متّی ۳
۳
یحیی، مسیحٚ رأیَ هموارَ کونه
۱ هو روزأن بو کی یحیایٚ تعمید دهنده ظوهور بوکوده و یهودیه بیابانٚ دورون موعظه کودی ۲ و گفتی: «وأستی توبه بوکونید، چونکی آسمانٚ پادشایی نزدیکَ بوسته!» ۳ یحیی هونی ایسه کی اِشعیای نبی درباره‌یٚ اون گه:
«ایتأ صدایی بیابانٚ میأن فریاد زنه:
‹خوداوندٚ رأیَ آمادَه کونید!
اونٚ مسیرَ هموارَ کونید!›»#۳:۳ اِشعیا بابٚ ۴۰، آیه ۳.
۴ یحیی شوتورٚ پشمٚ جأ لیباس دوکودی و اونٚ کمرقیش چرم و اونٚ خوراک ملخ و عسلٚ صحرایی بو. ۵ مردوم جٚه اورشلیم و سرتاسرٚ یهودیه و تومامی‌یٚ روخانٚ اُردُنٚ دور و اطراف، اونٚ ورجأ شوییدی ۶ و خوشأنٚ گونایأنَ ایعتراف کودیدی و روخانٚ اُردُنٚ میأن به اونٚ دس تعمید گیفتیدی.
۷ امّا یحیی وختی بیده کی خیلی جٚه فریسیأن و صدوقیأن اَموییدی هویه کی یحیی مردومَ تعمید دَیی#۳:۷ یا: اونٚ جأ تعمید بیگیرید، اوشأنَ بوگفته: «اَی افعی زأکأن! کی شمرَ خبر بدَه وأ جٚه غضبی کی اَمون دره، بوگوریزید؟ ۸ شومأن وأ شیمی کارأنٚ مره ثابت بوکونید کی توبه بوکودیدی. ۹ گومان نوکونید کی تأنیدی کس کسَ بیگید: ‹اَمی پئر ایبراهیمه›#۳:۹ ینی «اَمی پئر ایبراهیمٚ ایمأنٚ وأسی خودا اَمرَ بخشه.»، چونکی شمرَ گم خودا تأنه اَ سنگأنٚ جأ ایبراهیمٚ رِه زأکأنی به وجود بأوره. ۱۰ هسأ تیشه، درختأنٚ ریشه سر نهَه؛ هر درختی کی خوروم میوه نأوره، وأوِه به و آتشٚ میأنی تأوده به#۳:۱۰ هوطو کی تیشه درختَ وَوینه، خودایم بی‌ایمأنأنَ داوری کونه.. ۱۱ من شمرَ توبه کودنٚ وأسی آبٚ مره تعمید دهم. ولی اونی کی بعدٚ من اَیه، می جأ خیلی قدرتمندتره. من حتی لیاقت نأرم اونٚ کفشَ جوفتَ کونم. اون شمرَ روح‌القدس و آتشٚ اَمرأ تعمید دهه. ۱۲ اونٚ چنگک اونٚ دسٚ دورون نهَه و خو خرمنَ پاکَ کونه و خو گندمَ تلنبارٚ میأن جمَ کونه. ولی کاه و کولوشَ آتشٚ دورون سوجأنه، آتشی کی هیوخت خاموشَ نیبه.»
عیسی تعمید
۱۳ او وخت عیسی، جلیلٚ جأ بمو اُردُنٚ روخان کی یحیی دسٚ اَمرأ تعمید بیگیره. ۱۴ ولی یحیی سعی بوکوده کی اونٚ جولُویَ بیگیره و عیسایَ بوگفته: «من وأستی تی دسٚ اَمرأ تعمید بیگیرم. هسأ تو می ورجأ بمویی؟»
۱۵ عیسی بفرمأسته: «وهل هَه زمانٚ میأن اَطو ببه، چونکی خُبه کی اَطویی خودا شریعتَ به جا بأوریم.» بأزین یحیی قوبیل بوکوده. ۱۶ وختی عیسی تعمید بیگیفته و آبٚ جأ بیرون بمو، هو لحظه آسمان وازَ بوسته و خودا روحَ بیده کی کفترٚ مأنستن نازل بوبوسته و عیسی رو قرار بیگیفته ۱۷ و ایتأ صدا آسمانٚ جأ بمو کی: «اَنه می جانٚ دیلٚ پسر کی اونٚ جأ راضی‌یم.»
Currently Selected:
متّی ۳: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media