ᓭᐸᓈᔭ 2
2
ᐯᒫᑎᓯᐙᒡ ᑮᐊᑕᐌᓂᒥᑣ ᒋᑴᑳᑎᓯᐙᒡ
1ᑕᑲ ᒫᒪᐎ ᓈᓯᑯᑖᑎᒃ ᑮᓇᐙ ᐁᔮᓯᐌᒃ ᐊᑲᒋᐎᓐ, 2ᒋᑆ ᐅᒋᒋᓭᒃ ᐊᐲ ᑳᐐ ᒫᒌᔮᒧᑳᓂᑯᔦᒃ ᑖᐱᔥᑰ ᐸᑴᔑᑲᓂᒥᓄᑯᓄᔮᓐ ᑳᒫᒌ ᐌᐹᓯᕽ, ᒋᑆ ᐅᑎᓯᑯᐌᒃ ᑲᔦ ᑳᑎᐯᒋᑫᒡ ᐅᓂᔥᑳᑎᓯᐎᓐ ᐃᔥᑯᑌᕽ ᑳᐃᓀᑖᑾᓂᓂᒃ, ᒋᑆ ᐃᔑ ᑮᔑᑲᓂᓂᒃ ᑳᐐ ᓈᑯᑑᒡ ᐅᓂᔥᑳᑎᓯᐎᓐ᙮ 3ᓇᓈᑐᓀᐅᒃ ᑳᑎᐯᒋᑫᒡ, ᑲᑭᓇ ᑮᓇᐙ ᑌᐸᓭᓂᒧᔦᒃ ᐁᔮᔦᒃ ᐃᐃᒫ ᐊᑮᕽ, ᑮᓇᐙ ᑳᑑᑕᒧᐌᒃ ᑳᐃᓈᑯᓂᑫᒡ᙮ ᐊᑐᓀᐊᒧᒃ ᑾᔭᒀᑎᓯᐎᓐ, ᑕᐸᓭᓂᒧᐎᓐ ᑲᔦ; ᒦ ᐄᑐᒃ ᒋᐋᑲᐎᔥᑳᑰᔦᒃ ᐊᐲ ᑮᔑᑲᓂᓂᒃ ᑳᑎᐯᒋᑫᒡ ᓂᔥᑳᑎᓯᒡ᙮
ᑳᐐᐃᔑᒫᔑᓭᐙᒡ ᐯᒫᑎᓯᐙᒡ
4 # Isa 14.29-31; Jer 47.1-7; Ezk 25.15-17; Joel 3.4-8; Amo 1.6-8; Zec 9.5-7. ᑳᐐᓐ ᓴ ᑲᓇᑫ ᐊᐎᔭ ᑕᐊᔮᓰ ᐃᐃᒫ ᐆᑌᓈᕽ ᑫᓴ Gaza, ᐃᐃ ᑲᔦ ᐊᔥᑫᓬᐊᓐ Ashkelon ᐆᑌᓈᕽ ᑕᒪᔕᔥᒀ᙮ ᐃᑭ ᓴ ᐯᒫᑎᓯᐙᒡ ᐁᔮᐙᒡ ᐋᔥᑖᑦ Ashdod ᐆᑌᓈᕽ ᑕᓵᑭᑖᒧᑳᓱᐗᒃ ᐋᐱᑕ ᑮᔑᑲᓂᓂᒃ, ᐃᑭ ᑲᔦ ᐁᔮᐙᒡ ᐁᑲᕒᐊᓐ Ekron ᐆᑌᓈᕽ ᑕᐅᑖᐱᓈᐗᒃ ᒋᒫᒌᓂᑣ᙮ 5ᑮᓇᐙ ᓴ ᐁᔑᑖᔦᒃ ᒌᑭ ᑭᒋᑲᒻ ᑫᓇᓐ Canaan ᐊᑮᕽ ᐱᓬᐃᔅᑏ Philistine ᑳᑎᓄᐎᔦᒃ, ᐋᔕ ᑭᑎᓇᑭᒥᑰᒻ ᐁᓂᔑᐗᓈᑎᓯᔦᒃ᙮ ᑳᑎᐯᒋᑫᒡ ᐋᔕ ᑭᑮ ᐅᓈᑯᓂᑯᐙ᙮ ᑭᐐ ᒑᑭᐃᑯᐙ, ᑳᐐᓐ ᑲᓇᑫ ᐯᔑᒃ ᐊᐎᔭ ᑕᐱᒫᑎᓯᓰ᙮ 6ᐃᐃ ᓴ ᑕᔥ ᑭᑕᑮᒥᐙ ᐁᔮᒃ ᒌᑭ ᑭᒋᑲᒻ ᑕᐃᔑᓈᑾᓐ ᑖᐱᔥᑰ ᑳᐸᔥᒀᒃ ᒥᔕᐗᑲᒥᒃ ᐁᔑᐊᔮᓂᑭᓐ ᐁᔑ ᐋᑰᔑᒨᓄᐙᒡ ᐅᑲᓇᐎ ᒫᓇᒑᓂᔑᐌᒃ, ᑳᔑ ᐲᑎᑫᐙᒡ ᑲᔦ ᒫᓇᒑᓂᔕᒃ᙮ 7ᐃᑭ ᓴ ᑫᔖᐾᐙᒡ ᐌᒌᐙᒡ ᒎᑕ Judah ᐊᑮᕽ ᑕᐃᔑᑖᐗᒃ ᑭᑕᑮᒥᐙᕽ᙮ ᒦᔥ ᐌᑎ ᑫᔑ ᒥᑲᒧᐙᒡ ᒪᔥᑯᓰᓂ ᑫᒦᒋᓂᒡ ᐅᒫᓇᒑᓂᔑᒥᐙᐞ, ᒋᔑ ᓂᐹᐙᒡ ᑲᔦ ᐅᐙᑳᐃᑲᓂᓃᕽ ᐃᐃ ᐊᔥᑫᓬᐊᓐ ᐌᒌᓂᒡ ᑳᑮ ᐃᔑᑖᓂᐸᓐ᙮ ᑳᑎᐯᒋᑫᓂᒡ, ᐅᑭᔐᒪᓂᑑᒥᐙᓐ ᓴ ᐅᑲ ᐐᒌᐎᑯᐙᓐ, ᒋᒥᓄᓭᐃᑯᐙᒡ ᒦᓇᐙ᙮
8 # Isa 15.1—16.14; 25.10-12; Jer 48.1-47; Ezk 25.8-11; Amo 1.13-15; Jer 49.1-6; Ezk 21.28-32; 25.1-7; Amo 1.13-15. ᒦᔥ ᐁᑭᑐᒡ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ, ᓂᓅᑕᐙᒃ ᐃᓴ ᐯᒫᑎᓯᐙᒡ ᒨᐗᑉ Moab ᑲᔦ ᐊᒪᓐ Ammon ᐌᒌᐙᒡ ᐁᒪᒋᐃᓈᐙᒡ, ᐁᒦᑭᓱᒫᐙᒡ ᑲᔦ ᓂᐱᒫᑎᓰᒪᐞ ᐁᑲᑭᒋᒧᐙᒡ ᐁᐐ ᒪᑲᒫᐙᒡ ᐅᑕᑮᒥᓂ᙮ 9#Gen 19.24. ᑌᐺ ᓴ ᑯ ᑳᐃᑭᑐᔮᓐ ᓃᓐ ᑳᑎᐯᒋᑫᔮᓐ, ᐌᑭᔐᒪᓂᑑᒥᒥᐙᒡ ᐃᔅᕒᐃᔭᓬᐊᒃ, ᒦ ᓴ ᐃ ᐁᑭᑐᔮᓐ ᐃᐃ ᒨᐗᑉ ᐊᑭ, ᐃᐃ ᑲᔦ ᐊᒪᓐ ᐊᑭ ᒋᔑ ᓂᔑᐗᓈᒋᒋᑳᑌᒃ ᑖᐱᔥᑰ ᑳᑮ ᑑᒋᑳᑌᑭᓐ ᐆᑌᓇᐗᓐ ᔂᑕᒻ Sodom, ᐃᐃ ᑲᔦ ᑲᒸᕒᐊ Gomorrah ᐁᔑᓂᑳᑌᑭᓐ᙮ ᒦᔥ ᑫᓂ ᐃᔑᓈᑾᑭᓐ ᑖᐱᔥᑰ ᐯᐯᑾᒡ ᑳᔒᐎᑖᑲᓂᐗᕽ ᐊᑭ, ᓀᐱᒡ ᐃᑯ ᒋᓂᔑᐗᓈᓯᓈᑾᒃ, ᐯᐯᑾᒡ ᑲᔦ ᓅᒋᑯ ᑫᑰᓇᓐ ᑳᔑ ᓂᑖᐎᑭᑭᓐ᙮ ᐃᑭ ᓴ ᑕᔥ ᓂᐱᒫᑎᓰᒪᒃ ᑫᔖᐾᐙᒡ ᐅᑲ ᒪᑲᒫᐙᐞ ᐅᑕᔭᐄᒥᓂ, ᐅᑕᑮᒥᓂ ᑲᔦ᙮
10ᒦᑕᔥ ᐅᐅ ᓇᑫ ᐯᒫᑎᓯᐙᒡ ᐁᔮᐙᒡ ᒨᐗᑉ ᐊᑮᕽ, ᐊᒪᓐ ᐊᑮᕽ ᑲᔦ ᑫᔑ ᓇᓇᐊᓯᑣ ᐁᑭᒋ ᐃᓀᓂᑎᓱᐙᒡ, ᐁᑲᑮᐹᑎᓯᐙᒡ ᑲᔦ, ᑲᔦ ᑕᔥ ᐁᒪᒋᐃᓈᐙᒡ ᐯᒫᑎᓯᓂᒡ ᑌᐯᓂᒥᑯᓂᒡ ᑳᒫᐗᒋ ᒪᔥᑲᐎᓰᓂᒡ ᑳᑎᐯᒋᑫᓂᒡ᙮ 11ᑳᑎᐯᒋᑫᒡ ᓴ ᐅᑲ ᑑᑕᐙᐞ ᒋᓇᓂᑳᓂᒥᓯᓂᒡ᙮ ᒪᓂᑑᑳᓇᐞ ᐅᐅᒫ ᐊᑮᕽ ᐅᑲ ᑑᑕᐙᐞ ᑫᑰᓐ ᒋᐃᓀᑖᑯᓯᓯᓂᒃ᙮ ᒦᔥ ᑲᑭᓇ ᐯᒫᑎᓯᓂᒡ ᐁᑕᓶᐙᓇᑭᓯᓂᒡ ᒋᐊᓇᒥᐁᑖᑯᒡ ᐁᔑ ᐊᔭᔮᓂᒡ ᐅᑕᑮᒥᓃᕽ᙮
12 # Isa 18.1-7. ᑳᑎᐯᒋᑫᒡ ᐃᑕᔥ ᑲᔦ ᐅᑲ ᓂᓵᐞ ᐯᒫᑎᓯᓂᒡ ᓱᑌᓐ Sudan ᐌᒌᓂᒡ᙮
13 # Isa 10.5-34; 14.24-27; Nah 1.1—3.19. ᑳᑎᐯᒋᑫᒡ ᐃᑕᔥ ᑲᔦ ᐅᑲ ᐋᐸᒋᑑᓐ ᐅᒪᔥᑲᐎᓰᐎᓐ ᒋᓂᔑᐗᓈᒋᑑᒡ ᐊᓰᕒᐃᔭ ᐊᑮᓂ᙮ ᐃᐃ ᑕᔥ ᑲᔦ ᓂᓂᐯ ᐆᑌᓇ ᐅᑲ ᑌᑕᑯ ᓂᔑᐗᓈᒋᑑᓐ, ᒋᐃᔑᓈᑾᓂᓂᒃ ᑖᐱᔥᑰ ᐱᑾᑕᑲᒥᒃ ᑳᐹᑌᓂᒃ᙮ 14ᒦᔥ ᐃᐃᒫ ᒫᓇᒑᓂᔕᒃ, ᐱᔑᑭᐗᒃ, ᐁᑕᓶᐙᓇᑭᓯᐙᒡ ᑲᔦ ᐊᔭᐋᐎᔕᒃ ᑫᔑ ᐱᒥᔑᓄᐙᒡ᙮ ᑯᑯᑯᐆᒃ ᐃᐃᒫ ᑕᐃᔑᑖᐗᒃ ᑳᑮ ᐅᒋ ᐲᑾᐃᑳᑌᑭᓐ ᐙᑳᐃᑲᓇᓐ, ᒋᐅᒋ ᓅᑖᑯᓯᐙᒡ ᐙᓭᒋᑲᓂᑳᕽ᙮ ᑳᐸᐲᐎᓯᑭᓐ ᑫᑰᓇᓐ ᐁᔑ ᐊᔨᔥᒀᑌᒥᑳᓂᒃ᙮ ᑮᔥᑳᑎᑰᒃ ᑲᔦ ᐁᔮᐸᑎᓯᐙᐸᓐ ᐃᐃᒫ ᐲᑎᒃ ᑕᐸᑾᒋᐱᓈᐗᒃ᙮
15ᒦᑕᔥ ᐅᐅ ᑫᑑᑕᐎᑣ ᐯᒫᑎᓯᐙᒡ ᐁᔮᐙᒡ ᑭᒋ ᐆᑌᓈᑳᕽ ᑳᑭᒋ ᐃᓀᑕᒧᐙᒡ ᐅᒪᔥᑲᐎᓰᐎᓂᐙᓐ, ᐁᓀᑕᒧᐙᒡ ᑲᔦ ᐄᓴᓐ ᑫᑰᓐ ᒋᐃᔑᓭᓯᒀ᙮ ᐯᒫᑎᓯᐙᒡ ᐄᑐᒃ ᑳᐃᓀᑕᒧᐙᒡ ᐅᑭᒋ ᐆᑌᓈᒥᐙᓐ ᒫᐗᒡ ᐁᓲᑫᑖᑾᓂᓂᑭᓐ ᐅᐅᒫ ᐊᑮᕽ᙮ ᐐᑫ ᑕᔥ ᐃᑯ ᑕᑭᒋ ᓂᔑᐗᓈᒋᒋᑳᑌ᙮ ᒦ ᓴ ᐃᐌ ᐱᑾᒋ ᐊᔭᐋᐎᔕᒃ ᑫᔑ ᑲᐯᔑᐙᒡ᙮ ᐊᐌᓀᓐ ᐃᑕᔥ ᐃᑯ ᐃᐃᒫ ᑫᐱᒥ ᐊᔮᒡ ᐅᑲ ᑭᒋ ᑲᒀᓂᓴᑫᑖᓐ᙮
Currently Selected:
ᓭᐸᓈᔭ 2: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
