ایوب ۴۲
۴۲
ایوبٚ توبه
۱ بأزین ایوب وأگردسته خوداوندَ بوگفته:
۲ «دأنم کی هر کاری تی دسٚ جأ بر اَیه،
و هیچی نتأنه تی نقشه‌یأنٚ جولُویَ بیگیره.
۳ بفرمأستی: ‹اَن کیسه کی بی‌معرفت
می نقشه‌یأنَ قایمَ کونه؟›
دوروسته، من جٚه اونچی کی مرَ حألی نوبو گب بزم،
جٚه چیزأنی کی می عقلٚ جأ بوجورتر بو و نأنستیم.
۴ «بفرمأستی: ‹گوش بدن تا گب بزنم.
تی جأ وأورسم، مرَ جواب بدن.›
۵ می گوش تی جأ بیشنأوسته‌بو،
هسأ دِه می چومأن ترَ دینه.
۶ هَن وأسی خودمٚ جأ مرَ بد اَیه،
و خاک وخولٚ دورون توبه کونم.»
ایوب خو رِفِقأنٚ رِه شفاعت کونه
۷ بعدٚ اَنکی خوداوند اَ گبأنَ ایوبَ بوگفته، وأگردسته اِلیفازٚ تیمانی‌یَ بفرمأسته: «تی جأ و تی دوتأ رِفِقٚ جأ می خشم و غیظ ویریشته دره، چره کی می جأ دوروست گب نزه‌ییدی هوطو کی می ختمتگوزار، ایوب می جأ گب بزه.
۸ «پس هسأ هفتأ مأنده و هفتأ قوچ خودتأنٚ رِه اوسأنید و بیشید می ختمتگوزار، ایوبٚ ورجأ و خودتأنٚ رِه قوربانی بوسوجأنید. بأزین می ختمتگوزار، ایوب شِمرِه دوعا کونه، و من اونٚ دوعایَ ایجابت کونم و شیمی اَمرأ شیمی حماقت موافق رفتار نوکونم، با اَنکی می جأ دوروست گب نزه‌ییدی هوطو کی می ختمتگوزار، ایوب می جأ گب بزه.»
۹ بأزین اِلیفازٚ تیمانی و بِلدَدٚ شوحی و صوفَرٚ نَعَماتی بوشوییدی و اونچی‌یَ کی خوداوند بوگفته‌بو انجام بدَه‌ییدی و خوداوند ایوبٚ دوعایَ ایجابت بوکود.
خوداوند ایوبَ برکت دهه
۱۰ وختی ایوب خو رِفِقأنٚ رِه دوعا بوکوده، خوداوند، خوروم روزأنَ اونٚ رِه وأگردأنه و دو برابرٚ ویشتر جٚه او چیزأنی کی ایوب دأشتی اونَ ببخشه.
۱۱ و تومامٚ اون برأرأن و خأخورأن و اونٚ قدیمٚ رِفِقأن اونٚ ورجأ بمویید و اونٚ خانه دورون اونٚ اَمرأ بوخوردید. اوشأن، جٚه خأطرٚ تومامٚ او بدبختی‌یأنی کی خودا اونٚ سر بأورده‌بو اونٚ اَمرأ همدیلی بوکودید و اونَ آرامَ کودید و هر کودام، ایتأ سکه نقره و ایتأ حلقه طلا اونَ فأدَه‌ییدی.
۱۲ خوداوند، ایوبٚ آخرٚ عمری ویشتر جٚه اونٚ اوّلی روزأن برکت فأدَه. ایوب صابٚ چارده هیزارتأ گوسفند، شیش هیزارتأ شوتور، هیزارتأ جوفت گاب، و هیزارتأ ماده اولاغ بوبوسته ۱۳ و هَطویم صابٚ هفتأ پسر و سه‌تأ دُختر. ۱۴ اوّلی دُخترَ «یِمیمه»، دوّمی‌یَ «قِصیعَه»، و سومی‌یَ «قِرِن‌هَفّوک» نام بنَه.
۱۵ سرتاسرٚ او سرزیمینٚ دورون ایوبٚ دُخترأنٚ مأنستن خوشگلٚ کورأن پیدا نوبوستیدی، و اوشأنٚ پئرم هر چی کی خو پسرأنٚ میأن ارث و میراث توخس بوکوده، هوطویم خو دُخترأنَ فأدَه.
۱۶ بأزین ایوب صد و چهل سال عمر بوکوده؛ خو نوه‌یأن و خو نبیره‌یأنَ تا چار پوشت بیده ۱۷ و وختی بمرده، پیر و سِئر بو.
Currently Selected:
ایوب ۴۲: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
ایوب ۴۲
۴۲
ایوبٚ توبه
۱ بأزین ایوب وأگردسته خوداوندَ بوگفته:
۲ «دأنم کی هر کاری تی دسٚ جأ بر اَیه،
و هیچی نتأنه تی نقشه‌یأنٚ جولُویَ بیگیره.
۳ بفرمأستی: ‹اَن کیسه کی بی‌معرفت
می نقشه‌یأنَ قایمَ کونه؟›
دوروسته، من جٚه اونچی کی مرَ حألی نوبو گب بزم،
جٚه چیزأنی کی می عقلٚ جأ بوجورتر بو و نأنستیم.
۴ «بفرمأستی: ‹گوش بدن تا گب بزنم.
تی جأ وأورسم، مرَ جواب بدن.›
۵ می گوش تی جأ بیشنأوسته‌بو،
هسأ دِه می چومأن ترَ دینه.
۶ هَن وأسی خودمٚ جأ مرَ بد اَیه،
و خاک وخولٚ دورون توبه کونم.»
ایوب خو رِفِقأنٚ رِه شفاعت کونه
۷ بعدٚ اَنکی خوداوند اَ گبأنَ ایوبَ بوگفته، وأگردسته اِلیفازٚ تیمانی‌یَ بفرمأسته: «تی جأ و تی دوتأ رِفِقٚ جأ می خشم و غیظ ویریشته دره، چره کی می جأ دوروست گب نزه‌ییدی هوطو کی می ختمتگوزار، ایوب می جأ گب بزه.
۸ «پس هسأ هفتأ مأنده و هفتأ قوچ خودتأنٚ رِه اوسأنید و بیشید می ختمتگوزار، ایوبٚ ورجأ و خودتأنٚ رِه قوربانی بوسوجأنید. بأزین می ختمتگوزار، ایوب شِمرِه دوعا کونه، و من اونٚ دوعایَ ایجابت کونم و شیمی اَمرأ شیمی حماقت موافق رفتار نوکونم، با اَنکی می جأ دوروست گب نزه‌ییدی هوطو کی می ختمتگوزار، ایوب می جأ گب بزه.»
۹ بأزین اِلیفازٚ تیمانی و بِلدَدٚ شوحی و صوفَرٚ نَعَماتی بوشوییدی و اونچی‌یَ کی خوداوند بوگفته‌بو انجام بدَه‌ییدی و خوداوند ایوبٚ دوعایَ ایجابت بوکود.
خوداوند ایوبَ برکت دهه
۱۰ وختی ایوب خو رِفِقأنٚ رِه دوعا بوکوده، خوداوند، خوروم روزأنَ اونٚ رِه وأگردأنه و دو برابرٚ ویشتر جٚه او چیزأنی کی ایوب دأشتی اونَ ببخشه.
۱۱ و تومامٚ اون برأرأن و خأخورأن و اونٚ قدیمٚ رِفِقأن اونٚ ورجأ بمویید و اونٚ خانه دورون اونٚ اَمرأ بوخوردید. اوشأن، جٚه خأطرٚ تومامٚ او بدبختی‌یأنی کی خودا اونٚ سر بأورده‌بو اونٚ اَمرأ همدیلی بوکودید و اونَ آرامَ کودید و هر کودام، ایتأ سکه نقره و ایتأ حلقه طلا اونَ فأدَه‌ییدی.
۱۲ خوداوند، ایوبٚ آخرٚ عمری ویشتر جٚه اونٚ اوّلی روزأن برکت فأدَه. ایوب صابٚ چارده هیزارتأ گوسفند، شیش هیزارتأ شوتور، هیزارتأ جوفت گاب، و هیزارتأ ماده اولاغ بوبوسته ۱۳ و هَطویم صابٚ هفتأ پسر و سه‌تأ دُختر. ۱۴ اوّلی دُخترَ «یِمیمه»، دوّمی‌یَ «قِصیعَه»، و سومی‌یَ «قِرِن‌هَفّوک» نام بنَه.
۱۵ سرتاسرٚ او سرزیمینٚ دورون ایوبٚ دُخترأنٚ مأنستن خوشگلٚ کورأن پیدا نوبوستیدی، و اوشأنٚ پئرم هر چی کی خو پسرأنٚ میأن ارث و میراث توخس بوکوده، هوطویم خو دُخترأنَ فأدَه.
۱۶ بأزین ایوب صد و چهل سال عمر بوکوده؛ خو نوه‌یأن و خو نبیره‌یأنَ تا چار پوشت بیده ۱۷ و وختی بمرده، پیر و سِئر بو.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media