NUMBERS 14
14
Ízrel dine'é éí Bóhólníihii yich'į' nidaalteeh
1Áko Ízrel dine'é dah yinéłígíí t'áá ałtso yéego hahodííłdláád áádóó tł'éé' bíighah daachago yiską́. 2Áádóó Ízrel dine'é t'áá dah yinééł nít'éé' Mózes áádóó Éran yich'į' saad dahasłį́į'go ádahodííniid, T'áá Ííjip kéyahdi danee'náago nihá yá'át'éeh doo nít'éé', doodaii', Díí honoojíigi danee'náago nihá yá'át'éeh doo nít'éé'! 3Ha'át'íí lá biniyé Bóhólníihii díí kéyahjį' ch'ínihiní'eezh? Da' dilt łishísh bee naa'adanihízdiyoolghałgo nihida'asdzą́ą́ índa nihada'áłchíní yisnááh dadooleeł? T'óó Ííjip kéyahgóó nihéédahaakaigo nihá yá'át'éeh doo nít'éé'.
4Ákohgo t'áá bí áda'ahidoo'niid, Haa'íshą' nihinanit'a'í ła' nidadiiltéełgo Ííjip kéyahgóó háni'dii nihéénihidoo'ish. 5Nít'éé' Mózes áádóó Éran éí Ízrel dine'é dah yinéłígíí t'áá ałtso binááł tsé'yaa jineeshjool. 6Áko Nan biye' Jáshowa áádóó Jiifáneh biye' Kéíleb éí atah kéyah hajíísidígíí ha'éé' ák'i nijooldláadgo 7Ízrel dine'é dah yinéłígíí t'áá ałtso bich'į' hadzoodzíi'go ájíní, Kéyah hadadiilził biniyé biyi'góó hadiikaígíí kéyah t'áá íiyisí ayóó áhonóolnin. 8Bóhólníihii nihaa bił hózhǫ́ǫgo díí kéyah nihaididoo'áałgo yiih nihidoo'ish; éí kéyah yá'áhoot'éehgi abe' índa tsés'ná bitł'izh bee áda'azįįdgo haz'ą́. 9Áko t'áadoo Bóhólníihii bich'į' nidaałteehí,#Heb. 3:16. doodaii' díí kéyah yii' kéédahat'íinii t'áadoo bik'ee nihił daayé'í, háálá éí nihibááh dajílį́; ádích'ą́ą́h nideilyéé nít'éé' yę́ę bits'ą́ąjį' kódzaa; nihí éí Bóhólníihii nihił hólǫ́; t'áadoo nihi'ana'í bik'ee nihił daayé'í. 10Nidi t'áá dah yinééł nít'éé' ádadííniid, Tsé bee bił nidaznołne'.
Ákohgo níbaal bii' dahozdísinii bii'jį' Ízrel dine'é t'áá ałtso binááł Bóhólníihii yee ayóó át'éii yit'íní silį́į́'. 11Áko Bóhólníihii éí Mózes ííłní, Haa nízáagishą' díí diné shił nida'í'įįh doo? Haa nízáadishą' índa dashiizhdoodląął? Jó, bee éédahózinii t'áá át'é dahatahgi hoł ííshjání ádaashłaa. 12Naałniih bee ádahodeeshdįįłgo, doo shidine'é dajílį́į da doo, áko ni éí dahaláahgo nits'ą́ą́dóó náás ahoolchíiłii ayóó át'éego bidziilgo ádeeshłííł.
13Áádóó Mózes éí Bóhólníihii ííłní, Áko haniih ákwíinilaago Ííjip dine'é yaa dahodidoots'į́į́ł; (jó, nibee adziilii bee éí hatahdóó díí dine'é ch'ííní'eezh,) 14áko díí kéyahgi kéédahat'ínígíí yił dahodoolnih; Bóhólníihii nílíinii, díí dine'é bitahgi honílǫ́ǫgo naa dahodiizts'ą́ą́'; Bóhólníihii nílíinii, ni'doot'į́įgo nits'ą́ą́dóó k'osígíí bik'i dah yildohgo índa bilą́ąjį' jį́įgo k'os níyizgo áádóó tł'ée'go kǫ' níyizgo bee hóóleełgo naa dahodiizts'ą́ą́'. 15K'ad diné t'áá łá'í dziisxínígi át'éego díí dine'é t'áá ałtso nisíníłtseedgo ał'ąą dine'é naa dahodidoots'į́įłgo ádadidooniił, 16Bóhólníihii éí díí dine'é kéyah biih nihideesh'ish yiłníigo, yich'į' ádee hadoodzíi'ii doo yínéés'ąądgóó, éí bąą honoojíigi neistseed. 17Ákohgo k'ad, baa nánooshkąąh, bíni'dii shiBóhólníihii nílíinii, bee nidziilii ayóó át'ée le'; jó, adííníniidígíí bik'ehgo háínídzíí'. 18Bóhólníihii éí nízaadgóó ha'ólní áádóó ayóó át'éego aa a'ááh nízin, índa doo ákwii áhát'íinii áádóó bee haz'áanii hetíihii á yóó'ahizhdi'aahii jílį́, nidi diné ła' ha'át'e'ígíí ts'ídá doo hąąh ádin áhóle' át'ée da; da'azhé'é doo ákwii ádáát'įįdígíí ba'áłchíní náás ahoolchíiłii táadi índa dį́įdi ałk'i ná'azhchį́įjį' bik'i hwiileehgo yá nináhwii'nííł.#Ex. 20:5,6; 34:6,7; Deut. 5:9,10; 7:9,10. 19Bá yóó'anídí'aah, baa nánooshkąąh; díí diné doo ákwii ádáát'įįdígíí bee aa a'ááh nínízinii ayóó át'éii bik'ehgo bá yóó'anídí'aah, áádóó Ííjip kéyahdóó ch'ínínáádóó díí jį́įjį' ákódaat'íinii bá yóó'anídiyí'aahígi át'éego yóó'anídí'aah.#Ex. 32:11-14.
Diyin God éí Ízrel dine'é atíyiilaa
(Deut. 1:34-40)
20Ákohgo Bóhólníihii ání, Nizaad k'ehgo bá yóó'anídíí'ą́, 21nidi t'áá aaníí hinishnánígi át'éego nahasdzáán t'áá át'éé nít'éé' bii' Bóhólníihii yee ayóó át'éii hadeezbin doo. 22Díí dine'é t'áá ádzíłtso Ííjip kéyahdi áádóó honoojíigi bee ayóó ánísht'éii índa álíleego í'iishłaaígíí dajiiłtsą́ą nidi, díí k'ad neeznáadi shínídaneeztą́ą'go ádíshnínígíí doo dayíísts'ą́ą́'góó naaldeeh. 23Dabizhé'é yę́ę kéyah baa dideesh'áałgo bee bich'į' ádee hadeesdzí'ígíí ts'ídá doo deizdoołtséeł da índa éí shá nídahojiłchįįh yę́ę doo ła' kéyahgi hwiizdoołtséeł da,#Heb. 3:18. 24nidi shá naal'a'í, Kéíleb, éí t'áá sahdii át'éego biyi' honít'i'ígíí áádóó t'áá aaníí shikéé' yigáłígíí bąą kéyah yii'góó tádííyáhígíí bił biih deesh'ash, índa ba'áłchíní náás ahoolchíiłii daabí doo.#Josh. 14:9-12. 25(Íídą́ą́' Ámalek dine'é áádóó Kéínan dine'é deíldzis góyaa kéédahat'į́.) Yiską́ągo Tónteel Łichíí' bich'į' bíhodíłgizgo honoojíí góne' aní'doohnééł.
26Áádóó Bóhólníihii éí Mózes áádóó Éran yich'į' haadzíi'go ání, 27Haa nízáagishą' díí doo yá'áshónígi ádaat'į́įgo dah yinéłígíí shik'ijį' danilį́įgo saad dahółǫ́ǫ doo? Ízrel dine'é shik'ijį' danilį́įgo saad dahółǫ́ǫgo shik'ijį' yádaałti'go diséts'ą́ą́'. 28Kóbidohní, T'áá aaníí hinishnánígi át'éego, ní Bóhólníihii, ákót'éego yádaałti'go nihidiséts'ą́'ígi át'éego t'áá ádadohnínígi ánihideeshłííł. 29Díí honoojítahgi danihits'íís dadínóonééł;#Heb. 3:17. jó, danihi'déélta'ígíí t'áá ánółtso naadiindóó yówehgo nihéédááhaii shich'į' saad dahonohłǫ́ǫ́ nít'e'ígíí nanihídoodįįł. 30T'áá aaníí doo ła' kéyah biih doohkah da. Díí kéyah bii' kéédahoht'į́į doo, dishníigo bee ádee haasdzíí' nít'éé'; t'áá hazhó'ó Jiifáneh biye' Kéíleb áádóó Nan biye' Jáshowa t'éiyá yah adoo'ash. 31Nidi nihada'áłchíní t'éiyá, éí azadoohkah dabidohníí nít'é'ígíí, éí ákóne' yah adeesh'ish; éí kéyah doo danoozį́į'ii yéédahodoosįįł. 32Nidi nihí t'éiyá t'áá kǫ́ǫ́ honoojíigi nihits'íís dadínóonééł. 33Áádóó nihada'áłchíní t'éiyá honoojíigi naanáá'néełgo dízdiin nídoohah#Acts 7:36. áádóó doo nihada'ahóodlíí át'éégóó biniinaa honoojíigi danihits'íís dadííyahjį' ti'dahwiidoohnih. 34Kéyah hadaasíidgo dízdiin yiskánígíí bik'ehgo ła'a jínígíí ła' nááhai bik'eh ní'ą́ągo dízdiin nááhaijį' doo ákwii ádaot'įįdígíí biniinaa nihidahodiit'i'go nídeínóhkáah doo; jó, shí nihá bee nihoní'áanii k'íníti'go nihił béédahodoozįįł. 35Shí Bóhólníihii nishłíinii haasdzíí', T'áá aaníí, díí doo yá'áshónígi ádaat'ínígíí t'áá ałtso ahíikaigo shik'ijį' danilíinii kóhodeeshłííł; díí honoojíigi ázhdoodįįł; dazhdínóonééł.
Naalchí'í neeznált'éego doo yá'ádaashóonii neezná
36Áko Mózes éí kéyah hadoolził biniyé ákǫ́ǫ́ diné ajiis'a' nít'é'ígíí áádę́ę́' nákaigo doo yá'át'ééhgóó kéyah yaa dahoolne'ígíí biniinaa t'áá dah oonééł nít'éé' hach'į' saad dahasłį́į́'; 37éí diné t'áá hó doo yá'át'ééhgóó kéyah baa ch'ídahodziiz'ánígíí Bóhólníihii binááł naałniih bik'ee dazneezná. 38Nidi díí kéyah hadayíísidígíí bitahdóó Nan biye' Jáshowa índa Jiifáneh biye' Kéíleb t'éí t'áá hiná.
Hórmahgi Ízrel dine'é bik'eh hodeesdlį́į́'
(Deut. 1:41-46)
39Áko Mózes éí Ízrel dine'é t'áá ałtso díí ha'iisdzí'ígíí bee bił hojoolne', áko ayóó át'éego chaał hahóół'á. 40Áádóó t'ah abínídą́ą́' nídiijée'go dziłghą́ą́' góde haaskaigo ádaaní, Jó, kǫ́ǫ́ neiikai; Bóhólníihii nihaa hodiní'ání góde hadiikah daniidzin, háálá ádił da'siilziih. 41Ákohgo Mózes ání, K'ad ha'át'éegoshą' Bóhólníihii bibik'eh ó'oo'níiłii ts'ídá dahohtííh? Ákondi yá'át'éehgo doo nihá áhodooníił da. 42T'ááká ákǫ́ǫ́ hasohkááh lágo, háálá Bóhólníihii doo nihitah hólǫ́ǫ da, ákondi ak'eh dahonoł'į́įgo nihi'ana'í binááł doo ánihidi'dooldįįł da. 43Háálá Ámalek dine'é áádóó Kéínan dine'é nihidáahdi nidaakai áádóó diltłish yee nihił nidazdiyoołhał; jó, Bóhólníihii bits'ą́ąjį' noojé'ígíí biniinaa Bóhólníihii doo nihił hólǫ́ǫ da. 44Nidi t'áá ákóde hadiikahí daniizį́į'go wók'ą́ąjį' haaskai; ákondi dah oonéłídóó Bóhólníihii bitsits'aa' dílzinii bee aha'deet'áanii bii' sinilii t'áadoo dah deidii'ą́ą da áádóó Mózes ałdó' t'áadoo ch'íníyáa da. 45Nít'éé' Ámalek dine'é áádóó Kéínan dine'é éí wók'ą́ądi kéédahat'ínígíí Ízrel dine'é yich'į' hadáájée'go nideistseed, índa t'áá níléí Hórmahjį' t'ą́ą́' anídeineeskaad.
Currently Selected:
NUMBERS 14: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
NUMBERS 14
14
Ízrel dine'é éí Bóhólníihii yich'į' nidaalteeh
1Áko Ízrel dine'é dah yinéłígíí t'áá ałtso yéego hahodííłdláád áádóó tł'éé' bíighah daachago yiską́. 2Áádóó Ízrel dine'é t'áá dah yinééł nít'éé' Mózes áádóó Éran yich'į' saad dahasłį́į'go ádahodííniid, T'áá Ííjip kéyahdi danee'náago nihá yá'át'éeh doo nít'éé', doodaii', Díí honoojíigi danee'náago nihá yá'át'éeh doo nít'éé'! 3Ha'át'íí lá biniyé Bóhólníihii díí kéyahjį' ch'ínihiní'eezh? Da' dilt łishísh bee naa'adanihízdiyoolghałgo nihida'asdzą́ą́ índa nihada'áłchíní yisnááh dadooleeł? T'óó Ííjip kéyahgóó nihéédahaakaigo nihá yá'át'éeh doo nít'éé'.
4Ákohgo t'áá bí áda'ahidoo'niid, Haa'íshą' nihinanit'a'í ła' nidadiiltéełgo Ííjip kéyahgóó háni'dii nihéénihidoo'ish. 5Nít'éé' Mózes áádóó Éran éí Ízrel dine'é dah yinéłígíí t'áá ałtso binááł tsé'yaa jineeshjool. 6Áko Nan biye' Jáshowa áádóó Jiifáneh biye' Kéíleb éí atah kéyah hajíísidígíí ha'éé' ák'i nijooldláadgo 7Ízrel dine'é dah yinéłígíí t'áá ałtso bich'į' hadzoodzíi'go ájíní, Kéyah hadadiilził biniyé biyi'góó hadiikaígíí kéyah t'áá íiyisí ayóó áhonóolnin. 8Bóhólníihii nihaa bił hózhǫ́ǫgo díí kéyah nihaididoo'áałgo yiih nihidoo'ish; éí kéyah yá'áhoot'éehgi abe' índa tsés'ná bitł'izh bee áda'azįįdgo haz'ą́. 9Áko t'áadoo Bóhólníihii bich'į' nidaałteehí,#Heb. 3:16. doodaii' díí kéyah yii' kéédahat'íinii t'áadoo bik'ee nihił daayé'í, háálá éí nihibááh dajílį́; ádích'ą́ą́h nideilyéé nít'éé' yę́ę bits'ą́ąjį' kódzaa; nihí éí Bóhólníihii nihił hólǫ́; t'áadoo nihi'ana'í bik'ee nihił daayé'í. 10Nidi t'áá dah yinééł nít'éé' ádadííniid, Tsé bee bił nidaznołne'.
Ákohgo níbaal bii' dahozdísinii bii'jį' Ízrel dine'é t'áá ałtso binááł Bóhólníihii yee ayóó át'éii yit'íní silį́į́'. 11Áko Bóhólníihii éí Mózes ííłní, Haa nízáagishą' díí diné shił nida'í'įįh doo? Haa nízáadishą' índa dashiizhdoodląął? Jó, bee éédahózinii t'áá át'é dahatahgi hoł ííshjání ádaashłaa. 12Naałniih bee ádahodeeshdįįłgo, doo shidine'é dajílį́į da doo, áko ni éí dahaláahgo nits'ą́ą́dóó náás ahoolchíiłii ayóó át'éego bidziilgo ádeeshłííł.
13Áádóó Mózes éí Bóhólníihii ííłní, Áko haniih ákwíinilaago Ííjip dine'é yaa dahodidoots'į́į́ł; (jó, nibee adziilii bee éí hatahdóó díí dine'é ch'ííní'eezh,) 14áko díí kéyahgi kéédahat'ínígíí yił dahodoolnih; Bóhólníihii nílíinii, díí dine'é bitahgi honílǫ́ǫgo naa dahodiizts'ą́ą́'; Bóhólníihii nílíinii, ni'doot'į́įgo nits'ą́ą́dóó k'osígíí bik'i dah yildohgo índa bilą́ąjį' jį́įgo k'os níyizgo áádóó tł'ée'go kǫ' níyizgo bee hóóleełgo naa dahodiizts'ą́ą́'. 15K'ad diné t'áá łá'í dziisxínígi át'éego díí dine'é t'áá ałtso nisíníłtseedgo ał'ąą dine'é naa dahodidoots'į́įłgo ádadidooniił, 16Bóhólníihii éí díí dine'é kéyah biih nihideesh'ish yiłníigo, yich'į' ádee hadoodzíi'ii doo yínéés'ąądgóó, éí bąą honoojíigi neistseed. 17Ákohgo k'ad, baa nánooshkąąh, bíni'dii shiBóhólníihii nílíinii, bee nidziilii ayóó át'ée le'; jó, adííníniidígíí bik'ehgo háínídzíí'. 18Bóhólníihii éí nízaadgóó ha'ólní áádóó ayóó át'éego aa a'ááh nízin, índa doo ákwii áhát'íinii áádóó bee haz'áanii hetíihii á yóó'ahizhdi'aahii jílį́, nidi diné ła' ha'át'e'ígíí ts'ídá doo hąąh ádin áhóle' át'ée da; da'azhé'é doo ákwii ádáát'įįdígíí ba'áłchíní náás ahoolchíiłii táadi índa dį́įdi ałk'i ná'azhchį́įjį' bik'i hwiileehgo yá nináhwii'nííł.#Ex. 20:5,6; 34:6,7; Deut. 5:9,10; 7:9,10. 19Bá yóó'anídí'aah, baa nánooshkąąh; díí diné doo ákwii ádáát'įįdígíí bee aa a'ááh nínízinii ayóó át'éii bik'ehgo bá yóó'anídí'aah, áádóó Ííjip kéyahdóó ch'ínínáádóó díí jį́įjį' ákódaat'íinii bá yóó'anídiyí'aahígi át'éego yóó'anídí'aah.#Ex. 32:11-14.
Diyin God éí Ízrel dine'é atíyiilaa
(Deut. 1:34-40)
20Ákohgo Bóhólníihii ání, Nizaad k'ehgo bá yóó'anídíí'ą́, 21nidi t'áá aaníí hinishnánígi át'éego nahasdzáán t'áá át'éé nít'éé' bii' Bóhólníihii yee ayóó át'éii hadeezbin doo. 22Díí dine'é t'áá ádzíłtso Ííjip kéyahdi áádóó honoojíigi bee ayóó ánísht'éii índa álíleego í'iishłaaígíí dajiiłtsą́ą nidi, díí k'ad neeznáadi shínídaneeztą́ą'go ádíshnínígíí doo dayíísts'ą́ą́'góó naaldeeh. 23Dabizhé'é yę́ę kéyah baa dideesh'áałgo bee bich'į' ádee hadeesdzí'ígíí ts'ídá doo deizdoołtséeł da índa éí shá nídahojiłchįįh yę́ę doo ła' kéyahgi hwiizdoołtséeł da,#Heb. 3:18. 24nidi shá naal'a'í, Kéíleb, éí t'áá sahdii át'éego biyi' honít'i'ígíí áádóó t'áá aaníí shikéé' yigáłígíí bąą kéyah yii'góó tádííyáhígíí bił biih deesh'ash, índa ba'áłchíní náás ahoolchíiłii daabí doo.#Josh. 14:9-12. 25(Íídą́ą́' Ámalek dine'é áádóó Kéínan dine'é deíldzis góyaa kéédahat'į́.) Yiską́ągo Tónteel Łichíí' bich'į' bíhodíłgizgo honoojíí góne' aní'doohnééł.
26Áádóó Bóhólníihii éí Mózes áádóó Éran yich'į' haadzíi'go ání, 27Haa nízáagishą' díí doo yá'áshónígi ádaat'į́įgo dah yinéłígíí shik'ijį' danilį́įgo saad dahółǫ́ǫ doo? Ízrel dine'é shik'ijį' danilį́įgo saad dahółǫ́ǫgo shik'ijį' yádaałti'go diséts'ą́ą́'. 28Kóbidohní, T'áá aaníí hinishnánígi át'éego, ní Bóhólníihii, ákót'éego yádaałti'go nihidiséts'ą́'ígi át'éego t'áá ádadohnínígi ánihideeshłííł. 29Díí honoojítahgi danihits'íís dadínóonééł;#Heb. 3:17. jó, danihi'déélta'ígíí t'áá ánółtso naadiindóó yówehgo nihéédááhaii shich'į' saad dahonohłǫ́ǫ́ nít'e'ígíí nanihídoodįįł. 30T'áá aaníí doo ła' kéyah biih doohkah da. Díí kéyah bii' kéédahoht'į́į doo, dishníigo bee ádee haasdzíí' nít'éé'; t'áá hazhó'ó Jiifáneh biye' Kéíleb áádóó Nan biye' Jáshowa t'éiyá yah adoo'ash. 31Nidi nihada'áłchíní t'éiyá, éí azadoohkah dabidohníí nít'é'ígíí, éí ákóne' yah adeesh'ish; éí kéyah doo danoozį́į'ii yéédahodoosįįł. 32Nidi nihí t'éiyá t'áá kǫ́ǫ́ honoojíigi nihits'íís dadínóonééł. 33Áádóó nihada'áłchíní t'éiyá honoojíigi naanáá'néełgo dízdiin nídoohah#Acts 7:36. áádóó doo nihada'ahóodlíí át'éégóó biniinaa honoojíigi danihits'íís dadííyahjį' ti'dahwiidoohnih. 34Kéyah hadaasíidgo dízdiin yiskánígíí bik'ehgo ła'a jínígíí ła' nááhai bik'eh ní'ą́ągo dízdiin nááhaijį' doo ákwii ádaot'įįdígíí biniinaa nihidahodiit'i'go nídeínóhkáah doo; jó, shí nihá bee nihoní'áanii k'íníti'go nihił béédahodoozįįł. 35Shí Bóhólníihii nishłíinii haasdzíí', T'áá aaníí, díí doo yá'áshónígi ádaat'ínígíí t'áá ałtso ahíikaigo shik'ijį' danilíinii kóhodeeshłííł; díí honoojíigi ázhdoodįįł; dazhdínóonééł.
Naalchí'í neeznált'éego doo yá'ádaashóonii neezná
36Áko Mózes éí kéyah hadoolził biniyé ákǫ́ǫ́ diné ajiis'a' nít'é'ígíí áádę́ę́' nákaigo doo yá'át'ééhgóó kéyah yaa dahoolne'ígíí biniinaa t'áá dah oonééł nít'éé' hach'į' saad dahasłį́į́'; 37éí diné t'áá hó doo yá'át'ééhgóó kéyah baa ch'ídahodziiz'ánígíí Bóhólníihii binááł naałniih bik'ee dazneezná. 38Nidi díí kéyah hadayíísidígíí bitahdóó Nan biye' Jáshowa índa Jiifáneh biye' Kéíleb t'éí t'áá hiná.
Hórmahgi Ízrel dine'é bik'eh hodeesdlį́į́'
(Deut. 1:41-46)
39Áko Mózes éí Ízrel dine'é t'áá ałtso díí ha'iisdzí'ígíí bee bił hojoolne', áko ayóó át'éego chaał hahóół'á. 40Áádóó t'ah abínídą́ą́' nídiijée'go dziłghą́ą́' góde haaskaigo ádaaní, Jó, kǫ́ǫ́ neiikai; Bóhólníihii nihaa hodiní'ání góde hadiikah daniidzin, háálá ádił da'siilziih. 41Ákohgo Mózes ání, K'ad ha'át'éegoshą' Bóhólníihii bibik'eh ó'oo'níiłii ts'ídá dahohtííh? Ákondi yá'át'éehgo doo nihá áhodooníił da. 42T'ááká ákǫ́ǫ́ hasohkááh lágo, háálá Bóhólníihii doo nihitah hólǫ́ǫ da, ákondi ak'eh dahonoł'į́įgo nihi'ana'í binááł doo ánihidi'dooldįįł da. 43Háálá Ámalek dine'é áádóó Kéínan dine'é nihidáahdi nidaakai áádóó diltłish yee nihił nidazdiyoołhał; jó, Bóhólníihii bits'ą́ąjį' noojé'ígíí biniinaa Bóhólníihii doo nihił hólǫ́ǫ da. 44Nidi t'áá ákóde hadiikahí daniizį́į'go wók'ą́ąjį' haaskai; ákondi dah oonéłídóó Bóhólníihii bitsits'aa' dílzinii bee aha'deet'áanii bii' sinilii t'áadoo dah deidii'ą́ą da áádóó Mózes ałdó' t'áadoo ch'íníyáa da. 45Nít'éé' Ámalek dine'é áádóó Kéínan dine'é éí wók'ą́ądi kéédahat'ínígíí Ízrel dine'é yich'į' hadáájée'go nideistseed, índa t'áá níléí Hórmahjį' t'ą́ą́' anídeineeskaad.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).