Esaya 6
6
Yawe asonta Esaya ukuba kasesema
1 #
2 Isham 15:7; 2 Imila 26:23 Mu mwaka imfumu Usia yafwilemo, ine nalimwene Imfumu ine ine iya mu mulu. Yaikele pa cipuna caiko icabufumu icasansama, ninshi ne cakufwala caiko nacikumana mwi Tempele. 2Pa mulu waiko ninshi napeminina na Baselafi abalebengeshima, bonse umo umo bali na mapindo mutanda mutanda. Bonse umo umo bafimbile amapindo yabili pa menso yabo, elyo yabili nayo bafimbile amakasa yabo, elyo yambi yabili yena eyakupupukilako. 3#Ubuso 4:8Ninshi balepokanina baleti,
“Uwamushilo, Uwamushilo, Uwamushilo,
ni Yawe umwine wa fita!
Ubucindami bwakwe bwalikumana isonde lyonse.”
4 #
Ubuso 15:8
Iciunda ca mashiwi yabo caletensha ne mifula ya pa mwinshi we Tempele, na mukati mwaiswile icushi. 5Na ine epakusosa nati, “Owe ne mulanda ine nafwa ee. Pantu ndi muntu uulanda ifibi pa kanwa kabili naikala na bantu nabo abalanda ifibi pa tunwa twabo. Awe lelo nafwa, pantu amenso yandi yamona Imfumu, Yawe umwine wa fita.”
6Elyo umo pali Baselafi, aisa ne laka lya mulilo ilyo alapwile ku lumano pa bulambo. 7Aisa nkumya nalyo pa kanwa, ati nokuti, “Wamona, nakukumya ici pa kanwa, kanshi ukubifya kobe kwafumishiwapo, ne fyabubifi fyobe fyaelelwa.”
8Elyo naumfwa Yawe aipusha ati, “Bushe nani nalatuma? Bushe nani uwalaba inkombe yesu?”
Na ine nayasuka nati, “Mulopwe, nine nalayako, ntumenifye.”
9 #
Mateo 13:14-15; Mako 4:12; Luka 8:10; Yoani 12:40; Imili 28:26-27 Kanshi nao epakuntuma ati, “Kebe aba bantu utile,
“‘Nangu mwakulakutika shani, awe tamwakulatesha uko cilolele.
Nangu mwakulalolesha shani, awe tamwakeshibepo kantu.’
10Leka abo bantu babe ne mitima iyakutwa,
ubakomye na matwi,
ubafimbe na pa menso.
Epali baimwena na menso yabo,
bayumfwila na matwi yabo,
bailuka na mu mitima yabo,
kabili bapilibukila kuli ine,
no kupola bapola.”
11Elyo na ine naipusha nati,
“Nga nomba we Yawe cikapelela kwi?”
Nao anjasuka ati,
“Ukushinta napo imisumba ikonaikila no kushala ifibolya.
Ukushinta napo amayanda yakashalila ifipompa.
Ukushinta napo icalo cikashalila amatololo
12Ukushinta napo Yawe akatamfisha abantu ukutali,
ne calo conse akacisangula amatololo.
13Nangufye umo pa bali ikumi engashala mu calo,
nakalya nao wine akaloba,
nomba nga filya ciba ilyo babungula umulemba ne cimuti ca Oki,
kulashala icishiki,
eco imbuto shamushilo shikashala nge cishiki mu calo.”
Currently Selected:
Esaya 6: ILL15
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia
