ᐊᑭᑖᓱᓇᓐ 27
27
ᒑᔓᐙ ᑮᐅᓇᑭᒥᓐᒡ ᒋᓈᐱᔥᑲᐙᒡ ᒨᓯᓲᓐ
12 # Deu 3.23-27; 32.48-52. ᑳᑎᐯᒋᑫᓂᒡ ᑕᔥ ᒨᓯᔅ Moses ᐅᑮᐃᑰᓐ, ᒫᒑᓐ ᐌᑎ ᐃᔖᓐ ᑳᔑ ᐊᔮᑭᓐ ᐊᐸᕒᐃᒻ Abarim ᐗᒌᓐ, ᒦ ᓴ ᑕᔥ ᐌᑎ ᒋᐙᐸᑕᐃᓈᓐ ᐃᐃ ᐊᑭ ᑳᐐ ᒦᓇᒀ ᐯᒫᑎᓯᐙᒡ ᐃᔅᕒᐃᔭᓬᐊᒃ Israel᙮ 13ᐊᐲ ᑕᔥ ᑮᐃᔥᒀ ᐙᐸᑕᒪᓐ, ᒦ ᓴ ᐃ ᒋᐃᔥᒀ ᐱᒫᑎᓯᔭᓐ ᑖᐱᔥᑰ ᑮᒋᑭᐌᓯ ᐁᕒᐊᓐ Aaron ᑳᑮ ᐃᔑᓭᒡ᙮ 14ᐃᐃ ᓴ ᑳᔑ ᓃᔑᔦᒃ ᑳᐐᓐ ᑭᑮ ᐃᔑᒋᑫᓰᒻ ᑳᑮ ᐃᔑ ᐊᓅᓂᓇᑰᑭᐸᓐ ᐌᑎ ᐱᑾᑕᑲᒥᒃ ᓯᓐ Zin ᑳᐃᔑᓂᑳᑌᒃ, ᐊᐲ ᐃᔅᕒᐃᔭᓬᐊᒃ ᑮᒫᔑ ᑲᓅᔑᐙᐸᓐ᙮ ᑳᐐᓐ ᐄᑐᒃ ᑭᑮ ᐃᓀᑕᓰᒻ ᒋᑭᑫᑖᑯᒋᑳᑌᑭᐸᓐ ᑳᔑ ᑭᑌᑖᑯᓯᔮᓐ ᐁᓈᓴᒦᐙᒡ ᐯᒫᑎᓯᐙᒡ, ᐅᑮᐃᑰᓐ᙮ ᒣᕒᐃᐸ Meribah ᐅᔕ ᑳᐃᔑᓂᑳᑌᒃ ᑳᒧᑯᒋᐗᕽ ᓂᐱ ᑲᑌᔑᕽ Kadesh ᐱᑾᑕᑲᒥᑯᕽ ᓯᓐ ᑳᐃᔑᓂᑳᑌᒃ᙮
15ᒨᓯᔅ ᑕᔥ ᐅᑮᐃᓈᓐ ᑳᑎᐯᒋᑫᓂᒡ, 16ᑳᑎᐯᒋᑫᔭᓐ ᑳᑭᔐᒪᓂᑑᐎᔭᓐ ᑳᑎᐯᑕᒪᓐ ᑲᑭᓇ ᐱᒫᑎᓯᐎᓐ, ᑭᑎᔑ ᑲᑴᒋᒥᓐ ᒋᐅᓈᐸᒪᒡ ᐃᓂᓂ ᑫᓃᑳᓃᑕᒪᐙᒡ ᐯᒫᑎᓯᓂᒡ ᐃᔅᕒᐃᔭᓬᐊᐞ᙮ 17#1Ki 22.17; Ezk 34.5; Mat 9.36; Mrk 6.34. ᒦ ᓴ ᐊᐌ ᑫᓃᑳᓃᑕᒪᐙᒡ ᒫᒑᓂᒡ, ᐱᑮᐌᓂᒡ ᑲᔦ᙮ ᒦ ᑲᔦ ᐊᐊ ᑫᓃᑳᓃᑕᒪᐙᒡ ᐊᑕ ᒦᑳᓱᓂᒡ, ᑫᐱᑮᐌᐎᓈᒡ ᑕᔥ ᑲᔦ᙮ ᐃᑭ ᓴ ᐯᒫᑎᓯᐙᒡ ᑳᑎᐯᓂᒥᑯᐙᒡ ᑳᑎᐯᒋᑫᓂᒡ ᒋᐃᔑᓈᑯᓯᓯᒀ ᑖᐱᔥᑰ ᒫᓇᒑᓂᔕᒃ ᑳᐊᔮᐙᓯᒀ ᐊᐎᔭᓐ ᑫᓃᑳᓃᑕᒫᑯᐙᒡ, ᐅᑮᐃᓈᓐ᙮
18 # Exo 24.13. ᑳᑎᐯᒋᑫᓂᒡ ᐃᑕᔥ ᐅᑮᐃᑰᓐ ᒨᓯᔅ, ᐊᐊ ᓴ ᒑᔓᐙ Joshua ᐅᑖᐱᓐ, ᓇᓐ Nun ᑳᐃᔑᓂᑳᓱᓂᒡ ᐅᑌᑌᓐ, ᒦ ᓴ ᐊᐌ ᐃᓂᓂ ᑳᑲᑮᑖᐌᑕᕽ, ᐊᐎ ᓵᒥᓐ ᐅᑎᒀᓃᕽ ᐐᓐ ᐁᐅᓇᑭᒥᓐᒡ᙮ 19ᒦ ᓴ ᐊᐌ ᑫᓃᐸᐎᐃᓐᒡ ᐁᓈᓴᒦᓂᒡ ᐊᓇᒥᐁᐎᑭᒫᓐ ᐁᓬᐃᐁᓴᕒ Eleazar ᐁᔑᓂᑳᓱᓂᒡ, ᐃᐃ ᑲᔦ ᑲᑭᓇ ᑳᔑ ᐊᔮᓂᒡ ᐯᒫᑎᓯᓂᒡ᙮ ᒦᑕᔥ ᐃᐃ ᒋᐃᓇᑭᒥᓐᒡ ᐐᓐ ᐁᒦᓂᑰᐎᓯᒡ ᒋᓃᑳᓃᑕᒫᑫᒡ᙮ 20ᒦ ᓴ ᑕᔥ ᐃᐃ ᑫᔑ ᒦᓇᒡ ᑭᒪᔥᑲᐌᑖᑯᓯᐎᓐ, ᑲᑭᓇ ᓴ ᐯᒫᑎᓯᓂᒡ ᐃᔅᕒᐃᔭᓬᐊᐞ ᒋᓇᐃᑖᑯᒡ᙮ 21#Exo 28.30; 1Sa 14.41; 28.6. ᐃᓂᐌᓂᐗᓐ ᑕᔥ ᐊᓇᒥᐁᐎᑭᒫᓐ ᐁᓬᐃᐁᓴᕒᐆᓐ ᑳᐃᔑᓂᑳᓱᓂᒡ ᐅᑲ ᐊᐯᓂᒧᓄᑕᐙᓐ, ᐋᓃᔥ ᒦᐗᓐ ᐃᓂ ᑫᑲᑴᑗᑕᒫᑯᒡ ᑫᐅᒋ ᑭᑫᑕᕽ ᐅᑎᓀᑕᒧᐎᓂᓂ ᑳᑎᐯᒋᑫᓂᒡ᙮ ᐊᐊ ᓴ ᐊᓇᒥᐁᐎᑭᒫ ᐅᑲ ᐋᐸᒋᑑᓐ ᐃᔫᕒᐃᒻ#27.21 ᐃᔫᕒᐃᒻ, ᑕᒥᒻ ᐁᒋᑳᑌᑭᓐ᙮ ᒦᐗᓐ ᓴ ᐅᓄ ᑎᓄ ᐊᓇᒥᐁᐎᑭᒫ ᑳᑮ ᐋᐸᒋᑑᒡ ᐁᐊᑕ ᑭᑫᑕᕽ ᑫᑰᓐ ᐋᓃᓐ ᐁᔑ ᐊᑕᐌᑕᒥᓂᒡ ᑭᔐᒪᓂᑑᓐ᙮ ᑳᐐᓐ ᐃᑕᔥ ᑭᑫᒋᑳᑌᓯᓅᓇᓐ ᐋᓃᓐ ᒪᔮ ᓇᑫ ᑳᑑᒋᑳᑌᑭᓐ᙮ Urim᙮ ᒦ ᓴ ᑕᔥ ᓇᑫ ᐁᓬᐃᐁᓴᕒ ᑫᔑ ᑭᑭᓄᐊᒫᐙᒡ ᒑᔓᐙᓐ, ᐃᐃ ᑲᔦ ᐯᒫᑎᓯᓂᒡ ᐃᔅᕒᐃᔭᓬᐊᐞ ᐋᓃᓐ ᑫᐃᔑᒋᑫᓂᒡ, ᐅᑮᐃᑰᓐ᙮ 22ᒦᔥ ᒨᓯᔅ ᑳᐃᔑᒋᑫᒡ ᑳᑮᐃᑯᒡ ᑳᑎᐯᒋᑫᓂᒡ᙮ ᐁᑮ ᓃᐸᐎᐋᒡ ᒑᔓᐙᓐ ᐁᓈᓴᒦᓂᒡ ᐁᓬᐃᐁᓴᕒᐆᓐ ᑳᑮ ᐊᓇᒥᐁᐎᑭᒫᐎᓂᒡ, ᑳᑮ ᐃᔑᐊᔮᓂᒡ ᑲᔦ ᑲᑭᓇ ᐃᔅᕒᐃᔭᓬᐊᐞ᙮ 23#Deu 31.23. ᒨᓯᔅ ᑕᔥ ᐅᑮ ᓵᒥᓈᓐ ᒑᔓᐙᓐ ᐅᑎᒀᓂᓃᕽ, ᐁᑮ ᐐᓈᒡ ᒋᓈᐱᔥᑳᑯᒡ᙮ ᑳᑎᐯᒋᑫᓂᒡ ᓴ ᐅᑮᐃᑰᓐ ᐅᐅ ᒋᐃᔑᒋᑫᒡ᙮
Currently Selected:
ᐊᑭᑖᓱᓇᓐ 27: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
