ایوب ۴۱
۴۱
۱ «تأنی ‹لِویاتانَ›#۴۱:۱ افسانه‌یأنٚ میأن بمو کی لِویاتان ایتأ هیولا بو، پیله پیچ واپیچٚ لأنتی مأنستن، کی دریا دورون زندگی کودی و سمبلٚ خرابَ کودن و هرج و مرج بو. قولابٚ اَمرأ بوجور فأکشی،
یا تأنی اونٚ زوانَ لافندٚ اَمرأ دٚوٚدی؟
۲ تأنی اونٚ دوماغٚ سولاخٚ دورون لافند تأودی،
یا تأنی اونٚ مچه‌یَ قولابٚ اَمرأ سولاخَ کونی؟
۳ ترَ ایتأ عالمه ایلتماس کونه،
یا تی اَمرأ آرام گب زنه؟
۴ تی اَمرأ عهد دٚوٚده
کی اونَ تا آخرٚ زمأت تی برده بوکونی؟
۵ تأنی اونٚ اَمرأ پرنده مأنستن بازی بوکونی؟
یا تأنی اونَ لافندٚ اَمرأ دٚوٚدی، فأدی تی دُخترأنَ؟
۶ فروشنده‌یأن اونٚ سر چانه زنیدی،
یا اونَ تاجرأنٚ میأن سأم کونیدی؟
۷ تأنی اونٚ پوستَ زوبینٚ اَمرأ پورَ کونی،
یا اونٚ سرَ مالایأنٚ نیزه‌یأنٚ مره؟
۸ اگه تی دسَ اونٚ رو بنی،
جنگی کی برپا به، تی خأطر مأنه و دِه اَ کارَ نوکونی!
۹ اومیدٚ اَنکی اونَ پیروزَ بی، بیخوده؛
اینسأن حتی اونٚ دِئنٚ جأ زیمینٚ سر کفه.
۱۰ هیکس دیل و جرأتٚ اَنه نأره کی اونَ انتریکَ کونه؛
پس کیسه کی بتأنه می جُلُو بِئسه؟
۱۱ کیسه کی اوّل مرَ ایچی فأدَه‌بی کی وأستی اونَ وأگردأنم؟
هرچی کی آسمانٚ جیر نهَه می شینه.
۱۲ «درباره‌یٚ اونٚ عوصم و اعضا ساکیت نِیسم،
و هَطویم اونٚ پیله زور و قوّت و خوشگلٚ هیکل.
۱۳ کیسه کی بتأنه اونٚ بیرونی جنگی لیباسأنَ#۴۱:۱۳ جنگی لیباسأنٚ منظور مأیی پولوک ایسه اونٚ تن جأ بیرون بأوره؟
کیسه کی بتأنه اونٚ پوستَ کی زِره‌یٚ دو لایه‌یَ مأنه، سولاخَ کونه؟
۱۴ کیسه کی بتأنه اونٚ دَهنٚ دروازه‌یَ وازَ کونه،
کی وحشتناکٚ گازأنٚ اَمرأ پوره؟
۱۵ اونٚ پوشتٚ پولوکأن، تَتَرَج سپرأنٚ مأنیدی
کی سفت همدیگرَ دٚوٚسته بوبوستید، هوطو کی مهر اوشأنَ بوخورده.
۱۶ هر کودام، اَنقده همدیگرَ نزدیکیدی
کی هوا اوشأنٚ میأنٚ جأ نتأنه دوأره.
۱۷ اوشأن سخت همدیگرَ بچسبستیدی،
و اَنقده همدیگرَ بیگیفتیدی کی سیوأ بوستنی نی‌ییدی.
۱۸ اونٚ صبر زِئنٚ جأ نور دتأوه،
و اونٚ چومأن صُبٚ دمٚ پلکأنَ مأنه.
۱۹ اونٚ دَهنٚ جأ شُواله‌یأن بیرون اَیه،
و آتشٚ جرقه‌یأن بیرون جهه.
۲۰ اونٚ دوماغ خوله جأ دود ویریزه،
تیانٚ مأنستن کی جوش کونه و کاه و کولوش کی شواله دأره.
۲۱ اونٚ نٚفٚسٚ جأ زوغال آتش گیره
و اونٚ دَهنٚ جأ شواله ویریزه.
۲۲ اونٚ گردن پور جٚه زور و قوّت ایسه،
و هیبت اونٚ جُلُو واز و ولنگی کونه.
۲۳ اونٚ جانٚ گوشت طبق طبق همدیگرَ بچسبسته دره،
قورص اونٚ جانٚ رو بینیشته و تکان نوخوره.
۲۴ اونٚ دیل سنگٚ مأنستن سخته،
او سختٚ سنگَ مأنه کی آسیابٚ جیر نهَه.
۲۵ وختی ویریزه، قودرتمندأنٚ جان ترسٚ جأ پرکِه،
و اونٚ پیله جومبستنٚ اَمرأ گور گیجه گیریدی
۲۶ اگه شمشیر اونَ فأرسه، اونَ اثر نوکونه
و نه نیزه و نه تیر و نه زوبین.
۲۷ آهین اونٚ رِه کاهَ مأنه،
و برنز اونٚ رِه بوبوخوسته چوبَ مأنه.
۲۸ تیرأن نتأنید اونَ فراری بدید،
و رزینکا سنگ اونٚ ورجأ کولوشٚ مأنستن به.
۲۹ چوماقَ کولوش بحیساب اَوره،
نیزه زوزه کشئنٚ رِه خنده دشکنه.
۳۰ اونٚ شکم بشکفته سفالٚ مأنستن تیجه،
دندانه‌دارٚ خرمنکوبٚ مأنستن گیلٚ سر پا ماله نهه.
۳۱ جولفٚ جاجیگایأنَ تیانٚ مأنستن جوش اَوره،
و دریایَ عطارأنٚ ظرفٚ مأنستن اورشینه.
۳۲ خو دونبألسر ایتأ نورانی پاماله به جا نهِه،
جوری کی دریا جولفٚ جاجیگایأن، کخٚ وأسی سیفیدٚ مویَ مأنه.
۳۳ زیمینٚ سر هیچی اونٚ مأنستن نِیسه،
جانوری کی ترسَ نشنأسه.
۳۴ هرچی‌یَ کی پیله‌دأنه‌یه، بوجورٚ جأ فندره
و تومامٚ مغرورٚ جانورأنٚ پادشایه.»
Currently Selected:
ایوب ۴۱: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
ایوب ۴۱
۴۱
۱ «تأنی ‹لِویاتانَ›#۴۱:۱ افسانه‌یأنٚ میأن بمو کی لِویاتان ایتأ هیولا بو، پیله پیچ واپیچٚ لأنتی مأنستن، کی دریا دورون زندگی کودی و سمبلٚ خرابَ کودن و هرج و مرج بو. قولابٚ اَمرأ بوجور فأکشی،
یا تأنی اونٚ زوانَ لافندٚ اَمرأ دٚوٚدی؟
۲ تأنی اونٚ دوماغٚ سولاخٚ دورون لافند تأودی،
یا تأنی اونٚ مچه‌یَ قولابٚ اَمرأ سولاخَ کونی؟
۳ ترَ ایتأ عالمه ایلتماس کونه،
یا تی اَمرأ آرام گب زنه؟
۴ تی اَمرأ عهد دٚوٚده
کی اونَ تا آخرٚ زمأت تی برده بوکونی؟
۵ تأنی اونٚ اَمرأ پرنده مأنستن بازی بوکونی؟
یا تأنی اونَ لافندٚ اَمرأ دٚوٚدی، فأدی تی دُخترأنَ؟
۶ فروشنده‌یأن اونٚ سر چانه زنیدی،
یا اونَ تاجرأنٚ میأن سأم کونیدی؟
۷ تأنی اونٚ پوستَ زوبینٚ اَمرأ پورَ کونی،
یا اونٚ سرَ مالایأنٚ نیزه‌یأنٚ مره؟
۸ اگه تی دسَ اونٚ رو بنی،
جنگی کی برپا به، تی خأطر مأنه و دِه اَ کارَ نوکونی!
۹ اومیدٚ اَنکی اونَ پیروزَ بی، بیخوده؛
اینسأن حتی اونٚ دِئنٚ جأ زیمینٚ سر کفه.
۱۰ هیکس دیل و جرأتٚ اَنه نأره کی اونَ انتریکَ کونه؛
پس کیسه کی بتأنه می جُلُو بِئسه؟
۱۱ کیسه کی اوّل مرَ ایچی فأدَه‌بی کی وأستی اونَ وأگردأنم؟
هرچی کی آسمانٚ جیر نهَه می شینه.
۱۲ «درباره‌یٚ اونٚ عوصم و اعضا ساکیت نِیسم،
و هَطویم اونٚ پیله زور و قوّت و خوشگلٚ هیکل.
۱۳ کیسه کی بتأنه اونٚ بیرونی جنگی لیباسأنَ#۴۱:۱۳ جنگی لیباسأنٚ منظور مأیی پولوک ایسه اونٚ تن جأ بیرون بأوره؟
کیسه کی بتأنه اونٚ پوستَ کی زِره‌یٚ دو لایه‌یَ مأنه، سولاخَ کونه؟
۱۴ کیسه کی بتأنه اونٚ دَهنٚ دروازه‌یَ وازَ کونه،
کی وحشتناکٚ گازأنٚ اَمرأ پوره؟
۱۵ اونٚ پوشتٚ پولوکأن، تَتَرَج سپرأنٚ مأنیدی
کی سفت همدیگرَ دٚوٚسته بوبوستید، هوطو کی مهر اوشأنَ بوخورده.
۱۶ هر کودام، اَنقده همدیگرَ نزدیکیدی
کی هوا اوشأنٚ میأنٚ جأ نتأنه دوأره.
۱۷ اوشأن سخت همدیگرَ بچسبستیدی،
و اَنقده همدیگرَ بیگیفتیدی کی سیوأ بوستنی نی‌ییدی.
۱۸ اونٚ صبر زِئنٚ جأ نور دتأوه،
و اونٚ چومأن صُبٚ دمٚ پلکأنَ مأنه.
۱۹ اونٚ دَهنٚ جأ شُواله‌یأن بیرون اَیه،
و آتشٚ جرقه‌یأن بیرون جهه.
۲۰ اونٚ دوماغ خوله جأ دود ویریزه،
تیانٚ مأنستن کی جوش کونه و کاه و کولوش کی شواله دأره.
۲۱ اونٚ نٚفٚسٚ جأ زوغال آتش گیره
و اونٚ دَهنٚ جأ شواله ویریزه.
۲۲ اونٚ گردن پور جٚه زور و قوّت ایسه،
و هیبت اونٚ جُلُو واز و ولنگی کونه.
۲۳ اونٚ جانٚ گوشت طبق طبق همدیگرَ بچسبسته دره،
قورص اونٚ جانٚ رو بینیشته و تکان نوخوره.
۲۴ اونٚ دیل سنگٚ مأنستن سخته،
او سختٚ سنگَ مأنه کی آسیابٚ جیر نهَه.
۲۵ وختی ویریزه، قودرتمندأنٚ جان ترسٚ جأ پرکِه،
و اونٚ پیله جومبستنٚ اَمرأ گور گیجه گیریدی
۲۶ اگه شمشیر اونَ فأرسه، اونَ اثر نوکونه
و نه نیزه و نه تیر و نه زوبین.
۲۷ آهین اونٚ رِه کاهَ مأنه،
و برنز اونٚ رِه بوبوخوسته چوبَ مأنه.
۲۸ تیرأن نتأنید اونَ فراری بدید،
و رزینکا سنگ اونٚ ورجأ کولوشٚ مأنستن به.
۲۹ چوماقَ کولوش بحیساب اَوره،
نیزه زوزه کشئنٚ رِه خنده دشکنه.
۳۰ اونٚ شکم بشکفته سفالٚ مأنستن تیجه،
دندانه‌دارٚ خرمنکوبٚ مأنستن گیلٚ سر پا ماله نهه.
۳۱ جولفٚ جاجیگایأنَ تیانٚ مأنستن جوش اَوره،
و دریایَ عطارأنٚ ظرفٚ مأنستن اورشینه.
۳۲ خو دونبألسر ایتأ نورانی پاماله به جا نهِه،
جوری کی دریا جولفٚ جاجیگایأن، کخٚ وأسی سیفیدٚ مویَ مأنه.
۳۳ زیمینٚ سر هیچی اونٚ مأنستن نِیسه،
جانوری کی ترسَ نشنأسه.
۳۴ هرچی‌یَ کی پیله‌دأنه‌یه، بوجورٚ جأ فندره
و تومامٚ مغرورٚ جانورأنٚ پادشایه.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media