URA TIN AYRA 47
47
1Yosef tuɗ eg Faraw dam ana, «Gorsenna u bun col ay hu mbassa Kanaanda day mba wa, u timigii masisina, u mbutlugi masisina, u tlegeyesi halaŋ. Asi ha laki hu ndaŋgara Gosenda.» 2Nam yow gorsem suu ay um vadl mba takasi maŋ Faraw. 3Faraw joɓosi ana, «Sun magira ni sun mege?» Asi hoŋom dira ana, «Suu sun maŋsina ni suu taa yoorina ko somoyosi na may.»
4Asi di Faraw ana, «Ami mbay ni a zina hu mbas maŋga. Kay haɗ ma ti yoorina vi suu sun maŋsina ay ka oloɗi. Kay mayra su ay kami coco hu mbassa Kanaanda. Lini aŋ mina ni hin suu sun maŋsina cuk hu ndaŋgara Gosenda.»
5Faraw di Yosef ana, «Buŋ u gorseŋŋa mbay ni egeŋu. 6Mbassa Egiptera halaŋŋi maŋu, man li jivina maŋ buŋ u gorseŋŋa. Asi cuk hu ndaŋgara Gosenda. Lini suu ndaki ka dukusiya ni aŋ cukun yoori mansina ha usi may.»
7Yosef tay bum Yakob ay mba takam maŋ Faraw. Yakob paɗ vunum ki kay Faraw. 8Faraw joɓ Yakob ana, «Basaɗaŋga vuɗta ki ca ni gage?» 9Yakob hoŋom dira ana, «Basaɗanda ka poy kay ndaŋgara ki cani kis duk dok-hindi. Basa manda hu ndaŋgara ka ŋgolɗi lay, ka kan jiviɗi lay, basaɗan tew ka ko mayra vi somoyonda naɗi.» 10Yakob paɗ vunum ki kay Faraw paɗni, kal ay ki gaw.
11Yosef ɦal lina maŋ bum u gorsemma hu li ma jivi ma hu mbassa Egiptera cukusi huwa. Ni hu li ma jivi ma hu mbas ndaɗtana hu ndaŋgara Ramsessa ko Faraw damba na. 12Yosef ɦal tina ha maŋ bum u gorsemma, u suu masisina kay ndum kemba halaŋ lay.
Yosef li yalna hu li ma mayra ka cina
13Hu mbassa halaŋŋi va ma ti ka oloɗi kay mayra mbuɗ ŋgol cocoo su ki kay suuna. Mbassa Egiptera u mbassa Kanaanda ka wi dlara asi laɗta oloɗi ko mayra. 14Yosef tok gursura hu mbassa Egiptera ura hu mbassa Kanaanda ki halaŋ u wa ma asi gusumma komma. Nam cuk gursu namma ha ki vi Faraw gaw.
15Hu li ma gursura hu mbassa Egiptera u mbassa Kanaanda daɓ ki halaŋŋi, suu Egiptena mbay eg Yosef dam ana, «Ҥami tina, aŋ laɓami ki kay mege? Gursu ka komi oloɗi.» 16Yosef dasi ana, «Lini gursu ka kogi oloɗi ni, ɦan yoori magisina ay an ɦagi wana.» 17Asi mbaa yoori masisina ay maŋ Yosef, nam ɦasi wana kasiya. Kay kulumina, kay timigiina, kay mbutlina, u korra lay. Hu basa ndaɗta nam ɦasi wana ni kay yoorina.
18Hu li ma basa ndaɗta jak jakŋi, asi mbay eg Yosef dam ana, «Ami ka ŋgay boy fokoŋgi, sa ŋgolna, gursuna daɓ ki wa, yoori mamisina lay ami ɦaŋsina ay ki wa. Va ma hin komina ni tami u ndaŋga mamira gaw. 19Aŋ hinimi ami laɓ ki a ndaŋga mamira hin ki ɦawa su? Gusumi ki u ndaŋga mamira halaŋ ami hin ki ni a suu maŋsina. Ҥami njaf wa ma zaara a ami laɓ kiɗi kak iiriya a ndaŋga mamira hin ki ɦawaɗi.» 20Yosef gus ndaŋgara Egiptera ki maŋ Faraw halaŋ kay suu Egiptena gus sene masina ki halaŋ halaŋ ko mayra su kasira. Ndaŋgara halaŋ mbuɗ ni maŋ Faraw.
21Yosef ka hin sa kaki vo hu ziim oloɗi, nam cuk suuna hu mbassa Egiptera halaŋŋi hu ɦoŋzina. 22Sene ma vi muli suu li ɓivunna nam gusum kaɗi. Kay Faraw tin gaɗta ki kay muli suu li ɓivunna, asi ti ni u tlesuu Faraw ɦasisina ayna. Kay ndaɗta asi gus sene masina ka kiɗi.
23Yosef di suuna ana, «An gusugi ki karam u ndaŋga magira bel maŋ Faraw, vagi njaf wana ha tuɗ zaaragina hu senena. 24Hu li ma agi feɗ wana wani ɦam keŋ ma vadlna maŋ Faraw. Umba hinda ni a njafna may a tira magi agi u goryogi u suu magisina halaŋ.» 25Asi dam ana, «Aŋ suɗumi wa, ko ami fi jivira fok sa ŋgol mamina. Ami hinni a mborɓii suu vi Farawna.» 26Yosef tin gaɗta kay dla ndaɗta gak gak karam lay ni, ŋgol wa ma hu sene ma Egiptena halaŋŋi maŋ Faraw. Sene ma vi muli suu li ɓivunna ka mambi ni nam hol.
Yakob tak min mamba ŋgoo daganda kiyo
27Israel kak hu mbassa Egiptera ni hu mbassa Gosenda. Asi fi tlena cocoo, vuɗ gorra zul coco lay. 28Yakob li basara doogo yam kiɗisiya hu mbassa Egiptera. Basa Yakobpa kay ndaŋgara halaŋga ni 147.
29Israel wi ana nam hin tok a miɗa ni, nam yi goromma Yosef egem dam ana, «Lini aŋ humun vununu ni kal koŋ ay ga u ɓalanu, lan jivira u ɗegeera na lige, pan ki hu Egipte tanɗi.#Ura 49.29-32; 50.6 30Hu li ma an miɗ wa ni aŋ tlan sokon tuɗ pan kay us somoyonu.» Yosef hoŋom dira ana, «An hin li ko boy ma aŋ damma na.» 31Yakob dam ana, «Suu taŋ ki fokon tani.» Yosef hin suu tam may. Israel ɦuɗ tam goɓ kaŋga kay yam lay mamma.
Currently Selected:
URA TIN AYRA 47: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
URA TIN AYRA 47
47
1Yosef tuɗ eg Faraw dam ana, «Gorsenna u bun col ay hu mbassa Kanaanda day mba wa, u timigii masisina, u mbutlugi masisina, u tlegeyesi halaŋ. Asi ha laki hu ndaŋgara Gosenda.» 2Nam yow gorsem suu ay um vadl mba takasi maŋ Faraw. 3Faraw joɓosi ana, «Sun magira ni sun mege?» Asi hoŋom dira ana, «Suu sun maŋsina ni suu taa yoorina ko somoyosi na may.»
4Asi di Faraw ana, «Ami mbay ni a zina hu mbas maŋga. Kay haɗ ma ti yoorina vi suu sun maŋsina ay ka oloɗi. Kay mayra su ay kami coco hu mbassa Kanaanda. Lini aŋ mina ni hin suu sun maŋsina cuk hu ndaŋgara Gosenda.»
5Faraw di Yosef ana, «Buŋ u gorseŋŋa mbay ni egeŋu. 6Mbassa Egiptera halaŋŋi maŋu, man li jivina maŋ buŋ u gorseŋŋa. Asi cuk hu ndaŋgara Gosenda. Lini suu ndaki ka dukusiya ni aŋ cukun yoori mansina ha usi may.»
7Yosef tay bum Yakob ay mba takam maŋ Faraw. Yakob paɗ vunum ki kay Faraw. 8Faraw joɓ Yakob ana, «Basaɗaŋga vuɗta ki ca ni gage?» 9Yakob hoŋom dira ana, «Basaɗanda ka poy kay ndaŋgara ki cani kis duk dok-hindi. Basa manda hu ndaŋgara ka ŋgolɗi lay, ka kan jiviɗi lay, basaɗan tew ka ko mayra vi somoyonda naɗi.» 10Yakob paɗ vunum ki kay Faraw paɗni, kal ay ki gaw.
11Yosef ɦal lina maŋ bum u gorsemma hu li ma jivi ma hu mbassa Egiptera cukusi huwa. Ni hu li ma jivi ma hu mbas ndaɗtana hu ndaŋgara Ramsessa ko Faraw damba na. 12Yosef ɦal tina ha maŋ bum u gorsemma, u suu masisina kay ndum kemba halaŋ lay.
Yosef li yalna hu li ma mayra ka cina
13Hu mbassa halaŋŋi va ma ti ka oloɗi kay mayra mbuɗ ŋgol cocoo su ki kay suuna. Mbassa Egiptera u mbassa Kanaanda ka wi dlara asi laɗta oloɗi ko mayra. 14Yosef tok gursura hu mbassa Egiptera ura hu mbassa Kanaanda ki halaŋ u wa ma asi gusumma komma. Nam cuk gursu namma ha ki vi Faraw gaw.
15Hu li ma gursura hu mbassa Egiptera u mbassa Kanaanda daɓ ki halaŋŋi, suu Egiptena mbay eg Yosef dam ana, «Ҥami tina, aŋ laɓami ki kay mege? Gursu ka komi oloɗi.» 16Yosef dasi ana, «Lini gursu ka kogi oloɗi ni, ɦan yoori magisina ay an ɦagi wana.» 17Asi mbaa yoori masisina ay maŋ Yosef, nam ɦasi wana kasiya. Kay kulumina, kay timigiina, kay mbutlina, u korra lay. Hu basa ndaɗta nam ɦasi wana ni kay yoorina.
18Hu li ma basa ndaɗta jak jakŋi, asi mbay eg Yosef dam ana, «Ami ka ŋgay boy fokoŋgi, sa ŋgolna, gursuna daɓ ki wa, yoori mamisina lay ami ɦaŋsina ay ki wa. Va ma hin komina ni tami u ndaŋga mamira gaw. 19Aŋ hinimi ami laɓ ki a ndaŋga mamira hin ki ɦawa su? Gusumi ki u ndaŋga mamira halaŋ ami hin ki ni a suu maŋsina. Ҥami njaf wa ma zaara a ami laɓ kiɗi kak iiriya a ndaŋga mamira hin ki ɦawaɗi.» 20Yosef gus ndaŋgara Egiptera ki maŋ Faraw halaŋ kay suu Egiptena gus sene masina ki halaŋ halaŋ ko mayra su kasira. Ndaŋgara halaŋ mbuɗ ni maŋ Faraw.
21Yosef ka hin sa kaki vo hu ziim oloɗi, nam cuk suuna hu mbassa Egiptera halaŋŋi hu ɦoŋzina. 22Sene ma vi muli suu li ɓivunna nam gusum kaɗi. Kay Faraw tin gaɗta ki kay muli suu li ɓivunna, asi ti ni u tlesuu Faraw ɦasisina ayna. Kay ndaɗta asi gus sene masina ka kiɗi.
23Yosef di suuna ana, «An gusugi ki karam u ndaŋga magira bel maŋ Faraw, vagi njaf wana ha tuɗ zaaragina hu senena. 24Hu li ma agi feɗ wana wani ɦam keŋ ma vadlna maŋ Faraw. Umba hinda ni a njafna may a tira magi agi u goryogi u suu magisina halaŋ.» 25Asi dam ana, «Aŋ suɗumi wa, ko ami fi jivira fok sa ŋgol mamina. Ami hinni a mborɓii suu vi Farawna.» 26Yosef tin gaɗta kay dla ndaɗta gak gak karam lay ni, ŋgol wa ma hu sene ma Egiptena halaŋŋi maŋ Faraw. Sene ma vi muli suu li ɓivunna ka mambi ni nam hol.
Yakob tak min mamba ŋgoo daganda kiyo
27Israel kak hu mbassa Egiptera ni hu mbassa Gosenda. Asi fi tlena cocoo, vuɗ gorra zul coco lay. 28Yakob li basara doogo yam kiɗisiya hu mbassa Egiptera. Basa Yakobpa kay ndaŋgara halaŋga ni 147.
29Israel wi ana nam hin tok a miɗa ni, nam yi goromma Yosef egem dam ana, «Lini aŋ humun vununu ni kal koŋ ay ga u ɓalanu, lan jivira u ɗegeera na lige, pan ki hu Egipte tanɗi.#Ura 49.29-32; 50.6 30Hu li ma an miɗ wa ni aŋ tlan sokon tuɗ pan kay us somoyonu.» Yosef hoŋom dira ana, «An hin li ko boy ma aŋ damma na.» 31Yakob dam ana, «Suu taŋ ki fokon tani.» Yosef hin suu tam may. Israel ɦuɗ tam goɓ kaŋga kay yam lay mamma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.