Esaya 21
21
Ubusesemo pa musumba wa Babiloni
1Amashiwi ayasobelwe palwa calo ca Babiloni ni aya.
Ubonaushi bukatula ku calo icakutiinya,
bukesa nga kankungwe uulepita mu ciswebebe ca Negebu.
2Ine ne Esaya nimona icimonwa cimo pa fintu ifyakutiinya icakutila,
uwabusangu alesangukila,
uwabonaushi aleonaula.
Mwe fita fya Elamu, aleni sanseni.
Mwe fita fya Media, aleni shingeni imisumba.
Lesa alapwisha amacushi ayaletwa na Babiloni.
3Ifyo ine mwene mu cimonwa nafindetela umwenso,
awe ifyo ine ŋumfwile nafindetela no bucushi.
Ubucushi nabo buli kwati bwa mwanakashi uukomenwe ne fumo.
4Amano yandi nayafulungana,
kabili ndeikankilafye ku mwenso.
Nalelolela ukuti bwile nsepulepo tunono,
nomba kabili nacindetela umwenso.
5Mu cimonwa namwenefye bapekanya amaliila,
baansa na pakuti abetilwe bekale.
Awe balalya no kunwa balanwa.
Elyo apopene umo apunda ati,
“Imwe mwe bamushika ba fita, aleni pekanyeni inkwela shenu.”
6Elyo Yawe anjeba ati,
“Kabiye, uyebika malonda umo,
umwebe nokuti alekwebako ifyo akulamona.
7Nga amona abantu baleisa pali bakabalwe, baleenda babili babili,
na bantu bambi baleisa pali bapunda na pa ngamila,
umwebe amwenekeshe bwino.”
8Malonda nao apunda ati,
“Mukwai, ni pano pene pa lupungu epo ine mba lyonse,
njiminina pano pene akasuba no bushiku pakulonda.”
9 #
Ubuso 14:8; 18:2 Ala balya baleisa.
Baleisa pali bakabalwe, baleenda babili babili.
Na umo nao aisa sosa ati,
“Babiloni apokwa, apokwa icine.
No tulubi tonse uto balepepa natutobaika,
tulelefye panshi.”
10Mwe bantu bandi, imwe balimutwa nga filya batwa iŋanu,
nomba ine namweba amashiwi ayasuma ayo ŋumfwile kuli Yawe umwine wa fita,
kuli Lesa wakwa Israeli.
Ifyasobelwe palwa calo ca Edomu
11Amashiwi ayasobelwe palwa musumba wa Duma,#21:11 Duma: Musumba ukalamba pa kati ka calo ca Edomu na Babiloni. Mu Cihibulu ili shiwi lyalola mukutila “tondolo” nangu “shilili.” ni aya.
Umuntu umo uwa mu calo ca Seiri ambilikisha ati,
“Iwe we malonda, bushe ubushiku bwalaca lilali?
Njebako apo ubushiku bwalapwila.”
12Na malonda ayasuka ati,
“Ala bwalaswa buce, lelo kwena bwalaila nakabili.
Nga ulefwaya ukwipusha nakabili, ubwelefye, wise wipushe.”
Ifyasobelwe palwa calo ca Arabia
13Amashiwi ayasobelwe palwa calo ca Arabia ni aya.
Imwe mwe bena Dedani, mwe benda mu mpuka mu mpuka
no kulakuula insakwe mu fiswebebe fya mu calo ca Arabia,
14imwe mulepeelako abantu amenshi abaleisa ne cilaka uko muli.
Imwe mwe bantu mwe bekala mu calo ca Tema,
mulepako imbutushi icakulya.
15Pantu abantu balefulumuka impanga ishatwa,
na ku mifwi iyo balefwaya ukubalashilako.
Balefulumuka ubusanso bonse ubwa nkondo.
16Elyo Yawe anjeba ati, “Pa mwakafye umo, ninshi ubukankala bwa mitundu ya bantu ba mu Keda bwapwilililafye. 17Na pebumba lya bantu abacenjela ukuposa imifwi, ababa ifita fine fine ifya mu Keda, awe pakashalafye abampendwa. Yawe Lesa wakwa Israeli nasosa.”
Currently Selected:
Esaya 21: ILL15
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia
