KALKIRA 24
24
Lona li u galam mamba u suu Israelnara
1Yawe di Moiz ana, «Ɗiŋ ay kolo egenu aŋ may, Aaron may, Nadab u Abihu may, suu ŋgolo suu Israelna suu dok-kiɗisiyana may, agi tuɗ goɓ Lona ha ki na ɦuɗ. 2Moiz dew ni sa ma hin ɦuɗ tam ay eg Yawena. Asi suu hiŋŋa ɦuɗ tasi ay kaɗi. Suu halaŋŋa ɗiŋ ay koloɗi kama.»
3Moiz mba cuɗ boy ma Yawe damma ki maŋ suuna halaŋ u gaɗta lay. Suuna halaŋ hoŋ dira vunusi na dew ana, «Boy ma Yawe damma halaŋ ami min a li umu.» 4Moiz ɓii boy ma vi Yawena ga halaŋ. Nam col kolo maɗii na feɗet min givin ma togolla ga u ɦinira u gogoyra doogo yam mba' kay njaf suu Israelna. 5Nam sun gorzoŋii suu Israelna, asi tuɗ li ɓivun ma ŋgalam kina, hin ŋgaɗ gor mbutlina a li ɓivun ma heɓpa#24.5 ɓivun ma heɓpa Hu ɓivun ma ŋgalam kina asi ŋgalam ki halaŋ. Hu ɓivun ma heɓpa asi ŋgal ki ew, ŋgol tliwna asi komomu. Asi taɓ ko tasi u Lona a kom tliwna. maŋ Yawe may. 6Moiz vo busu maa hu tassana ɦiw voom hu va ma vo busuna u ma hiŋŋa nam yamam kay givin ma togolla may. 7Nam tli maga mayra galamba ndumuɗ maŋ suuna, asi di ana, «Dlara Yawe daɗta halaŋ ami min li uɗu, ami min hum uɗu.» 8Moiz tli busu ma vooy hu tassanana yamam ta suuna di ana, «Gola ni busu ma Galamba Yawe vaɗ u agira kay boy ma nam damma halaŋ.»#Mat. 26.28; Mark 14.24; Luk 22.20; 1 Kor. 11.25; Heb. 9.19-20; 10.29
9Moiz ɗiŋ kolo kay ɦinira, asi ugi Aaron, Nadab, Abihu u suu ŋgolo suu Israel suu dok-kiɗisiyana may. 10Asi wi Lona ma suu Israelna goɓomma, u sem ga ni ko ɦini mayra yaɗ ana Safirra na, gi mbaɗagira ko ndal huulona na. 11Suu Israelna gol Lona na may Lona lasi va ma co egesiɗi, asi ti lay, ci lay.
Moiz kolo kay Ҥinira Sinayra
12Yawe di Moiz ana, «Ɗiŋ ay kolo egen kay ɦinira tani mbay kak tani, kay an min ɦaŋ ɦinira ceɗira ta gaɗ manda halaŋ ka ɓiiri hura, a aŋ haɗaɗu.» 13Moiz col kolo u Josuwe saam ma njun umma. Moiz ɗiŋ kolo kay Ҥinira vi Lonara. 14Hu li ma nam di suu ŋgolona ka ana, «Agi juɓumi ka tani ta ta hu li ma ami hin hoŋ ay egegina. Agi gola gi Aaron u Hur hin ka fokogi wanna, sa maa fi dla ay kom wa ni mbay egesiya.» 15Moiz ɗiŋ kolo kay ɦinira, ɗugulla kuluɓ yam ɦinira ki na halaŋ. 16Bibiŋilla vi Yawera ka kolo kay Ҥinira Sinayra, ɗugulla kuluɓ ki kay ɦinira ta ta buuna karkiya. Hu buu ma kiɗisiyana, nam yi Moiz ay duk ɗugulla. 17Bibiŋilla vi Yawe tak taɗ ii suu Israelna ni ko kura ŋgalla na, ay kolo kay ɦinira. 18Moiz kal ha duk ɗugulla, ɗiŋ ha kolo kay ɦinira, Moiz kak kolo kay ɦinira buuna dok-fiɗi.#Gaɗ. 9.9
Currently Selected:
KALKIRA 24: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
KALKIRA 24
24
Lona li u galam mamba u suu Israelnara
1Yawe di Moiz ana, «Ɗiŋ ay kolo egenu aŋ may, Aaron may, Nadab u Abihu may, suu ŋgolo suu Israelna suu dok-kiɗisiyana may, agi tuɗ goɓ Lona ha ki na ɦuɗ. 2Moiz dew ni sa ma hin ɦuɗ tam ay eg Yawena. Asi suu hiŋŋa ɦuɗ tasi ay kaɗi. Suu halaŋŋa ɗiŋ ay koloɗi kama.»
3Moiz mba cuɗ boy ma Yawe damma ki maŋ suuna halaŋ u gaɗta lay. Suuna halaŋ hoŋ dira vunusi na dew ana, «Boy ma Yawe damma halaŋ ami min a li umu.» 4Moiz ɓii boy ma vi Yawena ga halaŋ. Nam col kolo maɗii na feɗet min givin ma togolla ga u ɦinira u gogoyra doogo yam mba' kay njaf suu Israelna. 5Nam sun gorzoŋii suu Israelna, asi tuɗ li ɓivun ma ŋgalam kina, hin ŋgaɗ gor mbutlina a li ɓivun ma heɓpa#24.5 ɓivun ma heɓpa Hu ɓivun ma ŋgalam kina asi ŋgalam ki halaŋ. Hu ɓivun ma heɓpa asi ŋgal ki ew, ŋgol tliwna asi komomu. Asi taɓ ko tasi u Lona a kom tliwna. maŋ Yawe may. 6Moiz vo busu maa hu tassana ɦiw voom hu va ma vo busuna u ma hiŋŋa nam yamam kay givin ma togolla may. 7Nam tli maga mayra galamba ndumuɗ maŋ suuna, asi di ana, «Dlara Yawe daɗta halaŋ ami min li uɗu, ami min hum uɗu.» 8Moiz tli busu ma vooy hu tassanana yamam ta suuna di ana, «Gola ni busu ma Galamba Yawe vaɗ u agira kay boy ma nam damma halaŋ.»#Mat. 26.28; Mark 14.24; Luk 22.20; 1 Kor. 11.25; Heb. 9.19-20; 10.29
9Moiz ɗiŋ kolo kay ɦinira, asi ugi Aaron, Nadab, Abihu u suu ŋgolo suu Israel suu dok-kiɗisiyana may. 10Asi wi Lona ma suu Israelna goɓomma, u sem ga ni ko ɦini mayra yaɗ ana Safirra na, gi mbaɗagira ko ndal huulona na. 11Suu Israelna gol Lona na may Lona lasi va ma co egesiɗi, asi ti lay, ci lay.
Moiz kolo kay Ҥinira Sinayra
12Yawe di Moiz ana, «Ɗiŋ ay kolo egen kay ɦinira tani mbay kak tani, kay an min ɦaŋ ɦinira ceɗira ta gaɗ manda halaŋ ka ɓiiri hura, a aŋ haɗaɗu.» 13Moiz col kolo u Josuwe saam ma njun umma. Moiz ɗiŋ kolo kay Ҥinira vi Lonara. 14Hu li ma nam di suu ŋgolona ka ana, «Agi juɓumi ka tani ta ta hu li ma ami hin hoŋ ay egegina. Agi gola gi Aaron u Hur hin ka fokogi wanna, sa maa fi dla ay kom wa ni mbay egesiya.» 15Moiz ɗiŋ kolo kay ɦinira, ɗugulla kuluɓ yam ɦinira ki na halaŋ. 16Bibiŋilla vi Yawera ka kolo kay Ҥinira Sinayra, ɗugulla kuluɓ ki kay ɦinira ta ta buuna karkiya. Hu buu ma kiɗisiyana, nam yi Moiz ay duk ɗugulla. 17Bibiŋilla vi Yawe tak taɗ ii suu Israelna ni ko kura ŋgalla na, ay kolo kay ɦinira. 18Moiz kal ha duk ɗugulla, ɗiŋ ha kolo kay ɦinira, Moiz kak kolo kay ɦinira buuna dok-fiɗi.#Gaɗ. 9.9
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.