2 TESALONIKŊA TAKKIRA
TAKKIRA
Ɓiiriɗ, Paul. Li ka hu basara 51 Sok boyna, Buu ma vi Bu Suunana.
Paul ɓii magara a mbara maŋ suu Tesalonikŋa ni ŋgoo mayra jewra tok daŋ duk ɦoŋosi ka dayɗi. Suu vina hu Tesalonik ɦay ki hu dlaasira viɗ ki na viɗ, asi saa ana, «buu ma vi Bu Suunana jak kiwa» (Joel 1.15; Wira 19.19; 2 Tes. 2.2).
Asi saa ana maga ta dew ni asi heɓeɗ eg Paul ana li ka ɓiiriɗ ni nam kalage. Lassa lasasira li kani buu ma ŋgolna cona vi Lonna Joel 2.3 kala. U haɗta haɗasira asi a juɓ ginni buɗ masira hu buu ma vi Kristuna ni ana falira Bu Suuna mba yow suu vinara u tok mayra u namba (2 Tes. 2.1; 1 Kor. 1.8).
Maga ndaɗta ɓiiriɗ ni a tak gasira maŋ suu vina hu Tesalonik, a haɗasi kay buu ma vi Kristuna, u tok maygira u namba (1 Tes. 4.14-17; 2 Tes. 2.1). Dlara hu buu nammara hin lini jew buu ma vi Bu Suunana. Magara jewra ɓakŋi kay yowra yow suu vina kolora. Ta mbara ni kay buu ma vi Bu Suunana may.
Magara ndak a ɓorow ko wanni na
1. Takkira 1.1-4
2. So huuna kay lassa 1.5-12
3. Buu ma vi Bu Suunana u sa ma ka min boyna vi Lonnaɗina 2.1-12
4. So huu ma daɓ daganna 2.13—3.15
5. Daɓpa 3.16-18
Currently Selected:
2 TESALONIKŊA TAKKIRA: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.