Popular Bible Verses from Esaya 6

Share

Elyo naumfwa Yawe aipusha ati, “Bushe nani nalatuma? Bushe nani uwalaba inkombe yesu?” Na ine nayasuka nati, “Mulopwe, nine nalayako, ntumenifye.”

Ninshi balepokanina baleti, “Uwamushilo, Uwamushilo, Uwamushilo, ni Yawe umwine wa fita! Ubucindami bwakwe bwalikumana isonde lyonse.”

Na ine epakusosa nati, “Owe ne mulanda ine nafwa ee. Pantu ndi muntu uulanda ifibi pa kanwa kabili naikala na bantu nabo abalanda ifibi pa tunwa twabo. Awe lelo nafwa, pantu amenso yandi yamona Imfumu, Yawe umwine wa fita.”

Mu mwaka imfumu Usia yafwilemo, ine nalimwene Imfumu ine ine iya mu mulu. Yaikele pa cipuna caiko icabufumu icasansama, ninshi ne cakufwala caiko nacikumana mwi Tempele.

Aisa nkumya nalyo pa kanwa, ati nokuti, “Wamona, nakukumya ici pa kanwa, kanshi ukubifya kobe kwafumishiwapo, ne fyabubifi fyobe fyaelelwa.”

Pa mulu waiko ninshi napeminina na Baselafi abalebengeshima, bonse umo umo bali na mapindo mutanda mutanda. Bonse umo umo bafimbile amapindo yabili pa menso yabo, elyo yabili nayo bafimbile amakasa yabo, elyo yambi yabili yena eyakupupukilako.

Elyo umo pali Baselafi, aisa ne laka lya mulilo ilyo alapwile ku lumano pa bulambo.

Kanshi nao epakuntuma ati, “Kebe aba bantu utile, “‘Nangu mwakulakutika shani, awe tamwakulatesha uko cilolele. Nangu mwakulalolesha shani, awe tamwakeshibepo kantu.’

Leka abo bantu babe ne mitima iyakutwa, ubakomye na matwi, ubafimbe na pa menso. Epali baimwena na menso yabo, bayumfwila na matwi yabo, bailuka na mu mitima yabo, kabili bapilibukila kuli ine, no kupola bapola.”