1 TESALONIKŊA TAKKIRA
TAKKIRA
Ɓiiriɗ ni Pol. Li ka ni hu basara 51. Sok boyna, Hoŋga Kristu hin hoŋ ayra.
Magaara Pol ɓiiriɗ maŋ suu Tesalonikŋa jewra ni nam ɓiiriɗ ay ni hu Korint, ŋgoo dagan ni nam tuɗ Tesalonik gaw may (Sun. 17.1-10; 18.1). Magaari suu nam ɓiirisi u tamba jewna ni ndaɗ maga ndaɗta duku. Pol tuɗ Tesalonik ni koy mamba mbara a di Boy Lonana. Nam haɗ suuna hu zira haɗta damassa hindi (Sun. 17.1-9). Lassa ŋgolla mbuɗum a tuɗ ŋgay tam kiyo.
Pol ɓii magaara jewra ndaɗta ni hu hoŋga Timote ma nam sunum ha Aten a tuɗ Tesalonikŋa (1 Tes. 3.1, 2). Boy ma jivina ma Timote mbaaram maŋ Polna ni vira u minda suu Tesalonikŋa minimba u humba humum vunumba, ni va ma zuɗ Pol a ɓiirisi magaarana. Hu magaa mamba minda ndaɗta nam joɓosi kay so huuna, gasi humusi kay gasira nam haɗasirara, u hoŋosi dira kay joɓ masi taa ɦiw kay hoŋga Bu Suuna hin hoŋ ayra, ko Timote mba damba na.
Pol ɓii magaa ndaɗta maŋ suu Tesalonikŋa suu vi hu boyna vi Lona wilina, ni kay sok boyna fiɗi. 1. A soosi usi hu gasira ŋgolora nam haɗasirara. 2. Soosi hurusi a kak teteɗ jivi ii Lona. 3. Ɗoɓosi ii dlara ki kay suu miɗina. 4. Haɗasi kay juɓpa asi juɓ hoŋga vi Bu Suunara.
Hu magaaari suu Pol ɓiirisi maŋ suu Tesalonikŋa u dlaaɗta jaka ni boy ma ŋgolona huna ni hoŋga Bu Suuna hin hoŋ ayra. Jivira vi haɗta Pol haɗaɗta njay ki ni hu til ma dewna ɦawaa. Pol mba suu Tesalonikŋa ka maŋ Kristu doy holɗi, nam haɗasi gaɗta ŋgolla hu vira ki lay. 1 Tes. 1.4.
Magaara ndak a ɓorow ko wanni na
1. Takkira 1.1-4
2. Suu vina tak ɗegee masira a suuna li ko asina, u iirira vi
suu vina iriɗ ɓorow hindi 1.5-10
3. Sa sunda ma ɗegeena a suuna li ko nam na mayra, u warak mamma 2
4. Wayay ma ɗegee ma suuna li ko nam na mayna mbuɗ mamba teteɗta 3
5. Poyra ɗegeera a suuna li na mayra, u juɓpa vi suu vina 4
6. Poyra ɗegeera a suuna li na mayra, u buu ma vi Bu Suunana 5.1-24
7. Daɓpa 5.25-28
Currently Selected:
1 TESALONIKŊA TAKKIRA: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.