ᑑᑕᕒᐋᓇᒦ ᒦ ᐅᐌ ᑫᐅᒋᓂᓯᑐᑕᒪᓐ ᐅᐅᐌ ᑑᑕᕒᐋᓇᒦ ᑳᐃᒋᑳᑌᒃ ᒪᓯᓇᐃᑲᓐ
ᒦ ᐅᐌ ᑫᐅᒋᓂᓯᑐᑕᒪᓐ ᐅᐅᐌ ᑑᑕᕒᐋᓇᒦ ᑳᐃᒋᑳᑌᒃ ᒪᓯᓇᐃᑲᓐ
ᐅᐅᐌ ᒪᓯᓇᐃᑲᓐ ᑑᑕᕒᐋᓇᒦ ᑳᐃᒋᑳᑌᒃ ᑕᔑᑌᓂᐗᓐ ᐋᓃᓐ ᒨᓯᔅ ᑳᑕᓱ ᐃᓈᒡ ᐃᔅᕒᐃᔭᓬᐊᐞ ᐃᐃᒫ ᐊᑮᕽ ᒨᐗᑉ᙮ ᒦ ᐃᒫ ᑳᐃᔑ ᑭᐱᒌᐙᒡ ᐊᑮᕽ ᑮᐃᔥᒀ ᐱᒥᐊᔮᐙᒡ ᐱᑾᑕᑲᒥᒃ᙮ ᒦ ᐋᔕ ᐁᐅᒋᒋᓭᓂᒃ ᒋᐲᑎᑫᔥᑲᒧᐙᒡ ᐃᐃ ᐊᑮᓂ ᑫᓇᓐ ᐁᒋᑳᑌᓂᒃ᙮ ᒨᓯᔅ ᑲᔦ ᐅᑮ ᓈᓵᐱ ᐐᑖᓐ ᑳᑮ ᐱᐊᔨᔑᓭᓂᒃ ᓃᒥᑕᓇ ᑕᓱ ᐱᐴᓐ ᐊᑯ᙮ ᐅᑮ ᒪᔥᑲᐎ ᑲᓅᓈᐞ ᐯᒫᑎᓯᓂᒡ ᒋᒫᒥᑲᐎᓂᒡ ᐋᓃᓐ ᑭᔐᒪᓂᑑᓐ ᑳᑮ ᐱᐃᔑ ᐱᒥᐎᓂᑯᓂᒡ ᐃᐃᒫ ᐱᑾᑕᑲᒥᑯᕽ ᒋᑭᒋ ᐃᓀᓂᒫᓂᒡ ᒋᓇᑲᓈᓯᓂᒃ ᑲᔦ᙮ ᒑᔓᐙ ᑲᔦ ᑮᐅᓈᐸᒫ ᐐᓂᑕᒻ ᒋᓂ ᐱᒥᐎᓈᒡ ᑭᔐᒪᓂᑑ ᐅᐱᒫᑎᓰᒪᐞ᙮ ᑳᐃᔥᒀ ᓂᑲᒧᒡ ᒨᓯᔅ ᓂᑲᒧᓐ ᑳᑕᔑᒋᑳᑌᒃ ᑭᔐᒪᓂᑑ ᐅᑕᔮᒀᒥᓯᐎᓐ ᔑᒀᔥ ᑲᔦ ᑳᐃᔥᒀ ᔕᐌᓂᒫᒡ ᐁᑕᓶᐙᓇᑭᓯᓂᒡ ᐃᔅᕒᐃᔭᓬᐊᐞ, ᒦᑕᔥ ᒨᓯᔅ ᑳᑮ ᐃᔥᒀ ᐱᒫᑎᓯᒡ ᐃᐃᒫ ᒨᐗᑉ ᐊᑮᕽ, ᐙᐸᓄᕽ ᐃᓇᑫ ᒞᕒᑕᓐ ᓰᐲᕽ᙮
ᐯᔑᒃ ᒫᐗᒡ ᐃᑯ ᑳᑕᔑᒋᑳᑌᒃ ᑭᔐᒪᓂᑑ ᑳᑮ ᐱᒫᒋᐋᒡ, ᑲᔦ ᑳᑮ ᔕᐌᓂᒫᒡ ᐅᐱᒫᑎᓰᒪᐞ ᑳᑮ ᑲᑮᑭᓈᒡ ᑳᓵᑭᐋᒡ᙮ ᑭᒋ ᐃᓀᑖᑾᓐ ᐯᒫᑎᓯᐙᒡ ᒋᒫᒥᑲᐎᐙᒡ ᐅᐅᐌᓂ ᑲᔦ ᒋᓵᑭᐋᐙᒡ ᒋᓇᓇᐃᑕᐙᐙᒡ, ᐃᐃᒫ ᒋᐅᒋ ᐱᒫᑎᓯᐙᒡ ᑲᔦ ᐃᐃᒫ ᒨᔕᒃ ᒋᓂᐅᒋ ᔕᐌᑖᑯᓯᐙᒡ᙮ ᐅᐅᐌ ᒪᓯᓇᐃᑲᓐ ᒨᓯᔅ ᑳᑮ ᑮᐌ ᑕᔑᑕᕽ ᒋᐅᒋ ᒫᒥᑲᐎᓂᒡ ᓃᐱᐗᐞ ᑳᑮ ᐱ ᐊᔩᔑᓭᓂᒃ, ᒣᒀ ᐌᑎ ᑳᑮ ᐸᐹᒫᑎᓯᐙᒡ ᐱᑾᑕᑲᒥᒃ᙮ ᐅᐅᐌ ᒪᓯᓇᐃᑲᓐ ᐁᑕᒀᑐᑌᒃ ᑳᐐᓐ ᑲᑭᓇ ᑫᑰᓐ ᑕᔑᒋᑳᑌᓯᓅᓐ ᑳᑮ ᐃᔑ ᐙᐐᑕᒪᐙᒡ᙮
ᐃᓂ ᓴ ᐅᔑᐲᐃᑲᓀᓴᓐ (6.4-6), ᒋᓴᔅ ᐅᑮ ᑕᔑᑖᓇᓐ ᐁᑮ ᐃᔑᓂᑳᑕᕽ ᒫᐗᒡ ᑳᓃᑳᓀᑖᑾᒃ ᑫᒋ ᐃᓀᑖᑾᒃ ᐅᓇᔓᐌᐎᓐ᙮ ᑭᑖ ᓵᑭᐋ ᑌᐯᒋᑫᒡ ᑭᑭᔐᒪᓂᑑᒻ ᐃᐃᒫ ᒥᓯᐌ ᑭᑌᐃᕽ, ᐃᐃᒫ ᑲᔦ ᒥᓯᐌ ᑭᑕᒑᑯᕽ, ᐃᐃᒫ ᑲᔦ ᒥᓯᐌ ᑭᓈᑲᑕᐌᑕᒧᐎᓂᕽ᙮
Currently Selected:
ᑑᑕᕒᐋᓇᒦ ᒦ ᐅᐌ ᑫᐅᒋᓂᓯᑐᑕᒪᓐ ᐅᐅᐌ ᑑᑕᕒᐋᓇᒦ ᑳᐃᒋᑳᑌᒃ ᒪᓯᓇᐃᑲᓐ: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society