha fok busi ŋgolo olo. 14Israel tin komma njufna kay Efrayim, ma goona, hin tin komma gulna kay Manase may. Nam dlaŋaɗ kom ki na ni u hurum daŋ may kay Manase ni ma ŋgolna.
15Nam paɗ vunum ki kay Yosef di ana,
«Lona ma somoyon gi Abraham u Isaak tuɗ ay umma,
Lona ma golon ay day ta ta cemina.
16Sa sunda huulona ma suɗun ay ki hu dla cora belna paɗ vunum ki kay gor asina.
Yasi ni u senu, u sem somoyonu, Abraham u Isaak.
Asi zul ka coco kay ndaŋga masira.»
17Yosef wi ana bum tin komma njufna ki kay Efrayimmi hurum ka furiɗi. Nam vi ko bum ma njufna ay kay Efrayim a jokom ki kay Manase. 18Yosef di bum ana, «Ka naɗi, bunu, kay ma wanna ni ma ŋgolna, tin koŋ ma njufna kamma ɗow.» 19Bum min kaɗi di ana, «An wiya, goonna. Nam hin zula, mbuɗ ŋgol lay. Wayam ma goona hin mbuɗ ŋgol suumu. Njafam hin ka ndumbi.» 20Nam paɗ vunum ki kasi hu buu namma di ana,
«Suu Israelna hin paɗ vunna ka u segi di ana,
ko Lona laŋ jivi ko Efrayim u Manase na may.»#Heb. 11.21
Yakob col Efrayim ma goona foko, Manase mbuɗ ŋgorom dagani.
21Israel di Yosef ana, «Cemi an miɗ ni miɗiya, Lona hin li ka u agi a hoŋogi hu mbassa vi somoyogira. 22An ɦaŋ Sekem, lina ŋgol su gorseŋŋa, ni li ma an ɓaɗam ay ko suu Amorna u duuna na.»
Currently Selected:
URA TIN AYRA 48: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
URA TIN AYRA 48
48
Yakob paɗ vunum ki kay goryoŋ Yosefna
1Ŋgoo dagan dla ndaɗta na ni, asi mba di Yosef ana, «Buŋ tam ka tamu.» Nam yow goryom suu mbana Manase u Efrayim umu. 2Asi di Yakob ana, «Goroŋŋa Yosef ka tuɗ ay egeŋu.» Israel pi tam pini col kak ki kay layna koloo.
3Yakob di Yosef ana, «Lona ma Saɓakŋa tak tam ay ki irin hu Luz hu mbassa Kanaanda. Nam paɗ vunum ki kanu.#Ura 28.13-14 4Nam dan ana, an hin zuluŋu, hin mbuɗuŋ njafaŋ cocoo, an hin mbuɗuŋ a sa ma zuli cocona. An hin ɦal mbassa wanda ka maŋ njafaŋ ŋgoroŋ dagani. Asi hin lak ka hu a fafaɗta. 5Goryoŋ suu aŋ vuɗusi ka ki jew mba' hu mbassa Egiptera bay an mba egeŋ tuna hin kini manu. Efrayim u Manase hin ki ni man ko ndal Ruben u Simeon na. 6Gor suu aŋ vuɗusi ŋgorosi daganna hinni a maŋsina. Asi hin varak hu balam gorsesi suu ŋgolona a yow jona ni asiya. 7An a hoŋ ay Padanda ni Rasel miɗ ay ki un hu voɗta hu mbassa Kanaanda, tok eg Efrata. An paɗ hani hu voɗta Efratara ni Betlehem.»#Ura 35.16-19
8Israel wi goryoŋ Yosefna na ni joɓ ana, «Suu lakina ni suurage?» 9Yosef hoŋ di bum ana, «Ni gor suu Lona ɦansina tanna.» Israel di ana, «Mbaaransina ay egen tani an paɗ vunun ki kasiya.»
10Israel irim mbuɗ ka wi ko maara oloɗi. Yosef mbaaramsina ay egemu. Israel mboɗosi hurum furuyusiya. 11Israel di Yosef ana, «An ndak ka gin a waŋ iriŋgi, Lona hin takan ta njafaŋ ki lay.» 12Yosef taɗasi ay ki vun gif bumu, asi goɓi kaŋga fokomu.
13Ŋgoo dagan Yosef yow goryom suu mbana ha fokomu, Efrayim ha kay bikim ma njufna, ni kay bik Yakob ma gulna may, Manase ha kay bikim ma guluna, ni kay bik Yakob ma njufna may. Nam hoŋosi ha fok busi ŋgolo olo. 14Israel tin komma njufna kay Efrayim, ma goona, hin tin komma gulna kay Manase may. Nam dlaŋaɗ kom ki na ni u hurum daŋ may kay Manase ni ma ŋgolna.
15Nam paɗ vunum ki kay Yosef di ana,
«Lona ma somoyon gi Abraham u Isaak tuɗ ay umma,
Lona ma golon ay day ta ta cemina.
16Sa sunda huulona ma suɗun ay ki hu dla cora belna paɗ vunum ki kay gor asina.
Yasi ni u senu, u sem somoyonu, Abraham u Isaak.
Asi zul ka coco kay ndaŋga masira.»
17Yosef wi ana bum tin komma njufna ki kay Efrayimmi hurum ka furiɗi. Nam vi ko bum ma njufna ay kay Efrayim a jokom ki kay Manase. 18Yosef di bum ana, «Ka naɗi, bunu, kay ma wanna ni ma ŋgolna, tin koŋ ma njufna kamma ɗow.» 19Bum min kaɗi di ana, «An wiya, goonna. Nam hin zula, mbuɗ ŋgol lay. Wayam ma goona hin mbuɗ ŋgol suumu. Njafam hin ka ndumbi.» 20Nam paɗ vunum ki kasi hu buu namma di ana,
«Suu Israelna hin paɗ vunna ka u segi di ana,
ko Lona laŋ jivi ko Efrayim u Manase na may.»#Heb. 11.21
Yakob col Efrayim ma goona foko, Manase mbuɗ ŋgorom dagani.
21Israel di Yosef ana, «Cemi an miɗ ni miɗiya, Lona hin li ka u agi a hoŋogi hu mbassa vi somoyogira. 22An ɦaŋ Sekem, lina ŋgol su gorseŋŋa, ni li ma an ɓaɗam ay ko suu Amorna u duuna na.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.