ᒫᑎᔪ 22
22
ᐁᐋᐌᒋᑳᑳᓂᐗᕽ ᐐᑎᑫᐐᑾᑎᐎᓐ
(Luke 14.15-24)
1ᒦᓇᐙ ᓴ ᒋᓴᔅ ᑮᐋᐌᒋᑫ ᐁᑲᑲᓅᓈᒡ ᐊᐎᔭᐞ: 2ᐊᐲ ᑭᔐᒪᓂᑑ ᑮᔑᓯᑑᒡ ᐅᑎᐯᒋᑫᐎᓐ, ᒦᐃ ᑫᐃᔑᓈᑾᒃ, ᑖᐱᔥᑰ ᑭᒋᐅᑭᒫ ᑳᑮᐐᑾᑫᒡ ᐁᐐ ᑭᒋᐐᑎᑫᓂᒡ ᐅᑯᓯᓴᓐ᙮ 3ᐅᑮᒫᒋᓂᔕᐙᐞ ᑕᔥ ᐅᑕᓄᑮᐋᑲᓇᐞ ᒋᐸᐹ ᐊᑐᑫᓂᒡ ᒋᐱᔖᓂᐗᓂᓂᒃ ᐃᐃᒫ ᑲᐐᐃᔑ ᐐᑾᑎᓈᓂᐗᓂᓂᒃ᙮ ᑳᐐᓐ ᑕᔥ ᑮᐐ ᐲᔖᓰᐗᐞ ᐃᐃ ᑳᑮᐊᑐᒫᐸᓐ᙮ 4ᑯᑕᒃ ᐃᑕᔥ ᐅᑕᓄᑮᐋᑲᓇᐞ ᐅᑮᒫᒋᓂᔕᐙᐞ ᐁᑮᐃᓈᒡ: ᑲᓅᓂᑾᒃ ᐃᑭ ᐋᔕ ᑳᑮᐊᑐᒥᑣ: ᐋᔕ ᐅᔕ ᑮᑮᔑᒋᑳᑌ ᑳᐐᐐᑾᑳᑫᔮᓐ᙮ ᓂᑖᐯᐱᔑᑮᒪᒃ, ᐃᑭ ᑲᔦ ᑳᑮᐋᒋᐳᓂᑣ ᐱᔑᑮᓴᒃ ᐋᔕ ᑮᑮᔑᔑᑲᓂᐎᐗᒃ᙮ ᐋᔕ ᓴ ᑲᑭᓇ ᑫᑰᓐ ᑮᑮᔑᒋᑳᑌ᙮ ᐊᐤ ᐱᒥᐊᑕ ᐐᓯᓂᒃ ᑳᐐᐃᔑ ᐐᑾᑫᔮᓐ! 5ᐃᑭ ᑕᔥ ᑳᑮᐊᑐᒥᑣ ᑳᐐᓐ ᑮᐸᐹᒥᑕᓰᐗᒃ, ᐋᒋᑯ ᓴ ᐁᑮᐊᓄᑮᐙᒡ, ᐯᔑᒃ ᐁᑮᐃᔖᒡ ᐅᑭᑎᑳᓇᑲᒥᑯᕽ, ᑯᑕᒃ ᑕᔥ ᐅᑕᑖᐌᐎᑲᒥᑯᕽ; 6ᑯᑕᒃ ᑕᔥ ᐁᑮᐅᑎᑎᓈᐙᒡ ᐃᐃ ᐊᓄᑮᐋᑲᓇᐞ ᑳᑮ ᐸᐹ ᐊᑐᑫᓂᒡ, ᐁᑮ ᐸᐸᑭᑌᐙᐙᒡ, ᐁᑮᓂᓵᐙᒡ ᑲᔦ᙮ 7ᑭᒋᐅᑭᒫ ᑕᔥ ᐐᑫ ᑮᓂᔥᑳᑎᓯ, ᐁᑮᐃᔑᓂᔕᐙᒡ ᐅᔑᒫᑲᓂᔒᒪᐞ, ᒋᓂᓵᓂᒡ ᐃᐃ ᑳᑮᓂᔑᐌᓂᒡ, ᐁᑮ ᓴᑲᐊᒥᓂᒡ ᑲᔦ ᐅᑑᑌᓈᒥᓂ᙮ 8ᐅᑮ ᑲᓅᓈᐞ ᑕᔥ ᐅᑕᓄᑮᐊᑲᓇᐞ: ᐃᐃ ᓴ ᐐᑎᑫᐐᑾᑎᐎᓐ ᐋᔕ ᑮᑮᔑᒋᑳᑌ, ᔑᑾ ᑕᔥ ᐃᐃ ᑳᑮᐊᑐᒥᑣᐸᓐ ᑳᐐᓐ ᑮᑌ ᐊᐲᑌᑖᑯᓯᓰᐗᒃ᙮ 9ᒫᒑᒃ ᑕᔥ ᑭᒋᒦᑲᓈᕽ ᒋᐃᔖᔦᒃ, ᒥᓂᒃ ᐃᑯ ᑫᐙᐸᒣᒀ ᐯᒫᑎᓯᐙᒡ, ᐊᑐᒥᑾᒃ ᒋᐱ ᐐᓯᓂᐙᒡ ᑳᐐᐃᔑ ᐐᑾᑫᔮᓐ, ᐅᑮᐃᓈᐞ᙮ 10ᒦᑕᔥ ᐃᑭ ᐊᓄᑮᐋᑲᓇᒃ ᑳᐃᔑ ᐃᔖᐙᒡ ᒥᓯᐌ ᒦᑲᓈᕽ ᐁᑮᐊᑐᒫᐙᒡ, ᐋᓂᑕ ᓴ ᑾᔭᒃ ᐁᑮ ᐱᒫᑎᓯᓂᒡ, ᑯᑕᒃ ᑲᔦ ᐁᑮᒪᒋᐱᒫᑎᓯᓂᒡ ᐯᔑᑾᓐ ᐅᑮᐃᔑ ᒫᒪᐎᐊᑐᒫᐙᐞ, ᐲᓂᔥ ᐐᑫ ᑮᒨᔥᑭᓀᐱᐗᒃ ᑳᑮᐃᔑ ᑭᒋᐐᑎᑫᑎᓈᓂᐗᕽ᙮
11ᑭᒋᐅᑭᒫ ᑕᔥ ᑮᐲᑎᑫ ᐁᐐᐙᐸᒫᒡ ᐃᐃ ᑳᑮᐱᐊᑕ ᐐᓯᓂᓂᒡ᙮ ᐅᑮᐙᐸᒫᓐ ᑕᔥ ᐯᔑᒃ ᐃᓂᓂᐗᓐ ᑳᑮᒥᓄᐅᓯᓂᒃ᙮ 12ᐅᑮᐃᓈᓐ ᑕᔥ: ᓃᒌ, ᐋᑎ ᑳᐅᒋ ᐲᑎᑫᔭᓐ ᐁᒥᓄᐅᓯᐗᓐ? ᐊᐊ ᑕᔥ ᐃᓂᓂ ᑮᑸᓇᐎ ᐃᑭᑐ᙮ 13#Mat 8.12; 25.30; Luke 13.28. ᑭᒋᐅᑭᒫ ᑕᔥ ᐅᑮᐃᓈᐞ ᐅᑕᓄᑮᐊᑲᓇᐞ: ᒪᒫᒋᑾᐱᓂᒃ ᐊᐊ ᐃᓂᓂ ᐅᓂᒌᕽ, ᐅᓯᑎᕽ ᑲᔦ, ᐊᑾᒌᕽ ᐃᔑᐌᐱᓂᒃ ᑳᔑ ᑲᔥᑮᑎᐱᑲᓂᓂᒃ! ᒦᑕᔥ ᐌᑎ ᑳᔑ ᒪᐎᓈᓂᐗᕽ, ᒦ ᑲᔦ ᐌᑎ ᑫᔑ ᒪᒪᑗᔮᐱᑌᓭᓈᓂᐗᕽ ᑫᐊᐲᒋ ᐐᓴᑫᑕᒧᓈᓂᐗᕽ᙮
14ᒋᓴᔅ ᑮᐊᓂ ᐃᑭᑐ: ᓃᐳᐗᐞ ᓴ ᐋᓇ ᐊᑐᒫᐗᒃ, ᑕᐊᑳᓰᓄᐗᒃ ᑕᔥ ᐁᑕ ᑫᐅᑖᐱᓂᑣ᙮
ᒋᓴᔅ ᐁᑮ ᑲᑴᒋᒥᓐᒡ ᐃᐃ ᑖᑭᔅ ᑎᐸᐃᑫᐎᓐ
(Mark 12.13-17; Luke 20.20-26)
15 ᐯᕒᐊᓰᒃ Pharisees ᑕᔥ ᐃᑯᒋ ᑮᐃᔖᐗᒃ ᐁᑮᐊᐎ ᑕᔑᑕᒧᐙᒡ ᐋᓃᓐ ᑫᐃᔑ ᑲᑴᒋᒋᑲᓂᐎᓂᒡ ᒋᓴᓲᓐ ᓭᓯᒃ ᑫᔑ ᓇᑴᑕᓯᓂᒃ᙮ 16ᐅᑭᑭᓄᐊᒪᐙᑲᓂᐙᐞ ᐃᑕᔥ ᐅᑮᐃᔑᓂᔕᐙᐙᐞ, ᐁᑮ ᑕᑯᐐᒌᐙᓂᒡ ᐋᓂᑕ ᐁᕒᐊᑕᓐ Herod ᑳᐐᒋᐃᑯᓂᒡ᙮#22.16 ᐁᕒᐊᑕᓐ ᑳᐐᒋᐃᑯᓂᒡ: ᒦᐗᑭᓴ ᐅᑯ ᒎᐎᐅᑭᒫᐎᐎᓂᕽ ᑳᑮᐅᒋ ᑎᐯᑖᑯᓯᐙᒡ᙮ ᒦᐗᑭᓴ ᐅᑯ ᑳᑮᓇᐁᓂᒫᐙᒡ ᐃᓂ ᒫᐗᒡ ᓃᑳᓐ ᐁᕒᐊᑕᓐ Herod ᐅᐲᐌᓰᒥᓂ ᒋᑎᐯᓂᒥᑯᐙᒡ, ᐊᐲᒡ ᐐᓐ ᐃᓂ ᐅᕒᐆᒥᕽ Rome ᑳᑮᐅᒋ ᐋᓂᑫᑭᒫᐎᓂᒡ, ᐹᐃᓬᐊᑦ Pilate ᑳᑮᐃᔑᓂᑳᓱᓂᒡ᙮ ᒦᑕᔥ ᐁᑮᐃᓈᓂᒡ: ᐅᑭᑭᓄᐊᒫᑫ, ᑭᑭᑫᓂᒥᑰ ᐋᐱᒋ ᐁᓂᑖᑌᐺᔭᓐ, ᑾᔭᒃ ᐁᐃᔑ ᑭᑭᓄᐊᒫᑫᐗᒡ ᑲᔦ ᐋᓃᓐ ᑭᔐᒪᓂᑑ ᑳᔑ ᐊᑕᐌᓂᒫᒡ ᐊᐎᔭᓐ ᒋᐃᔑᐱᒫᑎᓯᓂᒡ, ᑳᐐᓐ ᑲᔦ ᑭᐗᓂᔥᑴᐃᑯᓰᒃ ᐋᓃᓐ ᐊᐎᔭᒃ ᐁᓀᓂᒥᒀ, ᑭᑭᑫᓂᒥᑰ ᑲᔦ ᑲᑭᓇ ᐊᐎᔭ ᐯᔑᑾᓐ ᐁᑑᑕᐗᒡ ᑳᑑᑕᐗᒡ ᐊᐊ ᐯᔑᒃ ᐊᐎᔭ᙮ 17ᐐᑕᒪᐎᔑᓈᒻ ᑕᔥ ᐋᓃᓐ ᐁᓀᑕᒪᓐ: ᑫᑮᓇᐎᓐᑦ ᐃᓇ ᐃᔑᓈᑾᓐ ᒋᑎᐸᐊᒪᕽ ᐃᐃ ᑖᑭᔅ tax ᑳᑎᐸᐃᑫᐃᐌᒡ ᐊᐊ ᒫᐗᒡ ᐃᑯ ᑭᒋᐅᑭᒫ#22.17 ᒫᐗᒡ ᐃᑯ ᑭᒋᐅᑭᒫ: ᑖᐃᐲᕒᐃᔭᔅ Tiberius ᓴ ᑳᑮᐃᔑᓂᑲᓱᒡ ᐃᐃ ᐊᐲ ᑮᐃᔑᑭᒫᐎ, ᐅᕒᐆᒦᕽ Rome ᐁᑮᐊᔮᒡ᙮ ᐅᑮ ᑎᐯᑖᓇᓐ ᓴ ᓃᐱᐗᐞ ᐊᑮᓐ ᐃᐃᒫ ᓇᑫ ᑭᒋᑲᒦᕽ ᒣᑕᒐᕒᐁᓂᔭᓐ Mediterranean ᑳᐃᒋᑳᑌᓂᒃ᙮ ᒦᓴ ᐅᐌ ᑳᐃᔑᐲᐃᑳᑌᓂᒃ ᑭᑭᓅᓄᐎᓇᓐ 14 ᐲᓂᔥ 37᙮ ᐌᑎ ᐅᕒᐆᒥᕽ ᑳᐊᔮᒡ? ᐅᑮᐃᓈᓂ᙮
18ᒋᓴᔅ ᑕᔥ ᐅᑮ ᑭᑫᓂᒫᐞ ᐁᑮᒪᒋ ᐃᓀᑕᒥᓂᒡ, ᒦᑕᔥ ᑳᐃᓈᒡ: ᑮᓇᐙ ᐅᒥᓍᑎᓰᔑᑑᒃ! ᐌᑯᓀᓐ ᐌᒋ ᑲᑴᒋᐃᔦᒃ? 19ᐙᐸᑕᐃᔑᓐ ᐊᐊ ᐙᐹᐱᑯ ᔔᓂᔮᔅ ᑳᐋᐸᑎᓯᒡ ᑮᑎᐸᐊᒪᐎᒥᓐᒡ ᐌᑭᒫᐙᑎᓯᓂᒡ, ᐅᑮᐃᓈᐞ᙮
ᐅᑮ ᐲᑕᒫᑰᐞ ᐃᑕᔥ ᐯᔑᒃ ᐙᐹᐱᑯ ᔔᓂᔮᓴᓐ᙮
20ᒦᑕᔥ ᑳᐃᓈᒡ: ᐊᐌᓀᓐ ᐗᐊ ᑳᒪᓯᓂᔑᕽ? ᐊᐌᓀᓐ ᐅᐅᐌᓂ ᐅᐐᓱᐎᓐ? ᐅᑮᐃᓈᐞ᙮
21ᐅᑮᐃᑰᐞ ᐃᑕᔥ: ᒫᐗᒡ ᐃᑯ ᑭᒋᐅᑭᒫ᙮
ᒦᑕᔥ ᑳᐃᓈᒡ: ᒦᓂᒃ ᓴ ᐊᐊ ᒫᐗᒡ ᐃᑯ ᑭᒋᐅᑭᒫ ᑳᑎᐯᑕᕽ, ᒦᓂᒃ ᐃᑕᔥ ᑲᔦ ᐐᓐ ᑭᔐᒪᓂᑑ ᑳᑎᐯᑕᕽ, ᐅᑮᐃᓈᐞ᙮
22ᐊᐲ ᑕᔥ ᐁᓅᑖᑯᒡ, ᐐᑫ ᑮᑭᒋᒫᒪᑳᑌᑕᒨᐞ᙮ ᐅᑮᓇᑲᓂᑰᐞ ᐃᑕᔥ ᐁᑮᐊᓂ ᒫᒑᓂᒡ᙮
ᓵᒐᓰᒃ ᐁᑮ ᑲᑴᒋᒫᐙᒡ ᒋᓴᓲᓐ ᐋᓃᓐ ᑫᐃᔑᓭᓂᒃ ᐃᔥᒀᑮᐌᐱᒫᑎᓯᕽ
(Mark 12.18-27; Luke 20.27-40)
23 # Acts 23.8. ᐯᔑᑾᓐ ᑕᔥ ᐁᑮᔑᑲᓂᓂᒃ ᐋᓂᑕ ᓵᒐᓰᒃ Sadducees ᐅᑮᐱ ᐊᑕᐙᐸᒫᐙᓐ ᒋᓴᓲᓐ᙮ ᒦᐗᒃ ᐅᑯᐌᓂᐗᒃ ᑳᐃᔑ ᑭᑭᓄᐃᑫᐙᒡ: ᑳᐐᓐ ᐊᐎᔭ ᒦᓇᐙ ᑕᑮᐌᐱᒫᑎᓯᓰ ᐃᔥᒀᐱᒫᑎᓯᒡ᙮ 24#Deut 25.5. ᐅᑮ ᑲᑴᒋᒫᐙᓐ: ᐅᑭᑭᓄᐊᒫᑫ, ᒨᓯᔅ Moses ᑕᔥ ᑮᐃᔑ ᑭᑭᓄᐊᒫᑫ, ᑮᔥᐱᓐ ᐃᓂᓂ ᓂᐳᒡ ᐁᓇᑲᓈᒡ ᐃᓂ ᐐᐗᓐ, ᐁᑮᐊᔮᐙᓯᒀ ᐊᐱᓅᒌᔕᐞ, ᐐᒋᑭᐌᔭᓐ ᓴ ᐅᑲ ᐐᑎᑫᒫᓂ ᐃᓂ ᐐᐗᓐ ᒋᐊᔮᑕᒫᑯᒡ ᐊᐱᓅᒌᔕᐞ᙮ 25ᐃᓇᔥᑫ ᑕᔥ ᑮᓃᔣᒋᐗᒃ ᐃᑭ ᐃᓂᓂᐗᒃ ᐁᑮᐐᒋᑭᐌᑎᐙᒡ ᐅᐅᒫ ᑳᔑ ᐊᔮᔮᕽ᙮ ᑳᓴᓰᑭᓯᒡ ᑕᔥ ᓂᑕᒻ ᑮᐐᐎ, ᐁᑮᓂᐳᒡ ᑕᔥ ᐁᑮᐊᔮᐙᓯᒃ ᐊᐱᓅᒌᔕᐞ᙮ ᒦᑕᔥ ᑳᐃᔑᓈᑾᓂᓂᒃ ᐃᓂ ᑳᑮᐊᓂ ᐅᔒᒣᔑᒡ ᒋᐐᑎᑫᒫᓂᒡ ᐃᓂ ᑳᑮᐐᐎᒡ᙮ 26ᒦᑕᔥ ᐯᔑᑾᓐ ᐊᐊ ᐅᔒᒣᔑᒫ ᑳᐃᔑᓭᒡ ᐁᑮᓂᐳᒡ, ᐊᐊ ᑲᔦ ᑯᑕᒃ, ᐲᓂᔥ ᑕᔥ ᑲᑭᓇ ᑳᑮᓃᔣᒋᐙᒡ ᑳᑮᐐᒋᑭᐌᑎᐙᒡ ᐁᑮᐃᔑᓭᐙᒡ᙮ 27ᑫᐐᓐ ᑕᔥ ᐊᐊ ᐃᑴ ᐃᔥᒀᒡ ᑮᓂᐳ᙮ 28ᑮᐌᐱᒫᑎᓯᓈᓂᐗᕽ ᐃᑕᔥ, ᐊᐌᓀᓐ ᑕᔥ ᐊᐊ ᒪᔮ ᑫᐐᐎᒡ ᐃᓂ ᐃᑴᐗᓐ? ᐋᓃᔥ ᒥᒋᓃᔣᓱ ᐅᑮᐐᑎᑫᒫᐙᓐ᙮
29ᒋᓴᔅ ᑕᔥ ᐅᑮᐃᓈᐞ: ᐁᑕᑕᐌ ᓴ ᑭᑭᒋᐗᓂᑭᑭᓄᐃᑫᒻ ᐃᐃ ᑳᐃᑭᑐᔦᒃ ᐊᐎᔭ ᒋᑮᐌᐱᒫᑎᓯᓯᒃ᙮ ᒦᑕᔥ ᐃᐃ ᓇᑫ ᑳᐅᒋ ᐃᔑᑭᑭᓄᐃᑫᔦᒃ ᐁᑭᑫᑕᓯᐌᒃ ᐋᓃᓐ ᐁᔑᐲᐃᑳᑌᒃ ᑭᒋᒪᓯᓇᐃᑲᓐ, ᐁᑭᑫᑕᒧᐙᓯᐌᒃ ᑲᔦ ᑭᔐᒪᓂᑑ ᐅᒪᔥᑲᐎᓰᐎᓐ᙮ 30ᐊᐲ ᓴ ᑮᐌᐱᒫᑎᓯᐙᒡ, ᑳᓂᐳᐙᒡ ᐃᓂᓂᐗᒃ, ᐃᑴᐗᒃ ᑲᔦ ᑳᐐᓐ ᑕᐐᑎᑫᓰᐗᒃ᙮ ᐋᓃᔥ ᐁᒐᓬᐊᐞ ᐁᓈᑎᓯᓂᒡ ᑭᒋᑮᔑᑯᕽ ᐁᔮᓂᒡ ᑕᐃᓈᑎᓯᐗᒃ᙮ 31ᐃᐃ ᑕᔥ ᑳᑮᐌᐱᒫᑎᓯᓈᓂᐗᕽ, ᑳᐐᓐ ᐃᓇ ᐐᑳ ᑭᑕᓇᒥᑑᓰᒻ ᐋᓃᓐ ᑳᑮᐃᓂᓀᒃ ᑭᔐᒪᓂᑑ, ᐁᑮᐃᑭᑐᒡ: 32#Ex 3.6. ᓃᓐ ᐃᓴ ᐁᐸᕒᐊᐋᒻ Abraham ᐅᒪᓂᑑᒪᓐ, ᐋᐃᓯᒃ Isaac ᐅᒪᓂᑑᒪᓐ, ᒉᑲᑉ Jacob ᑲᔦ ᐅᒪᓂᑑᒪᓐ᙮ ᒦᐅᐌ ᐁᑭᑐᕽ, ᐅᑯ ᑳᐅᑭᔐᒪᓂᑑᒥᐙᒡ, ᒥᓴᐙ ᐋᓇ ᐃᓂᑣ ᐁᓂᐳᐙᒡ, ᑫᔮᐱ ᐅᔕ ᐱᒫᑎᓯᐗᒃ, ᐅᑮᐃᓈᐞ᙮
33ᐁᑮᓅᑖᑯᒡ ᑕᔥ ᑳᐹᑏᓄᓂᒡ, ᐅᑮᒫᒪᑳᑌᓂᒥᑰᐞ ᐃᐃ ᑳᑮᐃᔑ ᑭᑭᓄᐃᑫᒡ᙮
ᒋᓴᔅ ᐁᐐᑕᕽ ᑳᑭᒋ ᐃᓀᑖᑾᓂᓂᒃ ᐅᓇᔓᐌᐎᓐ
(Mark 12.28-34; Luke 10.25-28)
34 ᐯᕒᐊᓰᒃ Pharisees ᑕᔥ ᑮᐅᑯᓈᓯᑯᑖᑎᐗᒃ ᐊᐲ ᐁᑮᓅᑕᒧᐙᒡ ᒋᓴᓲᓐ ᐁᑮ ᔖᑰᓱᒫᓂᒡ ᐃᐃ ᓵᒐᓰᐞ Sadducees᙮ 35#Luke 10.25-28. ᐯᔑᒃ ᑕᔥ ᑳᑭᑭᓄᐊᒫᑫᒡ ᐅᓇᔓᐌᐎᓐ ᐅᑮᑲᑴ ᐗᓂᑮᔗᐋᓐ ᐁᑮ ᑲᑴᒋᒫᒡ: 36ᐅᑭᑭᓄᐊᒫᑫ, ᐌᑯᓀᓐ ᒫᐗᒡ ᑫᒋ ᐃᓀᑖᑾᒃ ᐃᐃᒫ ᐅᓇᔓᐌᐎᓂᕽ? ᑮᐃᑭᑐ᙮
37 # Deut 6.5. ᒋᓴᔅ ᑕᔥ ᐅᑮᐃᓈᓐ: ᑭᑖᓵᑭᐋ ᑌᐯᒋᑫᒡ ᑭᑭᔐᒪᓂᑑᒻ ᐃᐃᒫ ᒥᓯᐌ ᑭᑌᐃᕽ, ᐃᐃᒫ ᑲᔦ ᒥᓯᐌ ᑭᑕᒑᑯᕽ, ᐃᐃᒫ ᑲᔦ ᒥᓯᐌ ᑭᓈᑲᑕᐌᑕᒧᐎᓂᕽ᙮ 38ᒦ ᐅᔕ ᐃᐃᐌ ᒫᐗᒡ ᑳᓃᑳᓀᑖᑾᒃ ᑫᒋ ᐃᓀᑖᑾᒃ ᐅᓇᔓᐌᐎᓐ᙮ 39#Lev 19.18. ᑯᑕᒃ ᐃᑕᔥ ᐁᓂ ᐋᓂᑫ ᑭᒋ ᐃᓀᑖᑾᒃ ᐅᓇᔓᐌᐎᓐ, ᑫᑳ ᒦ ᐯᔑᑾᓐ ᐁᔑᓯᕽ: ᒋᓵᑭᐊᑎᐸᓐ ᑮᒋᐱᒫᑎᔅ ᑖᐱᔥᑰ ᑳᐃᔑ ᓵᑭᐃᑎᓱᔭᓐ᙮ 40ᐅᓄ ᐅᔕ ᓃᔑᓐ ᐅᓇᔓᐌᐎᓇᓐ ᑳᐐᑕᒫᓐ, ᒦ ᐃᒫ ᐁᔑ ᒫᒪᐗᑌᓂᑭᓐ ᑲᑭᓇ ᐅᑑᓇᔓᐌᐎᓐ ᒨᓯᔅ, ᑳᔑ ᑭᑭᓄᐃᑫᓂᒡ ᑲᔦ ᑭᔐᒪᓂᑑ ᐅᑎᐹᒋᒧᐎᓂᓃᒪᐞ,#22.40 ᐅᑑᓇᔓᐌᐎᓐ ᒨᓯᔅ, ᑳᔑ ᑭᑭᓄᐃᑫᓂᒡ ᑲᔦ ᑭᔐᒪᓂᑑ ᐅᑎᐹᒋᒧᐎᓂᓃᒪᐞ: ᐙᐸᑕᓐ 5.17᙮ ᑮᐃᑭᑐ᙮
ᐊᐌᓀᓐ ᐊᐊ ᑳᐃᓂᓐᒡ ᑭᔐᒪᓂᑑᓐ ᑳᐅᓈᐸᒥᑯᒡ
(Mark 12.35-37; Luke 20.41-44)
41ᒣᒀ ᑕᔥ ᐁᒫᐗᒋᐃᑎᓂᒡ ᐯᕒᐊᓰᐞ Pharisees, ᒋᓴᔅ ᐅᑮ ᑲᑴᒋᒫᐞ: 42ᐋᓃᓐ ᐁᓀᓂᒥᒣᒃ ᑭᔐᒪᓂᑑ ᑳᐅᓈᐸᒫᒡ? ᐋᑎ ᑫᐱᐅᑕᑳᓀᓯᒡ?
ᐅᑮᐃᑰᐞ ᐃᑕᔥ: ᑌᐱᑎᕽ David ᐅᔕ ᑕᐅᑕᑳᓀᓯ᙮
43ᒋᓴᔅ ᑕᔥ ᑮᐃᔑ ᑲᑴᑗ: ᐌᑯᓀᓂᓂ ᑕᔥ ᑌᐱᑦ ᐁᑭᑭᔥᑳᑯᒡ ᐃᓂ ᑭᔐᒪᓂᑑᓐ ᐅᑕᒑᑯᓂ, ᑳᐅᒋ ᐃᔑᓂᑳᓈᒡ, ᑌᐯᒋᑫᔭᓐ? ᐃᓇᔥᑫ ᑌᐱᑦ ᑮᐃᑭᑐ:
44 # Psa 110.1. ᑳᑎᐯᒋᑫᒡ ᐅᑮᐃᓈᓐ ᐃᓂ ᑳᑎᐯᓂᒥᒥᒡ:
ᐃᐃᒫ ᐃᔑᓇᒪᑕᐱᓐ ᓂᑭᒋᓂᑭᕽ ᐃᓇᑫ,
ᐹᓂᒫ ᓴ ᑭᑲ ᐃᔑᐃᓐ ᒋᔖᑰᒋᐊᑣ ᑳᓂᔥᑫᓂᒥᒀ᙮
45ᒦᔥ ᐃᐃ ᐊᐊ ᐅᓈᐸᒫᑲᓐ ᑳᐅᒋ ᐃᑯᒡ ᑌᐱᑕᓐ ᑌᐯᒋᑫᔭᓐ ᐁᐃᑯᒡ᙮ ᐋᓃᓐ ᑕᔥ ᐃᓈ ᑫᐃᔑᓭᑭᐸᓐ ᒋᐃᔑ ᐅᑕᑳᓀᓯᒡ ᑌᐱᑎᕽ? ᑮᐃᑭᑐ᙮
46ᑳᐐᓐ ᑕᔥ ᐊᐎᔭᓐ ᐋᐲᓐᒡ ᐃᑯ ᐅᑮᓇᑴᑖᑯᓰᓐ᙮ ᒦᑕᔥ ᐃᐃ ᐊᑯᓈᒃ ᐁᑮᔑᑲᓂᓂᒃ ᑳᐐᓐ ᐊᐎᔭᓐ ᒦᓇᐙ ᐐᑳ ᑫᑰᓂᓂ ᐊᐗᔑᒣ ᐅᑮᐅᒋ ᑲᑴᒋᒥᑯᓰᓐ, ᐋᓃᔥ ᑳᐐᓐ ᐊᐎᔭᓐ ᑮᑌ ᐸᑫᓂᒧᓰᐗᓐ ᒋᑲᑴᒋᒥᑯᒡ᙮
Currently Selected:
ᒫᑎᔪ 22: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
