Maahtiyo 11

Cwaan Siika'antaakewinini ekii'-ishinisha'waatc awiya' ci⁠kakwecimaatc Ciisahsoon aweneniwinitc

(Luke 7.18-35)

1Ahpii tahsh Ciisahs kaa'⁠ishkwaakanoonaatc okihkino'amawaakana', kii'ani maacaa e⁠hpapaa kihkino'amaaketc, eh⁠papaa wiintamaaketc kaye otipaacimowin i'imaa pepahkaan ootenaahkaank.

2Cwaan (John) Siika'antaakewinini tahsh kipaahkwa'otiiwikamikonk ekii'-ayaatc,#11.2 kipaahkwa'otiwikamikonk e⁠kii'-ayaatc: waapantan 14.3-4. ekii'-noontank aaniin enanohkiinitc ini Christan, okii'-ishinisha'waa' okihkino'amawaakana' kaaishi ayaanitc, 3ekii'-inaawaatc Ciisahsoon: “Kiin ina Cwaan kaakiih tipaacimaatc ewiih takohshininitc, komaa kaye kotak ninka pii'aanaan?”

4Ciisahs tahsh okii'-inaa': “Maacaak, kiiwek, wiintamawihk Cwaan wekonen kaa⁠noontamek, kaa⁠waapantamek kaye. 5#Isa 35.5-6; 61.1. Iki kaa⁠waapihsikwaa e'⁠waapiwaatc, kaa⁠pimohsehsikwaa eh⁠pimohsewaatc, kaa⁠omikiiwaahpinewaatc ekii'-minoayaa'intwaa, kaa⁠noontansikwaa e'⁠noontamowaatc, kaa⁠nipowaatc eh⁠pimaaci'intwaa, iki kaye kaa⁠kitimaakisiwaatc e'⁠wiintamawintwaa minwaacimowin. 6Aahpici ta⁠minwentam a'a wiihkaa ke⁠pooni tepweyenimihsik.”

7Cwaan itahsh kaa'ani maacaanitc okihkino'amawaakana', Ciisahs okiih kanoonaa' kaa⁠maamawenonitc ekiih tashimaatc ini Cwaanan: “Ahpii kii'⁠antawaapamek a'a Cwaan weti pikwatahkamik, wekonen nika waapantaamin kaa'⁠inentamek? Mashkohsiiw na ci⁠wewepaahsink? 8Wekonehsh kaa'‑antawaapantamek? Awiya na ci⁠minohkonayetc kikii'-antawaapamaawaa? Iki kaa⁠minohkonayewaatc i'imaa ayaawak kihciokimaa' kaashi ayaanitc. 9Wekonen tahsh kaa'‑antawaapantamek? Kishemanitoo na otipaacimowininiiman? Tepwe kitinininim, mii 'awe tino inini kaakii'-antawaapamek! A'a tahsh Cwaan nawac kihci inentaakosi ahpiihc wiin kotak tipaacimowininiwa' kaa⁠kanoocikehtamawaanitc Kishemanitoon. 10#Mal 3.1. I'iwe tahsh kaa'⁠ishipii'ikaatek: ‘Kishemanitoo ihkito, Mii 'awe kaa⁠pimiwitootc nintipaacimowin, ninka niikaaninisha'waa ci⁠oshiihtaahtamawihk aanti ke⁠ishaawatc.’ Cwaan tahsh a'awe kaa⁠tashimintc. 11Maamihkawihk o'o! Cwaan Siika'antaakewinini nawac kihci inentaakosi ahpiihc wiin minihk ininiwa' kaakiih pipimaatisinitc. Shaakooc itahsh awenen iko pankii kaa‑ahpiihtentaakositc i'imaa Kishemanitoon oTipencikewininiink, nawac ishpentaakosi ahpiihc wiin Cwaanan. 12#Luk 16.16. I'i tahsh ahpii Cwaan kaakii'-maacii wiintamaaketc otipaacimowin piinihsh o'o ishi ahpii noonkom kaakiishikahk, ehpiihciiwaatc awiyak ishikakwe piintikewak Kishemanitoon oTipencikewininiink, kaa⁠mashkawihcikewaatc kaye otootaahpinaanaawaa. 13Kahkina Kishemanitoo otipaacimowininiima', Moosihs (Moses) otOonahshowewin kaye#11.13 Kishemanitoo otipaacimowininiima', Moosihs (Moses) otOonahshowewin kaye: waapantan 5.17. okii'-niikaanitipaatotaanaawaa ke⁠ishisenik, piinihsh Cwaan kii⁠takohshink. 14#Mat 17.10-13; Mrk 9.11-13. Kiishpin tahsh wiih⁠tepwehtamek kaakii'-ihkitowaahpan, miihsa Cwaan a'a Ilaaica (Elijah) kaakii'-wiinsotc ewiih takohshink.#11.14 Ilaaica (Elijah) kaa⁠kii'-wiinsotc e⁠wiih takohshink: waapantan Luke 1.17; John 1.21. 15Pisintamok kiinawaa kaa⁠ohtawakaayek!

16“Aaniihsh keishi naapinaako'akwaa okoweniwak noonkom kaa⁠pimaatisiwaatc? Mii taapishkoo apinoonciishak kaa‑ayoohkwapiwaatc i'imaa akwaciink kaatanataawenk, eh⁠shaakowaanaawaatc kaa⁠wiiciiwaatc e'⁠otaminowaatc: 17‘Nintaanakii'-inwewemohcike pootaacikemin ci⁠niimiyek, kaawiin hsa naa kikii'-niimihsiim. Nintaanakii'-ina'aamin kaye na'inikenikamonan, kaawiin hsa naa kikii'-mawihsiim.’ 18Cwaan tahsh kiih⁠takohshin, kii'⁠mantawi anami'aa, kaawiin kaye kii'⁠minihkwehsii shoominaapo. Miitahsh kaa⁠icikaniwitc ‘Maciahcaahkwan okikishkawaan.’#11.18 ‘Maciahcaahkwan okikishkawaan’: Mii maawiin o'o kaa⁠kii'-onci‑icikaniwitc ekii'inenimintc eh⁠kiiwashkweshkaakotc maciahcaahkwan. 19Inini oKosihsan itahsh kiih⁠takohshin, kii'⁠wiihsini, kii'⁠minihkwe kaye, miitahsh kaa'⁠icikaniwitc: ‘Kaa⁠shakeshki, minihkweshki, osaakiwiiciiwaa' taakihs (tax) kaa⁠tipa'ike'iwenitc, i'i kaye kotak kaa⁠aanawenimimintc.’ Shaakooc itahsh awiya peminisha'ank Kishemanitoon okakiihtaawentamowinini, piciinak tani pehtenaakwanini tepwe i'i eh⁠tinowaninik ahpii kota ani naakwaninik wekonen i'imaa otishihcikewinink wencihsenik.”

Aaniin kaa⁠itank ootenawan kaakii'ishi nehpici tepwehtawaahsiwintc

20Imaa tahsh kaashi ootenaawankin nawac kaakiih tashi maamahkaacihciketc kaawiin kii'⁠nehpici kwehkaatisihsiiwa' awiya', miitahsh kaakii'onci kihcinooci'aatc, o'o ekii'-inaatc: 21#Amos 1.9-10; Zech 9.2-4. “Kiinawaa Kwaraasin (Chorazin) kaa‑ayaayek kika ocaanimisim! Kekiinawaa kika ocaanimisim Pehseta (Bethsaida) kaa‑ayaayek! Kiishpin ini kaa'⁠waapantamek maamahkaacihcikewinan kii⁠naakohcikaatekopanenan i'imaa ootenaank Tayarink (Tyre), Saaitanink (Sidon) kaye, aasha mewisha otaakiih pihsihkaanaawaa kaa‑ahsapiwekaninikin kaye mewisha otaakiih piiwiwepinaanaawaa piinkwiini ohtikwaaniwaank ci⁠naakohtoowaatc kaakiih kwehkaatisiwaatc. 22Maamihkawik itahsh o'o: Ahpii tipaahkonikewikiishikahk, Kishemanitoo nawac oka koohpaasinawaa' i'i Tayarink, Saaitanink kaye kaaishi ayaanitc ahpiihc kiinawaa. 23#Gen 19.24-28. Kiinawaa tahsh Kaparniyamiink (Capernaum) kaa‑ayaayek! Kikii'-inentaam ina ewii'-ishpenintisoyek kihcikiishikonk inahke maawac ci⁠kihci inentaakwahk kitootenaamiwaa? Weti onipook kaashi ayaawaatc kika ishiwepinikoom! Kiishpin naakohcikaatekopanenan ini maamahkaacihcikewinan i'imaa Swaatamiink (Sodom) taapishkoo kaashi waapantamek, keyaapi Swaatam taakii'-ayaa noonkom. 24#Mat 10.15; Luk 10.12. Maamihkawik itahsh o'o! Ahpii tipaahkonikewikiishikahk, Kishemanitoo nawac oka koohpaasinawaa' Swaatamiink kaakii'-ayaanitc ahpiihc kiinawaa Kaparniyamiink kaa‑ayaayek.”

Piishaak ci⁠anwepiyek e'⁠ihkitot

25Amiitahsh i'i ahpii Ciisahs kii'‑ihkito: “NinTete! Kiin kaa⁠tipentaman kiishik, ahki kaye, kinanaahkomin aaniihsh kaawiin kikiih kihkentamoonaahsiik ono kekoonan ikiweniwak kaa⁠kakiihtaawentamowaatc kaa⁠kihkentaahsowaatc kaye, iki tahsh wiin aahpici kaa⁠kihkentansikwaa kekoonini kikii'-waapanta'aak. 26Aaniihsh kiin ninTete, mii 'owe maawac eshi minwaapantaman.”

27 # Jhn 1.18; 3.35; 10.15. Miitahsh kaa'ani ihkitotc: “NinTete tahsh kahkina kekoonini nikii'-miinik. Kaawiin awiya okihkenimaahsiin ini oKosihsimaan, mii ehta a'a Kaa⁠oyoohsimintc. Kaawiin kaye awiya okihkenimaahsiin ini Kaa⁠oyoohsimimintc, mii ehta a'a oKosihsimaa. I'i tahsh ehta kaye kaa⁠inentank oKosihsimaa ci⁠kihkentamoonaatc.

28“Pinaasihkawihshik kahkina kiinawaa kaa‑ayehkosiyek, ehpwaawaneyek kaye, kika miinininim itahsh anwepiwin. 29#Jer 6.16. Otaahpinamok, pihsihkamok nintahpihkanaahtik kihkinawaapamihshik, aaniihsh ninoohkaatis, nintapahsenim kaye. Kika mihkaanaawaa tahsh anwepiwin. 30I'i tahsh ahpihkanaahtik ke⁠miininakook aahpici kika minowane'ikoom, niin ke⁠pimiwane'inakook aahpici tanaankan,” kii'‑ihkito.

Currently Selected:

Maahtiyo 11: OJBR

Highlight

Copy