KALKIRA 25
25
LONA TAKASI YAL MBUTLUƁMA
Ҥalla ɦal maŋ Lonara
1Yawe di Moiz ana, 2Tuɗ di suu Israelna asi taaran tlena. Ni kay suuna halaŋ u huu ma jivina, agi mba tok tle asina.#Kal. 35.4-9 3Gola tlesuu asi hin a taarasina ni ko wanda na, lorra, doonona, kawi ma tlawna, 4baraw tlawna, baraw ma wili wilina u baraw ma tlaw keŋ keŋŋa, baraw dlemba u tlimiɗ ɦugunina, 5bak timigii suu ki coori tlawna, bak vabak ma lus duk mbona, gu akasiyana, 6mbul ma vi kura, mbidla li mbul ma his ma fuu suuna u mbul ma his jivi ma vo kay kura, 7ɦinira yaɗ ana oniks, u ɦinira daŋga taɗ ndalira ta tinisi eg efod u gudikŋa ma gaɓam kay efodna vi mul ŋgol ma li ɓivunna. 8Asi minin mbutluɓma, an hin kak dukusiya. 9An hin takaŋ yal mbutluɓ ma minim namma, yal tlesuu a li sunda huna halaŋ, ni agi hin li ni ko ndaɗta na may.
Zandukka takkira, Tabulla u Pindilla
10Asi min Zandukka u gu akasiyana, fiyekeɗ ŋga meter dew u nus, hayaɗ ni meter dew lay, wuluɗ ma kolona ni meter dew lay.#Kal. 27.1-9 11Aŋ hooroɗ taɗ ki u lorra, hooraɗ ŋgoroɗ lay, huruɗ lay. Aŋ ŋguyuɗ keŋeɗ ki u lorra halaŋ. 12Aŋ yooroɗ ɓalaŋ lorra keŋeɗ na fiɗi, aŋ tiniɗta ga u seɗ fiɗi halaŋ, keŋ hiŋŋa mba' may, mba' may. 13Aŋ ka tokolo akasiyana na mba' hooroɗ taɗ ki u lorra may. 14Aŋ kalaɗ hu ŋgil ɓalaŋ lorra aŋ laɗ keŋ mba' may, mba' mayra, tokolo ndaɗta kali hu ni kay a tli Zandukka. 15Tokolora hin kali hu ni a fafaɗta ka paɗaɗ ki oloɗi. 16Aŋ cuk ɦinira ceɗi mba' ta gaɗta ɓiiri hura hu Zandukka.
17Aŋ min vun Zandukka u lorra sasak, fiyekeɗ ni meter dew u nus, hayaɗ ni meter dew may.#Heb. 9.5 18Aŋ min Serubim mba' u lorra. Aŋ yoorosi kolo kay yam Zandukka, kak ay keŋ hiŋŋa dew may, dew may. 19Li Serubim dew ay keŋ hiŋŋa ma mbana ha keŋ hiŋŋa may. Aŋ lasi ni laki kolo kay Zandukka keŋ vunuɗ jak. 20Serubimma baa garaŋasi ki kay Zandukka a juɓuɗ uɗta. Asi kakŋi ŋgaf vogosi fun tasiya, gol irisi ni ga kay Zandukka. 21Aŋ dug vun Zandukka kolo kayami, hu Zandukka kurufu ni aŋ cuk ɦinira ceɗi ta gaɗta ɓiiri kaɗta hu may. 22Hu li namma ni an mba ŋgaf u aŋŋi huwa, duk ɦoŋ Serubimma. Kolo kay Yam Zandukka, an hin daŋ dla mayra an min a daɗ maŋ suu Israelnara ka halaŋ.
Tabulla cuk fu ma ɦam maŋ Lonana kaɗta
23Na ɗaŋŋi aŋ ɓal tabulla u gu akasiyana, fiyekeɗ meter dew, hayaɗ nus meter dew may, wuluɗ meter dew u nus may.#Kal. 37.10-16 24Aŋ hooroɗ taɗ ki u lorra sasak, aŋ ŋguyuɗ vunuɗ ki u lorra may. 25Aŋ ŋgaɗ gu ma daŋŋa cakaɗna keŋeɗu, hoorom tam ki u lorra may. 26Aŋ gun ɓalaŋ ma lorra hu keŋeɗ fiɗi halaŋ, ɓalaɗ kawi namma keŋeɗu. 27Aŋ ɓal kawi namma ni eg gu ma aŋ cakaɗna keŋeɗna na tok, ni kay a hin kal tokolora keŋeɗ a tlaɗ kolora may. 28Aŋ min tokolo ndaɗta ni u gu akasiyana, aŋ hooroɗ taɗ ki u lorra may, ndaɗ ndak li sunda ni a tli tabulla kolora. 29Aŋ yoo gi tassana u kop ma ci tlena, u ŋgalina, kay a asi hin vo mbul ma hisna, aŋ yoo tle asina ni u lorra halaŋ. 30Aŋ cuk fu ma ɦam maŋ Lonna kay tabulla hu buuna tew tew fokonu.#Lev. 24.5-8
Pindilla koɗ garaki kiɗisiyara
31Aŋ li va ma tin kura, minimmi u lorra sasak, aŋ min pindilla ni uɗta gaara u go gor koɗu, li ma vo mbulna huna u liiɗ ma tin kura hu halaŋ.#Kal. 37.17-24 32Koɗ maa hindi keŋ hiŋŋa may, hindi keŋ hiŋŋa may. 33Ko ma hindi hiŋŋa li ma vo mbulna a tin kura ka hu may, ma hiŋŋa ni na lay, hu koɗ ma karkiyana halaŋŋi kura cuk ay ki huwa. 34Eg guuɗ ma ŋgolna ni li ma vo mbulna ka hu fiɗi u liiɗ ma li sunda, u ɓooɗ hu lay. 35Li ma a tin kura huna ka hu koɗ ma dukŋa mba', ka hu koɗ ma keŋŋa mba' may, ta ta koɗ karkiya taɓ ha eg gu pindilla ma ŋgolna dew. 36Zuluɗ ma zeɗ zeɗ namma taɓi halaŋ yoori ko tasi dew ni asi mbuɗ ni a pindilla dewra yoori ni u lorra sasak. 37Aŋ hin laɗ ni a pindilla koɗ zeɗ zeɗ kiɗisiya, asi tin pindil ndaɗta ni a gol li ma fokosina. 38Li ma vo mbulna u li ma cuk buɗna yoorosi ni u lorra sasak. 39A min li ma vo mbulna u li ma cuk buɗna ni aŋ yow lorra ii kelew dok-hindi. 40Aŋ tuɗ gol jiviya, a asi min ko ndal an takaŋ mbeleŋ namma ha kolo kay ɦinira wanda na may.#Sun. 7.44; Heb. 8.5
Currently Selected:
KALKIRA 25: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
KALKIRA 25
25
LONA TAKASI YAL MBUTLUƁMA
Ҥalla ɦal maŋ Lonara
1Yawe di Moiz ana, 2Tuɗ di suu Israelna asi taaran tlena. Ni kay suuna halaŋ u huu ma jivina, agi mba tok tle asina.#Kal. 35.4-9 3Gola tlesuu asi hin a taarasina ni ko wanda na, lorra, doonona, kawi ma tlawna, 4baraw tlawna, baraw ma wili wilina u baraw ma tlaw keŋ keŋŋa, baraw dlemba u tlimiɗ ɦugunina, 5bak timigii suu ki coori tlawna, bak vabak ma lus duk mbona, gu akasiyana, 6mbul ma vi kura, mbidla li mbul ma his ma fuu suuna u mbul ma his jivi ma vo kay kura, 7ɦinira yaɗ ana oniks, u ɦinira daŋga taɗ ndalira ta tinisi eg efod u gudikŋa ma gaɓam kay efodna vi mul ŋgol ma li ɓivunna. 8Asi minin mbutluɓma, an hin kak dukusiya. 9An hin takaŋ yal mbutluɓ ma minim namma, yal tlesuu a li sunda huna halaŋ, ni agi hin li ni ko ndaɗta na may.
Zandukka takkira, Tabulla u Pindilla
10Asi min Zandukka u gu akasiyana, fiyekeɗ ŋga meter dew u nus, hayaɗ ni meter dew lay, wuluɗ ma kolona ni meter dew lay.#Kal. 27.1-9 11Aŋ hooroɗ taɗ ki u lorra, hooraɗ ŋgoroɗ lay, huruɗ lay. Aŋ ŋguyuɗ keŋeɗ ki u lorra halaŋ. 12Aŋ yooroɗ ɓalaŋ lorra keŋeɗ na fiɗi, aŋ tiniɗta ga u seɗ fiɗi halaŋ, keŋ hiŋŋa mba' may, mba' may. 13Aŋ ka tokolo akasiyana na mba' hooroɗ taɗ ki u lorra may. 14Aŋ kalaɗ hu ŋgil ɓalaŋ lorra aŋ laɗ keŋ mba' may, mba' mayra, tokolo ndaɗta kali hu ni kay a tli Zandukka. 15Tokolora hin kali hu ni a fafaɗta ka paɗaɗ ki oloɗi. 16Aŋ cuk ɦinira ceɗi mba' ta gaɗta ɓiiri hura hu Zandukka.
17Aŋ min vun Zandukka u lorra sasak, fiyekeɗ ni meter dew u nus, hayaɗ ni meter dew may.#Heb. 9.5 18Aŋ min Serubim mba' u lorra. Aŋ yoorosi kolo kay yam Zandukka, kak ay keŋ hiŋŋa dew may, dew may. 19Li Serubim dew ay keŋ hiŋŋa ma mbana ha keŋ hiŋŋa may. Aŋ lasi ni laki kolo kay Zandukka keŋ vunuɗ jak. 20Serubimma baa garaŋasi ki kay Zandukka a juɓuɗ uɗta. Asi kakŋi ŋgaf vogosi fun tasiya, gol irisi ni ga kay Zandukka. 21Aŋ dug vun Zandukka kolo kayami, hu Zandukka kurufu ni aŋ cuk ɦinira ceɗi ta gaɗta ɓiiri kaɗta hu may. 22Hu li namma ni an mba ŋgaf u aŋŋi huwa, duk ɦoŋ Serubimma. Kolo kay Yam Zandukka, an hin daŋ dla mayra an min a daɗ maŋ suu Israelnara ka halaŋ.
Tabulla cuk fu ma ɦam maŋ Lonana kaɗta
23Na ɗaŋŋi aŋ ɓal tabulla u gu akasiyana, fiyekeɗ meter dew, hayaɗ nus meter dew may, wuluɗ meter dew u nus may.#Kal. 37.10-16 24Aŋ hooroɗ taɗ ki u lorra sasak, aŋ ŋguyuɗ vunuɗ ki u lorra may. 25Aŋ ŋgaɗ gu ma daŋŋa cakaɗna keŋeɗu, hoorom tam ki u lorra may. 26Aŋ gun ɓalaŋ ma lorra hu keŋeɗ fiɗi halaŋ, ɓalaɗ kawi namma keŋeɗu. 27Aŋ ɓal kawi namma ni eg gu ma aŋ cakaɗna keŋeɗna na tok, ni kay a hin kal tokolora keŋeɗ a tlaɗ kolora may. 28Aŋ min tokolo ndaɗta ni u gu akasiyana, aŋ hooroɗ taɗ ki u lorra may, ndaɗ ndak li sunda ni a tli tabulla kolora. 29Aŋ yoo gi tassana u kop ma ci tlena, u ŋgalina, kay a asi hin vo mbul ma hisna, aŋ yoo tle asina ni u lorra halaŋ. 30Aŋ cuk fu ma ɦam maŋ Lonna kay tabulla hu buuna tew tew fokonu.#Lev. 24.5-8
Pindilla koɗ garaki kiɗisiyara
31Aŋ li va ma tin kura, minimmi u lorra sasak, aŋ min pindilla ni uɗta gaara u go gor koɗu, li ma vo mbulna huna u liiɗ ma tin kura hu halaŋ.#Kal. 37.17-24 32Koɗ maa hindi keŋ hiŋŋa may, hindi keŋ hiŋŋa may. 33Ko ma hindi hiŋŋa li ma vo mbulna a tin kura ka hu may, ma hiŋŋa ni na lay, hu koɗ ma karkiyana halaŋŋi kura cuk ay ki huwa. 34Eg guuɗ ma ŋgolna ni li ma vo mbulna ka hu fiɗi u liiɗ ma li sunda, u ɓooɗ hu lay. 35Li ma a tin kura huna ka hu koɗ ma dukŋa mba', ka hu koɗ ma keŋŋa mba' may, ta ta koɗ karkiya taɓ ha eg gu pindilla ma ŋgolna dew. 36Zuluɗ ma zeɗ zeɗ namma taɓi halaŋ yoori ko tasi dew ni asi mbuɗ ni a pindilla dewra yoori ni u lorra sasak. 37Aŋ hin laɗ ni a pindilla koɗ zeɗ zeɗ kiɗisiya, asi tin pindil ndaɗta ni a gol li ma fokosina. 38Li ma vo mbulna u li ma cuk buɗna yoorosi ni u lorra sasak. 39A min li ma vo mbulna u li ma cuk buɗna ni aŋ yow lorra ii kelew dok-hindi. 40Aŋ tuɗ gol jiviya, a asi min ko ndal an takaŋ mbeleŋ namma ha kolo kay ɦinira wanda na may.#Sun. 7.44; Heb. 8.5
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.