Esaya 20

Kasesema Esaya alaenda ubwamba pakulanga ifikaponena Egupto na Etiopia

1Sagoni imfumu ya Asiria alipeele Taritani mushika wa fita fyakwe icebo cakusansa Ashidodi umusumba wa Bafilisiti, awe nao mushika ausansa no kuupoka. 2Muli iyo ine nshita Yawe aebele Esaya mwana Amosi ukufuula insalu shabulanda isho alefwala, no kufuula ne nsapato shakwe shine. Esaya nao te mukani, kanshi nao epakulaenda ubwamba, alaendafye ukwabula no kulafwala insapato. 3Elyo Yawe asosele ati, “Nomba yaba imyaka itatu apo umubomfi wandi Esaya endela ubwamba no kukanafwala nsapato. Ici cintu e cishibilo ca fintu ifikaponena Egupto na Kushi. 4Imfumu ya Asiria ikasenda bankole ubwamba abo ikekata muli ifyo fyalo fibili. Abaice na bakote bene bakalaenda ukwabula insapato, kabili bakalaenda ubwamba, na matako yabo yakabafye pa mbilibili, neco cintu cikaletela abena Egupto insoni. 5Abatetekela icalo ca Kushi, na batakisha palwa calo ca Egupto, bakalaumfwa insoni pantu fikapwa ifyo babikako amano. 6Iyo nshita nga yafika, abantu abekala mu lulamba lwa calo ca Filisiti bakalatilafye, ‘Moneni ifyo caba ku bantu abo kabili twaletetekela ukuti ebakalatupokololako ku mfumu ya ku Asiria. Nga ifwe nomba tukapusukila pi?’”

Currently Selected:

Esaya 20: ILL15

Highlight

Copy

Compare