Maahtiyo 28

Ciisahs ekiih kiiwepimaatisitc

(Mark 16.1-10; Luke 24.1-12; John 20.1-10)

1E'⁠ishkwaa Anwepiiwi kiishikaninik tahsh e'ani waapaninik e'⁠anami'ekiishikaninik,#28.1 e'anami'ekiishikaninik: pahkaan wiinawaa Coowak kii'‑ishikiishikanohkewak. Kaawiin kii'‑ishi anwepihsiiwak kiinawint kaashi anwepiyank. Kaashi anami'ekiishikanohkeyank ohsha wiinawaa o⁠kii'-ishi maacihsehtoonaawaa kaatawahtenik. Mii wiinawaa 'i ahpii kaa'⁠ishi anohkiiwikiishikanohkewaatc. Meri Maakatalawihkwe (Mary Magdalene), a'a kaye kotak Meri (Mary) kii'‑ishaawak ekii'-antawaapantamowaatc ciipekamik. 2Sesakooc tahsh kiih koshkwahkamikihseni. KaaTipenciketc otencaliman kihcikiishikonk kiihpi onciiwan, ninkoci okii'ishi tihtipinaani ini ahsiniin, miitahsh i'imaa ahsiniink kaa'ishi namatapinitc. 3Mii hsa taapishkoo kaa⁠waahtehsek kaa'‑ahpiihciwaahsenaakosinitc, okikishkikanini kaye taapishkoo koonink ekii'-ahpiihciwaapishkinaakwaninikin. 4Iki tahsh kaakiih kanawencikewaatc shimaakanihshak wiinke kii⁠nininkaanimisiwak kaa'ahpiihci sekisiwaatc, ekiih kawihsewaatc, taapishkoo ekii'-nipowaatc ekii'-ishinaakosiwaatc.

5A'a tahsh encal okiih kanoonaa' i'i ihkwewa': “Keko sekisihkek,” okii'-inaa'. “Kikihkenimininim aaniihsh e'⁠nanaantawaapamek Ciisahs kaakii'-akosaka'ontc. 6Kaawiin hsa o'omaa ayaahsii. Kiih⁠kiiwepimaatisi ohsha taapishkoo kaakii'-ihkitotc. 7Weyiip tahsh anta wiintamawimihk okihkino'amawaakana', ekiih kiiwepimaatisitc. Aasha tahsh weti Kaalaliink (Galilee) kitawipii'ikowaa. Mii 'imaa keshi waapamek. Maamihkawik tahsh i'i kaa'⁠ininakook,” okii'-ikowaan.

8Miitahsh shemaak kaa'ishi nakatamowaatc i'i ciipekamik ekiih kohtaaciwaatc. Shaakooc itahsh wiinke kiih⁠ciihkentamook, ekii'-ahpahtoowaatc ewii'-wiintamawaawaatc i'i kihkino'amawaakana'.

9Sesakooc tahsh okii'-nakishkaakowaan Ciisahsoon: “Pooshoo,” e'⁠ikowaatc. Okiih sakisitenaawaan hsa ekii'-ociciinkwaniihtawaawaatc. 10Miitahsh kaa'⁠ikowaatc: “Keko sekisihkek! Maacaak hsa, awikanoonihkwak niicihkiweyak#28.10 niicihkiweyak: okihkino'amawaakana' iitok i'i kaa⁠kiih tashimaatc. ci‑ishaawaatc Kaalaliink, miitahsh weti keshi waapamiwaatc,” okii'-ikowaan.

Kaakii'-inaacimowaatc i'i kaakiih kanawentamowaatc ciipekamik

11Mekwaa tahsh e'ani pimiayaawaatc iki ihkwewak, aaninta tahsh shimaakanihshak kaakiih kanawentamowaatc ciipekamik, kiih⁠kiiweishaawak weti Ceroosalamink (Jerusalem) ekii'-wiintamawaawaatc Kihcianami'ewikimaa' kahkina kekoonini kaakii'-inahkamikaninik. 12Kihcianami'ewikimaak, iki kaye kaa⁠niikaanisiwaatc Coowak kii'-onentamook aaniin ke⁠ishihcikewaatc. Miitahsh kaa'ishi miinaawaat niipowa' shooniyaan ini shimaakanihsha', 13e'⁠inaawaatc: “O'o hsa kika ihkitom: ‘Okihkino'amawaakana' kiihpi takohshinoo' eh⁠tipihkaninik mekwaa e'⁠nipaayaank, miitahsh iinsan kaa'ishi kimootinitc i'i owiiyaw.’ 14Kiishpin tahsh kihcionahshowewikimaa noontank o'oweni, niinawint hsa ninka kashkimaanaan kiinawaa kekoon ci⁠pakamishkaakohsiwek,” okii'-inaawaa'.

15Iki tahsh okanawencikek okii'-otaahpinaawaan ini shooniyaan, ekii'-ishihcikewaatc kaakii'-inintwaa. Miitahsh Coowak keyaapi noonkom kaa⁠kiishikaninik o'o pepaaihkitowaatc.

Ciisahs ekii'-naakosiihtawaatc okihkino'amawaakana'

(Mark 16.14-18; Luke 24.36-49; John 20.19-23; Acts 1.6-8)

16 # Mat 26.32; Mrk 14.28. Iki tahsh mitaahshipeshik (11) kihkino'amawaakanak kii'‑ishaawak weti kaaishi pihkwatinaanik Kaalaliink (Galilee) kaakii'-ikowaatc Ciisahsoon ci‑ishaawaatc. 17Ahpii tahsh e'⁠waapamaawaatc okii'-ociciinkwaniihtawaawaan. Aaninta tahsh kaawiin okiih kwayahkwenimaahsiwaawaan. 18Ciisahs itahsh pehsho okiih pinaasihkawaa' ekii'-inaatc: “Kahkina hsa kashki'ewisiwin ninkii'-miinikoowis kahkina kekoon ci⁠tipentamaan kihcikiishikonk, ahkiink kaye. 19#Act 1.8. Maacaak tahsh, naasihkawihkwak iki kahkina kaa⁠tahswewaanakisiwaatc pemaatisiwaatc, kihkino'amawihkwak ci⁠piminisha'owaatc. Siika'antawihkwak kaye otishinihkaasowininiink ini Weyoohsimimintc, ini kaye Wekosihsimimintc, ini kaye Kishemanitoo otAhcaahkwan. 20Ci⁠kihkino'amawekwaa kaye ci⁠tootamowaatc kahkina kekoonini kaakii'-ininakook. Mooshak tahsh eyaantahsokiishik kika wiiciiwininim piinihsh i'i ahpii ci‑ishkwaahsekin ono kaa⁠pimihsekin o'omaa ahkiink,” kii'‑ihkito.

Currently Selected:

Maahtiyo 28: OJBR

Highlight

Copy