NUMBERS 15
15
Náádahaniihii bá bee nahaz'áanii
1Áko Bóhólníihii éí Mózes yich'į' haadzíi'go ání, 2Ízrel dine'é bich'į' handziihgo ábidiní, Kéyah bii' kéédahoht'į́į dooleełii nihaa dinish'aahígíí biih woonáago 3áádóó Bóhólníihii bich'į' didlidgo náádahidoołnihii ádadoohłíiłgo, éí didlidgo nááhániihii, doodaii' nááhániihii bee ádee hadaohdzíi'ii, doodaii' nááhániihii t'áá nihí ádeinohsingo nidadinoo'áanii, doodaii' hodílzingo áłah ná'ádleeh nídaoł'aahgo éí béégashii bitahdę́ę́' béégashii ła', doodaii' dibé bitahdę́ę́' dibé ła' nídidoohłóosgo Bóhólníihii bich'į' łikání halchingo náádahołniih doo, 4áko Bóhólníihii bich'į' náá'jii łniihígíí éí ak'áán nááhidoonihii éí ómer#Ex. 16:36. bee í'neel'ąąhí bee ak'áán t'ááłáhídi haaką́ągo éí kwáart#15:4 Kwáart bee í'neel'ąąhígíí éí bąąh ha'íízhahí dį́įdi bee ookáałgo bíighah. bee í'neel'ąąhí áníłtsooígíí bíighahgo bee ak'ah haaką́ągo bił ałtahgo néidiyoołnih. 5Índa kwáart bee í'neel'ąąhí bee wáin t'ááłáhídi haaką́ągo yanáadzi'go nááhidoonihii át'éego hasht'eidoolííł éí didlidgo nááhániihii, doodaii' nááhániihii át'éego dibé yázhí t'ááłá'ígo bik'eh níką́ągo hasht'eidoolííł. 6Doodaii' deenásts'aa' nááhániihgo éí ómer bee í'neel'ąąhí bee ak'áán naakidi haaką́ągo éí kwáart bitísígo bee í'neel'ąąhí bik'ehgo ak'ah haaką́ągo bił ałtahgo hasht'eidoolííł. 7Áádóó kwáart bitísígo bee í'neel'ąąhí bik'ehgo wáin haaką́ągo yanáadzi'go nááhidoonihii Bóhólníihii bich'į' łikání halchingo néidiyoołnih. 8Áko dóola yázhí didlidgo nááhániihii, doodaii' nááhidoonihii ádee háínídzíí'jí nááhániihii, doodaii' hózhǫ́ǫ́jí nááhániihii hasht'enéinil'įįhgo Bóhólníihii bich'į' nááhidííłnihgo 9ómer bee í'neel'ąąhí bee ak' áán táadi haaką́ągo áádóó kwáart bee í'neel'ąąhí bee ak'ah naakidi haaką́ągo bił ałtahgo éí dóola yázhí bóóltą'go nááhániih doo. 10Áádóó kwáart bee í'neel'ąąhí bee wáin naakidi haaką́ągo éí yanáadzi'go nááhániihii át'éego łikání halchingo Bóhólníihii bich'į' didlidgo nááhidííłnih.
11Kót'éego dóola yázhí, doodaii' deenásts'aa', doodaii' dibé yázhí, doodaii' tł'ízí yázhí t'ááłá'í nítínígo ákónál'įįh doo. 12T'áá ánéelt'e'go hasht'enídaał'įįhígíí bik'ehgo t'áá ałtso ádanéelt'e'ígíí bik'ehgo ákónídaał'įįh doo. 13T'áá ałtso kéyahgi nidahaazhchínígíí bik'ehgo hoogáałii yik'ehgo áda'ał'į́įgo łikání halchingo Bóhólníihii bich'į' didlidgo nááda'iiłniih doo. 14Áádóó dé'éyóní ła' nihitahgi kééhat'į́įgo, doodaii' náás da'ahíínółchíihii nihitahgi łahdę́ę́' nilíinii éí didlidgo náá'iiniih ádeeshłííł nízingo łikání halchingo Bóhólníihii bich'į' nááda'ayołniihígi át'éego bí ałdó' ákódaat'į́į doo. 15Nihí dah wohnéłígíí áádóó dé'éyóní nihitahgi kéédahat'ínígíí ałdó' bik'eh hoogáałii t'ááłá'í nihá át'é; náás da'ahíínółchíihii hool'áágóó bik'eh hoogáałii nihá át'é; t'áá nihí ádanoht'éhígi át'éego dé'éyóní Bóhólníihii binááł t'áá ákódaat'ée dooleeł. 16Bee haz'áanii t'ááłá'ígíí índa bik'ehgo hoogáałii t'ááłá'ígíí éí nihí áádóó dé'éyóní t'óó átsééd kéédahat'ínígíí bił nihá át'ée doo.#Lev. 24:22.
17Áko Bóhólníihii éí Mózes yich'į' haadzíi'go ání, 18Ízrel dine'é bich'į' handziihgo ábidiní, Kéyah biih nihideesh'ishígíí biih woonáago 19éí kéyahdóó ch'iyáán daohsą́ągo bił dah nídi'diilnihgo nááhániihii Bóhólníihii bich'į' náádahołniih doo; 20áłtsé ak'áán taosnii'ígíí bááh ályaago bił dah nídi'diilnihgo náádahołniih doo; t'áá ha'íná'ál'isídóó bił dah nídi'diilnihgo nááhániihígi át'éego éí bił dah nídadidoołnih doo. 21Náás da'ahíínółchííhgóó áłtsé ak'áán taosnii'ígíí Bóhólníihii bich'į' bił dah nídi'diilnihgo náádahołniih doo.
22Da'soohsiihgo áádóó díí bik'eh ó'oo'níiłii t'áá át'é doo bida'oołaagóogo Bóhólníihii éí Mózes áyidííniidígi ádaahdzaa lá; 23t'áá éí Bóhólníihii ánihidííniidii t'áá ałtso Mózes binahjį' ákóní; éí Mózes t'áá hó t'éí Bóhólníihii áhodííniid bijį́į́dóó wóshdę́ę́' niha'áłchíní náás ahoolchíiłii bitahgóó 24éí t'áadoo baa ákohwiindziní ádił oodzíi'go áádóó dah oonéłígíí doo bił béédahózingóogo dah oonéłígíí t'áá ałtso éí dóola yázhí t'ááłá'ígo didlidgo nááhániihii át'éego Bóhólníihii bich'į' łikání halchingo náádayiiłniih doo; éí bik'eh hoogáałii bik'ehgo ak'áán áádóó yanáadzi'go nááhániihii yił náádayiiłniih doo, áádóó tł'ízíchǫǫh t'ááłá'ígo ádił ni'iidzííhjí nááhániihii át'éego náádayiiłniih doo. 25Áádóó náá'iiłniihii éí á bee k'ééhodǫǫłii Ízrel dine'é t'áá dah yinééł nít'éé' yá nááyiiłniih doo, áko ádił nida'iisí'ígíí bá yóó'adidoot'ááł, háálá t'áadoo yaa ákodaníziní ádił nida'iisíí', áádóó nááhániihii nidayii'éeshgo Bóhólníihii bich'į' didlidgo nááhániihii át'éego náádayiiłniih doo índa ádił ni'iidzííhjí nááhániihii át'éego Bóhólníihii binááł náádayiiłniih doo; jó, t'áadoo yaa ákodaníziní ádił da'asiih. 26Ízrel dine'é t'áá dah yinééł nít'éé' índa dé'éyóní hatahgi t'óó átsééd kéédahat'ínígíí ádił nida'iisí'ígíí bá yóó'anídidoot'ááł, háálá t'áadoo yaa ákodaníziní ádił nida'iisíí'.
27Diné t'áá háiida t'áadoo yaa ákoníziní ádił asiihgo éí tł'ízítsa'ii ła' binááhaaí ádił ni'iidzííhjí nááhániihii át'éego néidiyoołnih. 28Áko náá'iiłniihii éí á bee k'ééhodoodǫǫłii doo t'áá ákójínééhgóó ádił adzisiihii há néidiyoołnihgo doo t'áá ákójínééhgóó ádił adzisiihígíí Bóhólníihii binááł há bee k'ééhoodǫǫłii há nááhidoonihgo ádił adzisiihígíí há yóó'anídidoot'ááł.#Lev. 4:27-31. 29Áádóó bee haz'áanii t'ááłá'ígíí éí doo t'áá ákójínééhgóó ádił adzisiihii há nihee hólǫ́; éí Ízrel dine'é bitahdóó yizhchíinii, doodaii' bitahgi dé'éyóní t'óó átsééd kéédahat'ínígíí nidi bá át'é. 30Nidi diné ła' t'áá bizááká ádił ni'iilzíihgo éí kéyahgi ho'dizhchį́įgo, doodaii' dé'éyóní jílį́į dago, Bóhólníihii doo jidísingóó bik'ijį' hadziidziihii éí Ízrel dine'é bits'ą́ąjį' hodi'yoolyééł. 31Bóhólníihii bizaad jíí'įįdígíí áádóó bik'eh ó'oo'níiłii k'ízhníti'ígíí biniinaa ts'ídá hodi'yoolyéłí; jó, ádił ajisiihígíí t'áá hó bá ninázhdootłish.
Háá'áyį́į́h jį́ doo yidísinii bił nidzilniih
32Ízrel dine'é éí honoojíidi joonéełgo háá'áyį́į́h jį́į́ góne' diné léi' chizh náyiiláahgo bik'ídadziskai. 33Áko chizh náyiiláahgo bik'ídadziskaígíí éí Mózes áádóó Éran índa oonéłígíí t'áá ałtso bich'į' bił nijíkai. 34Áádóó dayiiłtsood, háálá bee baa hwiidínóot'įįłii t'ah doo bee hoł dahane' da. 35Áko Bóhólníihii éí Mózes ííłní, Díí diné ts'ídá bidi'yoolyéłí; dah oonéłígíí t'áá ałtso níbaal haal'á bits'áhwiiní'ą́ądi tsé yee hoł nidazdoołniił. 36Áádóó t'áá dah oonééł nít' éé' éí níbaal haal'á bits'áhwiiní'ą́ą́góó éí diné yił adaaskaigo tsé yee yił nidadzisne'go daaztsą́; Bóhólníihii éí Mózes áyidííniidígíí yida'iilaa.
Éé' bibąąhgi bijádaanilígíí
37Áko Bóhólníihii éí Mózes yich'į' haadzíi'go ání, 38Ízrel dine'é bich'į' handziihgo ábidiní, Náás da'ahíínółchííhgóó danihi'éé' bibąąhdi bijánil áńdaał'įįh doo,#Deut. 22:12. áádóó bijánil bikáa'gi tł'óół yá nahalingo dootł'izh danít'i'go áńdaał'įįh doo, 39áádóó nihich'į' díigi át'éhígíí hazhó'ó danół'į́, áko díí béédaałniih dooígíí éí Bóhólníihii bibik'eh ó'oo'níiłii t'áá át'é bida'íínóhsin doo, áko danihijéí bik'ehgo índa daah'ínígíí bik'ehgo doo ádaahníił da doo; jó, éí ajiłda bee t'óó ádee nidaahnéé nít'éé'; shoo, díí béédaałniih. 40Shibik'eh ó'oo'níiłii t'áá át'é bida'íínóhsin, áádóó nihiDiyin God bich'į'go dadinohyin doo. 41Shí Bóhólníihii nihiDiyin God nishłį́; éí shí Ííjip kéyahdę́ę́' ch'éénihiní'eezhgo nihiDiyin God nishłį́; jó, shí Bóhólníihii nihiDiyin God nishłį́.
Currently Selected:
NUMBERS 15: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
NUMBERS 15
15
Náádahaniihii bá bee nahaz'áanii
1Áko Bóhólníihii éí Mózes yich'į' haadzíi'go ání, 2Ízrel dine'é bich'į' handziihgo ábidiní, Kéyah bii' kéédahoht'į́į dooleełii nihaa dinish'aahígíí biih woonáago 3áádóó Bóhólníihii bich'į' didlidgo náádahidoołnihii ádadoohłíiłgo, éí didlidgo nááhániihii, doodaii' nááhániihii bee ádee hadaohdzíi'ii, doodaii' nááhániihii t'áá nihí ádeinohsingo nidadinoo'áanii, doodaii' hodílzingo áłah ná'ádleeh nídaoł'aahgo éí béégashii bitahdę́ę́' béégashii ła', doodaii' dibé bitahdę́ę́' dibé ła' nídidoohłóosgo Bóhólníihii bich'į' łikání halchingo náádahołniih doo, 4áko Bóhólníihii bich'į' náá'jii łniihígíí éí ak'áán nááhidoonihii éí ómer#Ex. 16:36. bee í'neel'ąąhí bee ak'áán t'ááłáhídi haaką́ągo éí kwáart#15:4 Kwáart bee í'neel'ąąhígíí éí bąąh ha'íízhahí dį́įdi bee ookáałgo bíighah. bee í'neel'ąąhí áníłtsooígíí bíighahgo bee ak'ah haaką́ągo bił ałtahgo néidiyoołnih. 5Índa kwáart bee í'neel'ąąhí bee wáin t'ááłáhídi haaką́ągo yanáadzi'go nááhidoonihii át'éego hasht'eidoolííł éí didlidgo nááhániihii, doodaii' nááhániihii át'éego dibé yázhí t'ááłá'ígo bik'eh níką́ągo hasht'eidoolííł. 6Doodaii' deenásts'aa' nááhániihgo éí ómer bee í'neel'ąąhí bee ak'áán naakidi haaką́ągo éí kwáart bitísígo bee í'neel'ąąhí bik'ehgo ak'ah haaką́ągo bił ałtahgo hasht'eidoolííł. 7Áádóó kwáart bitísígo bee í'neel'ąąhí bik'ehgo wáin haaką́ągo yanáadzi'go nááhidoonihii Bóhólníihii bich'į' łikání halchingo néidiyoołnih. 8Áko dóola yázhí didlidgo nááhániihii, doodaii' nááhidoonihii ádee háínídzíí'jí nááhániihii, doodaii' hózhǫ́ǫ́jí nááhániihii hasht'enéinil'įįhgo Bóhólníihii bich'į' nááhidííłnihgo 9ómer bee í'neel'ąąhí bee ak' áán táadi haaką́ągo áádóó kwáart bee í'neel'ąąhí bee ak'ah naakidi haaką́ągo bił ałtahgo éí dóola yázhí bóóltą'go nááhániih doo. 10Áádóó kwáart bee í'neel'ąąhí bee wáin naakidi haaką́ągo éí yanáadzi'go nááhániihii át'éego łikání halchingo Bóhólníihii bich'į' didlidgo nááhidííłnih.
11Kót'éego dóola yázhí, doodaii' deenásts'aa', doodaii' dibé yázhí, doodaii' tł'ízí yázhí t'ááłá'í nítínígo ákónál'įįh doo. 12T'áá ánéelt'e'go hasht'enídaał'įįhígíí bik'ehgo t'áá ałtso ádanéelt'e'ígíí bik'ehgo ákónídaał'įįh doo. 13T'áá ałtso kéyahgi nidahaazhchínígíí bik'ehgo hoogáałii yik'ehgo áda'ał'į́įgo łikání halchingo Bóhólníihii bich'į' didlidgo nááda'iiłniih doo. 14Áádóó dé'éyóní ła' nihitahgi kééhat'į́įgo, doodaii' náás da'ahíínółchíihii nihitahgi łahdę́ę́' nilíinii éí didlidgo náá'iiniih ádeeshłííł nízingo łikání halchingo Bóhólníihii bich'į' nááda'ayołniihígi át'éego bí ałdó' ákódaat'į́į doo. 15Nihí dah wohnéłígíí áádóó dé'éyóní nihitahgi kéédahat'ínígíí ałdó' bik'eh hoogáałii t'ááłá'í nihá át'é; náás da'ahíínółchíihii hool'áágóó bik'eh hoogáałii nihá át'é; t'áá nihí ádanoht'éhígi át'éego dé'éyóní Bóhólníihii binááł t'áá ákódaat'ée dooleeł. 16Bee haz'áanii t'ááłá'ígíí índa bik'ehgo hoogáałii t'ááłá'ígíí éí nihí áádóó dé'éyóní t'óó átsééd kéédahat'ínígíí bił nihá át'ée doo.#Lev. 24:22.
17Áko Bóhólníihii éí Mózes yich'į' haadzíi'go ání, 18Ízrel dine'é bich'į' handziihgo ábidiní, Kéyah biih nihideesh'ishígíí biih woonáago 19éí kéyahdóó ch'iyáán daohsą́ągo bił dah nídi'diilnihgo nááhániihii Bóhólníihii bich'į' náádahołniih doo; 20áłtsé ak'áán taosnii'ígíí bááh ályaago bił dah nídi'diilnihgo náádahołniih doo; t'áá ha'íná'ál'isídóó bił dah nídi'diilnihgo nááhániihígi át'éego éí bił dah nídadidoołnih doo. 21Náás da'ahíínółchííhgóó áłtsé ak'áán taosnii'ígíí Bóhólníihii bich'į' bił dah nídi'diilnihgo náádahołniih doo.
22Da'soohsiihgo áádóó díí bik'eh ó'oo'níiłii t'áá át'é doo bida'oołaagóogo Bóhólníihii éí Mózes áyidííniidígi ádaahdzaa lá; 23t'áá éí Bóhólníihii ánihidííniidii t'áá ałtso Mózes binahjį' ákóní; éí Mózes t'áá hó t'éí Bóhólníihii áhodííniid bijį́į́dóó wóshdę́ę́' niha'áłchíní náás ahoolchíiłii bitahgóó 24éí t'áadoo baa ákohwiindziní ádił oodzíi'go áádóó dah oonéłígíí doo bił béédahózingóogo dah oonéłígíí t'áá ałtso éí dóola yázhí t'ááłá'ígo didlidgo nááhániihii át'éego Bóhólníihii bich'į' łikání halchingo náádayiiłniih doo; éí bik'eh hoogáałii bik'ehgo ak'áán áádóó yanáadzi'go nááhániihii yił náádayiiłniih doo, áádóó tł'ízíchǫǫh t'ááłá'ígo ádił ni'iidzííhjí nááhániihii át'éego náádayiiłniih doo. 25Áádóó náá'iiłniihii éí á bee k'ééhodǫǫłii Ízrel dine'é t'áá dah yinééł nít'éé' yá nááyiiłniih doo, áko ádił nida'iisí'ígíí bá yóó'adidoot'ááł, háálá t'áadoo yaa ákodaníziní ádił nida'iisíí', áádóó nááhániihii nidayii'éeshgo Bóhólníihii bich'į' didlidgo nááhániihii át'éego náádayiiłniih doo índa ádił ni'iidzííhjí nááhániihii át'éego Bóhólníihii binááł náádayiiłniih doo; jó, t'áadoo yaa ákodaníziní ádił da'asiih. 26Ízrel dine'é t'áá dah yinééł nít'éé' índa dé'éyóní hatahgi t'óó átsééd kéédahat'ínígíí ádił nida'iisí'ígíí bá yóó'anídidoot'ááł, háálá t'áadoo yaa ákodaníziní ádił nida'iisíí'.
27Diné t'áá háiida t'áadoo yaa ákoníziní ádił asiihgo éí tł'ízítsa'ii ła' binááhaaí ádił ni'iidzííhjí nááhániihii át'éego néidiyoołnih. 28Áko náá'iiłniihii éí á bee k'ééhodoodǫǫłii doo t'áá ákójínééhgóó ádił adzisiihii há néidiyoołnihgo doo t'áá ákójínééhgóó ádił adzisiihígíí Bóhólníihii binááł há bee k'ééhoodǫǫłii há nááhidoonihgo ádił adzisiihígíí há yóó'anídidoot'ááł.#Lev. 4:27-31. 29Áádóó bee haz'áanii t'ááłá'ígíí éí doo t'áá ákójínééhgóó ádił adzisiihii há nihee hólǫ́; éí Ízrel dine'é bitahdóó yizhchíinii, doodaii' bitahgi dé'éyóní t'óó átsééd kéédahat'ínígíí nidi bá át'é. 30Nidi diné ła' t'áá bizááká ádił ni'iilzíihgo éí kéyahgi ho'dizhchį́įgo, doodaii' dé'éyóní jílį́į dago, Bóhólníihii doo jidísingóó bik'ijį' hadziidziihii éí Ízrel dine'é bits'ą́ąjį' hodi'yoolyééł. 31Bóhólníihii bizaad jíí'įįdígíí áádóó bik'eh ó'oo'níiłii k'ízhníti'ígíí biniinaa ts'ídá hodi'yoolyéłí; jó, ádił ajisiihígíí t'áá hó bá ninázhdootłish.
Háá'áyį́į́h jį́ doo yidísinii bił nidzilniih
32Ízrel dine'é éí honoojíidi joonéełgo háá'áyį́į́h jį́į́ góne' diné léi' chizh náyiiláahgo bik'ídadziskai. 33Áko chizh náyiiláahgo bik'ídadziskaígíí éí Mózes áádóó Éran índa oonéłígíí t'áá ałtso bich'į' bił nijíkai. 34Áádóó dayiiłtsood, háálá bee baa hwiidínóot'įįłii t'ah doo bee hoł dahane' da. 35Áko Bóhólníihii éí Mózes ííłní, Díí diné ts'ídá bidi'yoolyéłí; dah oonéłígíí t'áá ałtso níbaal haal'á bits'áhwiiní'ą́ądi tsé yee hoł nidazdoołniił. 36Áádóó t'áá dah oonééł nít' éé' éí níbaal haal'á bits'áhwiiní'ą́ą́góó éí diné yił adaaskaigo tsé yee yił nidadzisne'go daaztsą́; Bóhólníihii éí Mózes áyidííniidígíí yida'iilaa.
Éé' bibąąhgi bijádaanilígíí
37Áko Bóhólníihii éí Mózes yich'į' haadzíi'go ání, 38Ízrel dine'é bich'į' handziihgo ábidiní, Náás da'ahíínółchííhgóó danihi'éé' bibąąhdi bijánil áńdaał'įįh doo,#Deut. 22:12. áádóó bijánil bikáa'gi tł'óół yá nahalingo dootł'izh danít'i'go áńdaał'įįh doo, 39áádóó nihich'į' díigi át'éhígíí hazhó'ó danół'į́, áko díí béédaałniih dooígíí éí Bóhólníihii bibik'eh ó'oo'níiłii t'áá át'é bida'íínóhsin doo, áko danihijéí bik'ehgo índa daah'ínígíí bik'ehgo doo ádaahníił da doo; jó, éí ajiłda bee t'óó ádee nidaahnéé nít'éé'; shoo, díí béédaałniih. 40Shibik'eh ó'oo'níiłii t'áá át'é bida'íínóhsin, áádóó nihiDiyin God bich'į'go dadinohyin doo. 41Shí Bóhólníihii nihiDiyin God nishłį́; éí shí Ííjip kéyahdę́ę́' ch'éénihiní'eezhgo nihiDiyin God nishłį́; jó, shí Bóhólníihii nihiDiyin God nishłį́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).