KALKIRA 23
23
Gol suu maŋina jiviya
1Aŋ ka di ŋgeŋ kay saɗi, aŋ kaboy kay sa bay uɗ ɦawa na gorɗi.#Kal. 20.16; Lev. 19.11-12; Gaɗ. 5.20 2Aŋ ka taɓ vunuŋ u suu li dla coraɗi. Lini aŋ a di ki kay dla fun ɓakŋa ni di dlara kaboyna a baa gasira ki garaɗi. 3Aŋ ka njun u sana kay dlaamba nam laɗta na gorɗi, lini sa ma maŋi lay.#Lev. 19.15 4Lini aŋ fi mbutl ma vi sa ma babali maŋŋa ɗowba kor mamba viɗ kiyo ni, aŋ koɗomma irim ay voo.#Gaɗ. 22.1-4 5Lini aŋ wi korra vi saaŋ ma gonokka ka muruɗ fokom u nekka ni, aŋ jak ki keŋembi, tuɗ njun um a tli nekka ki kay korra. 6Lini sa ma hawra sek wa ni aŋ ka bulumum boy mamma kiɗi.#Lev. 19.15; Gaɗ. 16.19 7Aŋ ɦuɗ taŋ ki eg dlara kaboyna na day. Sa ma li va co kaɗina aŋ ka cam kiɗi, kay an ka wi hahaw sa ma ci maɗnaɗi. 8Aŋ vi va ko sa a gus ɓakŋaɗi, kay tlesuu ɦal nana ɓeŋ ɓak ma jivina kiyo, mbuɗ boy ma vi sa ma mamma ɗegeena ki coo.
9Aŋ las ŋgay ma cuki varaŋŋaɗi, agi lay wi dlara ŋgayra ki jiviya kay agi ay ki ŋgayra hu Egipte.#Kal. 22.21; Lev. 19.33-34; Gaɗ. 24.17-18; 27.19
Basara koɗ tara
10Sene maŋŋa aŋ horokom ta ta basara karkiya, aŋ feɗ wa ma huna tew tew.#Lev. 25.1-7 11Hu basara kiɗisiyara ni aŋ hin sene namma ɦawaa, suu wihawra feɗ tlesuu huna ni asiya, umba hin kosira tlesuu bagina ti may. Aŋ mba lini na u sene gugutlura lay, sene conona lay. 12Hu buuna karkiya ni aŋ li sun maŋga huruŋ minda halaŋ, may hu buu ma kiɗisiyana ni aŋ koɗ taŋu, kay ana kor maŋga u mbutl maŋŋa koɗ tasiya, a goryoŋ caaŋga sunda u ŋgay maŋŋa koɗ tasi may.#Kal. 20.10-11; 31.15; 34.21; 35.2; Lev. 23.3; Gaɗ. 5.13-14
13Agi saa kay dlara an dagira wanda tew tew, agi mba goɓ lo ma daŋgi, sa ka hum sem lo ma daŋ funugiɗi.
Luu ma suu Israelna a lamma
14Hu basara tew tew ni agi li luuna segi hindi hindi. 15Agi li luu ma ti fu ma bay kuffa dukumma buuna kiɗisiya ni agi ti ni fu ma bay kuffa dukumma ko an haɗaginara na hu til ma ŋgaamma til ma yam wana neeyna. Ni buu ma agi cuk ay ki hu Egiptena. Sa ka mbay egen a golon u kom ma vadlnaɗi.#Kal. 12.14-20; Lev. 23.6-8; Ndu. 28.17-25 16Aŋ hin li luu ma feɗ wana vona, vuɗ tlegeyeŋ suu ne ki jewna halaŋ, tlesuu aŋ zaarasi hu sene maŋŋana halaŋŋi luu ma feɗ tlena vona, ni tak ki ana basara daɓ wa, hu li ma aŋ a tok yam tlena ki vona.#Lev. 23.15-21,39-43; Ndu. 28.26-31 17Hu basara halaŋŋi suuna mba fok Yawe, Lona, sesi hindi hindi.#Kal. 34.18-26; Gaɗ. 16.1-17 18Aŋ ka lan ɓivun ma ŋgaɗ busuna u fu ma kuffa dukummaɗi. Mbul ma yowom ay ki huu ɦuna ɦanna a ŋgal ɓivunnana hinim a fo maɗiira kiɗi. 19Aŋ mbaa vuɗ tlegeyeŋ suu ne jewna halaŋ ay hu Ziŋ Yawera fok Looŋŋa. Aŋ ka zal goo ɦuna duk mbii sum tokgi.#Kal. 34.26; Gaɗ. 14.21; 26.2
Vi vunna u haɗta jew asi a tuɗ Kanaanda
20An sunugi sa sunda huulona ha fokogiya, a nam gologi ha hu voɗta, a tuɗ kalagi hu li ma an minim ha kagina. 21Agi golom jiviya, humugina vunumu, cagi way u nambi, nam ka ndak a siɓ ŋgel vunnaɗi kay sen ka hurumu. 22Lini agi humum delemu ni lagi dlara an dagirara, an hin li ni a sa ma babalira u suu babali magisina a sa ma gonokka u suu gonok magisina may.
23Hu li ma saan ma sunda huulona gi tam fokogiya, tuɗ tewegi hu mbassa vi suu Amoreenna, suu Hetna, suu Perizinna u suu Kanaanna vi suu Hivna u suu Jebusna, an hin bulumusi kiyo. 24Agi mba goɓ ga fok loosinaɗi, sunumbi lay, agi mba li ko asi lira naɗi, ni na ɗow agi toosi loosi namma kiyo, toosi tlesuu asi goɓosina kiyo. 25Lini agi sun Yawe, Loogina, nam hin paɗ vunum ki kay tiigina u mbo ma agi camma. An hin ɦuɗugi tuguɗira ha ki egegi na day. 26Ni cara huruɗ ndi ki ɗowba cara bay vuɗ ka li varagiɗi lay. An hin hinigi lak iiri buu magina halaŋ. 27An hin sun ndaaran ha ki kay suuna fokogiya, suuna humugi dlagi ha na ni mbuɗ ki ndaa cocoo. Suu agi cuk varasina halaŋ mbuɗ ki ndaari. An hin suu babali magisina pereɗ ŋgorosi ka fokogiya. 28An hin sunugi caŋga dlumuruna ha ki fokogi nam hin dik suu Hivna u suu Kanaanna u suu Hetna ni bay agi tewesiya. 29An ka dikisi ha ki ni hu basara dewra gawɗi, kay ana joosi mbuɗ ki gura a vabakgina zul ki fokogi jew huɗi. 30An dikisi ha ni na lam lam, kay a agi tuɗ fi ndaŋga ndaɗta u jiviɗu a ndaɗ mbuɗ ki ni magira. 31An ŋgaagi vun ndaŋga magira ni col ha fun mbo Lum ma Cerewna tuɗ tew mbo lum ma vi suu Filistinna, col ay ŋgoo hu fulla tuɗ tew fun mbo lum ma Efratanna.
Hu li ma an hinigi suu hu zi nammana agi dikisi wa, agi dikisi ki fokogi halaŋ. 32Agi ka vi bana u suu asinaɗi, u loosi ma asi goɓommaɗi lay. 33Asi ka a cuk hu mbas magiraɗi lay, kay asi hin mbuɗugi a li cora egenu. Agi li sunusi loosina ni mbuɗ egegi ni a va ma daɓagi segina.
Currently Selected:
KALKIRA 23: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
KALKIRA 23
23
Gol suu maŋina jiviya
1Aŋ ka di ŋgeŋ kay saɗi, aŋ kaboy kay sa bay uɗ ɦawa na gorɗi.#Kal. 20.16; Lev. 19.11-12; Gaɗ. 5.20 2Aŋ ka taɓ vunuŋ u suu li dla coraɗi. Lini aŋ a di ki kay dla fun ɓakŋa ni di dlara kaboyna a baa gasira ki garaɗi. 3Aŋ ka njun u sana kay dlaamba nam laɗta na gorɗi, lini sa ma maŋi lay.#Lev. 19.15 4Lini aŋ fi mbutl ma vi sa ma babali maŋŋa ɗowba kor mamba viɗ kiyo ni, aŋ koɗomma irim ay voo.#Gaɗ. 22.1-4 5Lini aŋ wi korra vi saaŋ ma gonokka ka muruɗ fokom u nekka ni, aŋ jak ki keŋembi, tuɗ njun um a tli nekka ki kay korra. 6Lini sa ma hawra sek wa ni aŋ ka bulumum boy mamma kiɗi.#Lev. 19.15; Gaɗ. 16.19 7Aŋ ɦuɗ taŋ ki eg dlara kaboyna na day. Sa ma li va co kaɗina aŋ ka cam kiɗi, kay an ka wi hahaw sa ma ci maɗnaɗi. 8Aŋ vi va ko sa a gus ɓakŋaɗi, kay tlesuu ɦal nana ɓeŋ ɓak ma jivina kiyo, mbuɗ boy ma vi sa ma mamma ɗegeena ki coo.
9Aŋ las ŋgay ma cuki varaŋŋaɗi, agi lay wi dlara ŋgayra ki jiviya kay agi ay ki ŋgayra hu Egipte.#Kal. 22.21; Lev. 19.33-34; Gaɗ. 24.17-18; 27.19
Basara koɗ tara
10Sene maŋŋa aŋ horokom ta ta basara karkiya, aŋ feɗ wa ma huna tew tew.#Lev. 25.1-7 11Hu basara kiɗisiyara ni aŋ hin sene namma ɦawaa, suu wihawra feɗ tlesuu huna ni asiya, umba hin kosira tlesuu bagina ti may. Aŋ mba lini na u sene gugutlura lay, sene conona lay. 12Hu buuna karkiya ni aŋ li sun maŋga huruŋ minda halaŋ, may hu buu ma kiɗisiyana ni aŋ koɗ taŋu, kay ana kor maŋga u mbutl maŋŋa koɗ tasiya, a goryoŋ caaŋga sunda u ŋgay maŋŋa koɗ tasi may.#Kal. 20.10-11; 31.15; 34.21; 35.2; Lev. 23.3; Gaɗ. 5.13-14
13Agi saa kay dlara an dagira wanda tew tew, agi mba goɓ lo ma daŋgi, sa ka hum sem lo ma daŋ funugiɗi.
Luu ma suu Israelna a lamma
14Hu basara tew tew ni agi li luuna segi hindi hindi. 15Agi li luu ma ti fu ma bay kuffa dukumma buuna kiɗisiya ni agi ti ni fu ma bay kuffa dukumma ko an haɗaginara na hu til ma ŋgaamma til ma yam wana neeyna. Ni buu ma agi cuk ay ki hu Egiptena. Sa ka mbay egen a golon u kom ma vadlnaɗi.#Kal. 12.14-20; Lev. 23.6-8; Ndu. 28.17-25 16Aŋ hin li luu ma feɗ wana vona, vuɗ tlegeyeŋ suu ne ki jewna halaŋ, tlesuu aŋ zaarasi hu sene maŋŋana halaŋŋi luu ma feɗ tlena vona, ni tak ki ana basara daɓ wa, hu li ma aŋ a tok yam tlena ki vona.#Lev. 23.15-21,39-43; Ndu. 28.26-31 17Hu basara halaŋŋi suuna mba fok Yawe, Lona, sesi hindi hindi.#Kal. 34.18-26; Gaɗ. 16.1-17 18Aŋ ka lan ɓivun ma ŋgaɗ busuna u fu ma kuffa dukummaɗi. Mbul ma yowom ay ki huu ɦuna ɦanna a ŋgal ɓivunnana hinim a fo maɗiira kiɗi. 19Aŋ mbaa vuɗ tlegeyeŋ suu ne jewna halaŋ ay hu Ziŋ Yawera fok Looŋŋa. Aŋ ka zal goo ɦuna duk mbii sum tokgi.#Kal. 34.26; Gaɗ. 14.21; 26.2
Vi vunna u haɗta jew asi a tuɗ Kanaanda
20An sunugi sa sunda huulona ha fokogiya, a nam gologi ha hu voɗta, a tuɗ kalagi hu li ma an minim ha kagina. 21Agi golom jiviya, humugina vunumu, cagi way u nambi, nam ka ndak a siɓ ŋgel vunnaɗi kay sen ka hurumu. 22Lini agi humum delemu ni lagi dlara an dagirara, an hin li ni a sa ma babalira u suu babali magisina a sa ma gonokka u suu gonok magisina may.
23Hu li ma saan ma sunda huulona gi tam fokogiya, tuɗ tewegi hu mbassa vi suu Amoreenna, suu Hetna, suu Perizinna u suu Kanaanna vi suu Hivna u suu Jebusna, an hin bulumusi kiyo. 24Agi mba goɓ ga fok loosinaɗi, sunumbi lay, agi mba li ko asi lira naɗi, ni na ɗow agi toosi loosi namma kiyo, toosi tlesuu asi goɓosina kiyo. 25Lini agi sun Yawe, Loogina, nam hin paɗ vunum ki kay tiigina u mbo ma agi camma. An hin ɦuɗugi tuguɗira ha ki egegi na day. 26Ni cara huruɗ ndi ki ɗowba cara bay vuɗ ka li varagiɗi lay. An hin hinigi lak iiri buu magina halaŋ. 27An hin sun ndaaran ha ki kay suuna fokogiya, suuna humugi dlagi ha na ni mbuɗ ki ndaa cocoo. Suu agi cuk varasina halaŋ mbuɗ ki ndaari. An hin suu babali magisina pereɗ ŋgorosi ka fokogiya. 28An hin sunugi caŋga dlumuruna ha ki fokogi nam hin dik suu Hivna u suu Kanaanna u suu Hetna ni bay agi tewesiya. 29An ka dikisi ha ki ni hu basara dewra gawɗi, kay ana joosi mbuɗ ki gura a vabakgina zul ki fokogi jew huɗi. 30An dikisi ha ni na lam lam, kay a agi tuɗ fi ndaŋga ndaɗta u jiviɗu a ndaɗ mbuɗ ki ni magira. 31An ŋgaagi vun ndaŋga magira ni col ha fun mbo Lum ma Cerewna tuɗ tew mbo lum ma vi suu Filistinna, col ay ŋgoo hu fulla tuɗ tew fun mbo lum ma Efratanna.
Hu li ma an hinigi suu hu zi nammana agi dikisi wa, agi dikisi ki fokogi halaŋ. 32Agi ka vi bana u suu asinaɗi, u loosi ma asi goɓommaɗi lay. 33Asi ka a cuk hu mbas magiraɗi lay, kay asi hin mbuɗugi a li cora egenu. Agi li sunusi loosina ni mbuɗ egegi ni a va ma daɓagi segina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.