NUMBERS 13
13
Naalchi'í naakits'áadahgo Kéínan kéyahgóó dabi'dool'aad
(Deut. 1:19-33)
1Áádóó Bóhólníihii éí Mózes yich'į' haadzíi'go ání, 2Diné dadíł'áago Kéínan kéyah hadeidoosił; éí Ízrel dine'é baa dinish'aahígíí dabizhé'é yę́ę bidine'é t'áá ałtso bitahdóó aląąjį' naazínígíí ła' dadííł'aał. 3Áko Mózes éí Bóhólníihii hach'į' yee haadzí'ígíí bik'ehgo Péíran honoojíídóó dah dazhdiił'a'; éí t'áá ałtso Ízrel dine'é aląąjį' naazíinii danilį́. 4Éí kót'éego dabi'dójí: Rúben dine'é bitahdóó Záker biye' Shamúwa. 5Símiyan dine'é bitahdóó Hórai biye' Shéífat. 6Júdah dine'é bitahdóó Jiifáneh biye' Kéíleb. 7Ísakar dine'é bitahdóó Jóseph biye' Ígal. 8Íífreiyim dine'é bitahdóó Nan biye' Hoshíya. 9Bénjamin dine'é bitahdóó Réífu biye' Páltai. 10Zébyulan dine'é bitahdóó Sódai biye' Gádiyel. 11Jóseph dine'é, t'áá éí Manáseh dine'é bitahdóó Súsai biye' Gádai. 12Dan dine'é bitahdóó Giimáli biye' Ámiyel. 13Ásher dine'é bitahdóó Máíkel biye' Sííther. 14Náftalai dine'é bitahdóó Váfsai biye' Nábi. 15Géed dine'é bitahdóó Méíkai biye' Giiyúwel. 16Diné kódaolyéhígíí éí kéyah hadeidoosił biniyé Mózes abiis'a'. Áko Mózes éí Nan biye' Hoshíya wolyéii Jáshowa bee jíízhi'.
17Áko Kéínan kéyah hadeidoosił biniyé Mózes éí diné deidees'aadgo ííłní, Díí kéyah shádi'áahjigo áádóó dził bíidoohkah; 18kéyahgi haa hoot'é éí hadadoohsił; diné dabidziilgo daats'í kéédahat'į́, dooda daats'í; t'áá díkwíhí, doodaii' lą'í daats'í, 19áádóó kéyah lá haa hoot'éego yii' kéédahat'į́; yá'áhoot'ééh, doodaii' doo daats'í yá'áhoot'éeh da, áádóó kin hadaas'áii haa daat'éii yii' kéédahat'į́; níbaal daats'í yii' dabighan, doodaii' bidziilgo biná'ástł'ingo daats'í kéédahat'į́, 20índa kéyah bikáá' haa hoot'é; áda'azįįd daats'í, doodaii' doo daats'í áda'azįįd da; tsin daats'í deíl'á, ádin daats'í. Áádóó chánah áda'díí'nółdzingo kéyah bikáá' daneest'áanii ła' nídadoohjih. Áko k'ad éí ch'il na'atł'o'ii átsé nínádant'į́hígíí daneest'ą́ąjį' ahoolzhiizh.
21Áko ákóde dashdiikaigo kéyah honoojí Zin hoolyéhídóó Rííhobjį' éí Héímath yah ahóót'i'jį' hadajíísid. 22Áádóó kéyah shádi'ááhjí hoolyéédę́ę'go hadziskaigo Hííbran kin haal'áajį' jíkai; ákwii Éínak ba'áłchíní Aháíman, Shííshai índa Tálmai daolyéii kéédahat'į́į́ lá. (Hííbran kin haal'áii ályaadóó bik'ijį' tsosts'id nááhaigo Ííjip kéyah nahós'a'gi Zówan kin haal'áago áhoolyaa.) 23Áko Éshkol góyaa tó nílíníjį' jíkai; ákwii ch'il na'atł'o'ii bits'áoz'a' bineest'ą' t'áá bąąh dah siyį́įgo k'ídadzisne'; nizhdilt'éego tsin hata' naní'áago bee nihizhníyį́, áádóó pámgrenit bineest'ą' índa fig naazkaadii bineest'ą' ałdó' nidadzizyį́. 24Ákwii tó nílínígíí Éshkol#13:24 Éshkol jiníigo éí Hííbrew k'ehjígo ch'il na'atł'o'ii bąąh dah siyíinii jiníigo óolyé. hoolyée doo, dazhdííniid, háálá ákwii Ízrel dine'é éí ch'il na'atł'o'ii bits'áoz'a' bineest'ą' t'áá yił k'ídeisne'.
25Áádóó dízdiin yiską́ąjį' kéyah ałtso hadajíísidgo t'ą́ą́' níjíkai. 26Áko Mózes áádóó Éran índa Ízrel dine'é dah yinéłígíí t'áá ałtso Péíran honoojíigi Kéídesh hoolyéedi baa níjíkaigo hane' baa nídadziz'ą́, áádóó Ízrel dine'é dah yinéłígíí t'áá ałtso éí kéyahdóó aneest'ą' nídajizhjaa'ígíí bich'į' ííshjání ádajiilaago deinééł'į́į́'. 27Áádóó Mózes bił dahojoolne'go ádajiní, Kéyah bich'į' nihííníł'aadígíí baa niikai; t'áá aaníí éí kéyah yá'áhoot'éehgi abe' índa tsés'ná bitł'izh bee áda'azįįdgo haz'ą́ą́ lá, áko díí aneest'ą' áádę́ę́' nídashiijaa'. 28Ákondi ákwii kéyahgi diné dabidziilgo kéédahat'į́ índa kin hadaas'áhígíí ayóó át'éego binída'astł'in, áádóó ałdó' ákwii Éínak dine'é#13:28 Éínak dine'é éí yé'iitsoh danilį́į́ nít'éé'. ákwii kéédahat'į́į́ lá. 29Ámalek dine'é éí kéyah shádi'ááhjígo kéédahat'į́; Het dine'é, Jííbas dine'é áádóó Ámor dine'é éí dziłghą́ą́'góó kéédahat'į́ índa Kéínan dine'é éí tónteel bibąąhgi áádóó Jórdan tooh nílíní bibąąh góyaa kéédahat'į́.
30Kéíleb éí Mózes binááł diné yidiiłheelgo ání, Tį', t'áá k'ad ákóde hidiikahgo éí kéyahígíí nihíí' ádadiilnííł, háálá ak'eh dadidiidleełígíí bídeíníigah. 31Nidi ákóde diné bił nidziskaígíí ádadííniid, Díí diné bich'į' hidiikahígíí doo bídeíníigah da, háálá bí nihiláahgo ayóó ádabóodziil. 32Áko kéyah hadayíísidígíí doo yá'át'ééhgóó kéyah yaa dahalne'go Ízrel dine'é ádeiłní, Kéyah hadadiilził biniyé biyi'góó nisiikaígíí bikáá' diné kéédahat'ínígíí áádįįł lá, áádóó diné t'áá ałtso ákwe'é kéédahat'ínígíí ayóó ádaníłnééz lá. 33Éínak dine'é yé'iitsoh nidahalin;#Gen. 6:4. éí yé'iitsoh danilį́įgo da'ahílchííh lá, áko nihí nahachagiigi át'éego ádadiiltsą́, ákót'éego binááł nahachagiigi ádaniit'é.
Currently Selected:
NUMBERS 13: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
NUMBERS 13
13
Naalchi'í naakits'áadahgo Kéínan kéyahgóó dabi'dool'aad
(Deut. 1:19-33)
1Áádóó Bóhólníihii éí Mózes yich'į' haadzíi'go ání, 2Diné dadíł'áago Kéínan kéyah hadeidoosił; éí Ízrel dine'é baa dinish'aahígíí dabizhé'é yę́ę bidine'é t'áá ałtso bitahdóó aląąjį' naazínígíí ła' dadííł'aał. 3Áko Mózes éí Bóhólníihii hach'į' yee haadzí'ígíí bik'ehgo Péíran honoojíídóó dah dazhdiił'a'; éí t'áá ałtso Ízrel dine'é aląąjį' naazíinii danilį́. 4Éí kót'éego dabi'dójí: Rúben dine'é bitahdóó Záker biye' Shamúwa. 5Símiyan dine'é bitahdóó Hórai biye' Shéífat. 6Júdah dine'é bitahdóó Jiifáneh biye' Kéíleb. 7Ísakar dine'é bitahdóó Jóseph biye' Ígal. 8Íífreiyim dine'é bitahdóó Nan biye' Hoshíya. 9Bénjamin dine'é bitahdóó Réífu biye' Páltai. 10Zébyulan dine'é bitahdóó Sódai biye' Gádiyel. 11Jóseph dine'é, t'áá éí Manáseh dine'é bitahdóó Súsai biye' Gádai. 12Dan dine'é bitahdóó Giimáli biye' Ámiyel. 13Ásher dine'é bitahdóó Máíkel biye' Sííther. 14Náftalai dine'é bitahdóó Váfsai biye' Nábi. 15Géed dine'é bitahdóó Méíkai biye' Giiyúwel. 16Diné kódaolyéhígíí éí kéyah hadeidoosił biniyé Mózes abiis'a'. Áko Mózes éí Nan biye' Hoshíya wolyéii Jáshowa bee jíízhi'.
17Áko Kéínan kéyah hadeidoosił biniyé Mózes éí diné deidees'aadgo ííłní, Díí kéyah shádi'áahjigo áádóó dził bíidoohkah; 18kéyahgi haa hoot'é éí hadadoohsił; diné dabidziilgo daats'í kéédahat'į́, dooda daats'í; t'áá díkwíhí, doodaii' lą'í daats'í, 19áádóó kéyah lá haa hoot'éego yii' kéédahat'į́; yá'áhoot'ééh, doodaii' doo daats'í yá'áhoot'éeh da, áádóó kin hadaas'áii haa daat'éii yii' kéédahat'į́; níbaal daats'í yii' dabighan, doodaii' bidziilgo biná'ástł'ingo daats'í kéédahat'į́, 20índa kéyah bikáá' haa hoot'é; áda'azįįd daats'í, doodaii' doo daats'í áda'azįįd da; tsin daats'í deíl'á, ádin daats'í. Áádóó chánah áda'díí'nółdzingo kéyah bikáá' daneest'áanii ła' nídadoohjih. Áko k'ad éí ch'il na'atł'o'ii átsé nínádant'į́hígíí daneest'ą́ąjį' ahoolzhiizh.
21Áko ákóde dashdiikaigo kéyah honoojí Zin hoolyéhídóó Rííhobjį' éí Héímath yah ahóót'i'jį' hadajíísid. 22Áádóó kéyah shádi'ááhjí hoolyéédę́ę'go hadziskaigo Hííbran kin haal'áajį' jíkai; ákwii Éínak ba'áłchíní Aháíman, Shííshai índa Tálmai daolyéii kéédahat'į́į́ lá. (Hííbran kin haal'áii ályaadóó bik'ijį' tsosts'id nááhaigo Ííjip kéyah nahós'a'gi Zówan kin haal'áago áhoolyaa.) 23Áko Éshkol góyaa tó nílíníjį' jíkai; ákwii ch'il na'atł'o'ii bits'áoz'a' bineest'ą' t'áá bąąh dah siyį́įgo k'ídadzisne'; nizhdilt'éego tsin hata' naní'áago bee nihizhníyį́, áádóó pámgrenit bineest'ą' índa fig naazkaadii bineest'ą' ałdó' nidadzizyį́. 24Ákwii tó nílínígíí Éshkol#13:24 Éshkol jiníigo éí Hííbrew k'ehjígo ch'il na'atł'o'ii bąąh dah siyíinii jiníigo óolyé. hoolyée doo, dazhdííniid, háálá ákwii Ízrel dine'é éí ch'il na'atł'o'ii bits'áoz'a' bineest'ą' t'áá yił k'ídeisne'.
25Áádóó dízdiin yiską́ąjį' kéyah ałtso hadajíísidgo t'ą́ą́' níjíkai. 26Áko Mózes áádóó Éran índa Ízrel dine'é dah yinéłígíí t'áá ałtso Péíran honoojíigi Kéídesh hoolyéedi baa níjíkaigo hane' baa nídadziz'ą́, áádóó Ízrel dine'é dah yinéłígíí t'áá ałtso éí kéyahdóó aneest'ą' nídajizhjaa'ígíí bich'į' ííshjání ádajiilaago deinééł'į́į́'. 27Áádóó Mózes bił dahojoolne'go ádajiní, Kéyah bich'į' nihííníł'aadígíí baa niikai; t'áá aaníí éí kéyah yá'áhoot'éehgi abe' índa tsés'ná bitł'izh bee áda'azįįdgo haz'ą́ą́ lá, áko díí aneest'ą' áádę́ę́' nídashiijaa'. 28Ákondi ákwii kéyahgi diné dabidziilgo kéédahat'į́ índa kin hadaas'áhígíí ayóó át'éego binída'astł'in, áádóó ałdó' ákwii Éínak dine'é#13:28 Éínak dine'é éí yé'iitsoh danilį́į́ nít'éé'. ákwii kéédahat'į́į́ lá. 29Ámalek dine'é éí kéyah shádi'ááhjígo kéédahat'į́; Het dine'é, Jííbas dine'é áádóó Ámor dine'é éí dziłghą́ą́'góó kéédahat'į́ índa Kéínan dine'é éí tónteel bibąąhgi áádóó Jórdan tooh nílíní bibąąh góyaa kéédahat'į́.
30Kéíleb éí Mózes binááł diné yidiiłheelgo ání, Tį', t'áá k'ad ákóde hidiikahgo éí kéyahígíí nihíí' ádadiilnííł, háálá ak'eh dadidiidleełígíí bídeíníigah. 31Nidi ákóde diné bił nidziskaígíí ádadííniid, Díí diné bich'į' hidiikahígíí doo bídeíníigah da, háálá bí nihiláahgo ayóó ádabóodziil. 32Áko kéyah hadayíísidígíí doo yá'át'ééhgóó kéyah yaa dahalne'go Ízrel dine'é ádeiłní, Kéyah hadadiilził biniyé biyi'góó nisiikaígíí bikáá' diné kéédahat'ínígíí áádįįł lá, áádóó diné t'áá ałtso ákwe'é kéédahat'ínígíí ayóó ádaníłnééz lá. 33Éínak dine'é yé'iitsoh nidahalin;#Gen. 6:4. éí yé'iitsoh danilį́įgo da'ahílchííh lá, áko nihí nahachagiigi át'éego ádadiiltsą́, ákót'éego binááł nahachagiigi ádaniit'é.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).