SOERA NEHEMIA FAZA 12.
FAZA 12.
I. Tõi gere ba tõi Nono Lewi, si no mangawoeli. II. Laʼamoniʼõ gõli mbanoea. III. Aoha gõlõra wameʼe balazo gere andrõ.
1I. Ba daʼe dõi gere ba tõi Nono Lewi, si no fao chõ ndra Seroebabeli, ono Zelatiëli, Jesoea, moroi si tooe: Seraja ba Jeremia ba Esera, (Eser. 2, 2), 2ba Amaria ba Maloechi ba Hatoesi 3ba Sechania ba Rehoemi ba Meremoto, 4ba Ido ba Ginitoi ba Abia, (Loek. 1, 5), 5ba Mijamini ba Maʼadia ba Biliga 6ba Semaja ba Jojaribi ba Jedaja 7ba Sáloe ba Amoki ba Hilikia ba Jedaja; daʼõ hõgõ gere ba hõgõ dalifoesõra, ba gõtõ Jesoea andrõ. 8Ba Ono Lewi, ba Jesoea ba Binoei ba Kadimiëli ba Serebia ba Joeda ba Matania andrõ, satoea ba wanoenõ fangandrõ saoha gõlõ, awõ ndra talifoesõnia; 9ba Bakiboeki ba Oeni, talifoesõra, ba gamaoedoera, ngenoli samalamalali. 10Ba ono Jesoea, ba Jojaki, ba ono Jojaki, ba Eliasibi, ba ono Geliasibi, ba Jojada, (A. 1. 26. F. 3, 1. 20), 11ba ono Jojada, ba Jonata, ba ono Jonata, ba Jadoea. 12Ba me loeo Jojaki, ba daʼe hõgõ ngafōē ba gere: Salahi Zeraja Merari ba salahi Jeremia Hanania, 13ba salahi Gesera Mesoela ba salahi Gamaria Johanano, 14ba salahi Maloechi Jonata ba salahi Zebania Josefo, 15ba salahi Harimi Gadena, ba salahi Merajoti Helikai, 16ba salahi Ido Zacharia ba salahi Ginitono Mesoela, 17ba salahi Gabia Zichiri, ba so gõi zalahi Minijami, ba salahi Moadia Wilitaʼi, 18ba salahi Mbiliga Zamoea ba salahi Zemaja Jonata, 19ba salahi Jojaribi Matanai ba salahi Jedaja Oesi, 20ba salahi Zalai Galai ba salahi Gamoki Geberi 21ba salahi Hilikia Hasabia ba salahi Jedaja Netaneʼeli. 22Ba Ono Lewi: Ba gõtõ ndra Eliasibi, Jojada, Johanano, Jadoea tetanõ ba zoera hõgõ ngafōē ba ere, iroegi razo Dario andrõ, razo Ndrawa Weresia. (A. 10. 11). 23Hõgõ ngafōē, maʼoewoe Lewi nitanõ ba zoera hikaja, iroegi gõtõ Johanano, maʼoewoe Geliasibi. 24Ba hõgõ Nono Lewi, ba Hasabia ba Serebia ba Jesoea ba Bani ba Kadimiëli ba talifoesõra, ba gamaoedoera, ba wanoenõ, fanoenõ fangandrõ saoha gõlõ, dali nifachoi Dawido, enoni Lowalangi, wa mamalamalali ngenoli andrõ: (Ngaʼõt. I. 27, 17, Ngaʼõt. I. 25. Ngaʼõt. II. 29, 25). 25Matania ba Bakiboekia ba Obadia ba Mesoela. Ba sanaro ba mbawandroehõ Dalamono ba Akoebi, sanaro ba mbateʼe girõgirõ andrõ, ba mbawandroehõ. (F. 11, 17, 19. Ngaʼõt. II. 8, 14. Ngaʼõt. I. 26, 15. 17). 26Daʼõ [hõgõ ngafōē] ba gõtõ Jojaki, ono Jesoea ono Josadaki, ba ba gõtõ ndra Nehemia koemandroe Esera ere sangila amachoita. (A. 10. Ngaʼõt. I. 5, 40. 41. F. 5, 14. Eser. 7, 1—6).
27II. Ba ba weʼamoniʼõ õli mbanoea Jeroezalema, ba lafakaoniʼõ Nono Lewi, ladozigõ banoea si so ira, enaʼõ mõi ira ba Jeroezalema, enaʼõ owoeawoea dõdõra ba enaʼõ mangandrõ saoha gõlõ ira, ba weʼamoniʼõ andrõ, wolaoe fanoenõ ba famõzi faritia ba folaoe biola nitika, seboea ba sideʼide. 28Ba owoelo ngenoli zanoenõ andrõ, he õri Jeroezalema, ba õri Netófa, (Raz. II. 25, 23), 29ba he banoea Mbeti Giligala ba banoea Geba ba banoea Asimaweti; noa sa ba zi tefasoei Jeroezalema labeʼe zi no amaedola halama soja chõra sanoenõ andrõ. 30Ba lahaogõ ira ere ba Ono Lewi ba he niha sato, ba bawa gõli ba õli, ba lahaogõ. 31Ba oew̃aʼõ mõi ba gõli jaw̃a zatoea mado Joeda, ba oefaʼaso zangandrõ saoha gõlõ, doea mbawá seboea, doea ngenoli: Si sambawá sangandrõ saoha gõlõ, ba lasaw̃a gambõlõ, mbawa gõli golawoea, tete gõli lala, (F. 2, 13; 3, 13), 32ba soloʼõ moroi foeri Hosaja ba si matonga zatoea mado Joeda, 33ba Asaria ba Esera ba Mesoela, 34mado Joeda ba mado Mbenijami ba Semaja ba Jeremia, ba ere õsa, 35si so torofe, ba Sacharia, ono Jonata ono Zemaja ono Matania ono Michaja ono Zatoeroe ono Gasafo; 36ba talifoesõnia: Semaja ba Asareʼeli ba Milalai ba Gilalai ba Maʼai ba Netaneʼeli ba Joeda ba Hanani, solohe nifolī andrõ, chõ Dawido, enoni Lowalangi; ba fõna so Gesera sangila amachoita. (Ngaʼõt. I. 23, 5). 37Ba lasaw̃a mbawa gõli ba goemboe, ba ladõlõ ira mijaw̃a, latõro nibosi andrõ, ba mbanoea Dawido, ba zanõsõ ba gõli, jaw̃a gõdo Dawido, ba laroegi mbawa gõli ba nidanõ tánõ ba gatoemboecha loeo. (F. 3, 26). 38Ba si sambawá sangandrõ saoha gõlõ, ba ba gabera lasaw̃a, ba jaʼodo zoloʼõ daʼõ, awõ zi matonga zato, ba dete gõli, matõrõ malige ”danoeri” andrõ, maroegi gõli saweʼeweʼe andrõ, (F. 3, 11), 39ba matõrõ mbawa gõli ba mado Geferaji ba bawa gõli ba mbanoea satoea ba bawa gõli giʼa ba malige Hananeʼeli ba malige Mea, ba maroegi mbawa gõli mbiribiri, ba laʼiagõ zinga mbawa gõli ba goeroenga. 40Ba tobali ba ngai gosali Lowalangi so zangandrõ saoha gõlõ andrõ, si doea mbawá, ba so gõi ndraʼo ba si matonga zatoea, awõgoe, 41ba ere andrõ Eliaki ba Maʼaseja ba Miniami ba Michaja ba Elioënai ba Sacharia ba Hanania, si so torofe, 42ba Maʼaseja ba Semaja ba Eleazari ba Oesi ba Johanano ba Malachia ba Elama ba Ezeri. Ba manoenõ zanoenõ andrõ, ba Jiseraja zatoeara. 43Ba soemange seboea labeʼe, me loeo daʼõ, ba omoeso dõdõra, me no ibeʼe chõra waʼomoeso dõdõ seboea Lowalangi, ba he ira alawe ba iraono, ba no somoeso tõdõ, ba tobali arõoe misa terongo waʼomoeso dõdõ Jeroezalema.
44III. Ba me loeo daʼõ, ba tefataro zamaigimaigi ba mbateʼe andrõ, ba nibeʼe boeala andrõ, saoha gõlõ, si aʼa hadia ia ba si samboesamboea niʼofoeloe, ba nihõna jaʼia, enaʼõ ba daʼõ laʼowoeloi mbalazo gere ba balazo Nono Lewi, ameʼela mbanoea misa, boea nowi; noa sa omoeso dõdõ mado Joeda gere andrõ ba Ono Lewi, sangaingai halõw̃õ. (Ngaʼõt. I. 25. F. 10, 37; 13, 5). 45Famosoemange Lowalangira halõw̃õ daʼõ ba fangehangehao andrõ. Ba sanoenõ andrõ ba sanaro ba mbawandroehõ, ba laʼoʼõ nifachoi ndra Dawido ononia Selomo. 46Noa sa ba gõtõ fõna saʼae ba gõtõ ndra Dawido Asafo hõgõ zanoenõ, ba so wanoenõ ba fangandrõ saoha gõlõ, chõ Lowalangi. 47Ba dozi Iraono Gizeraëli, ba gõtõ Zeroebabeli ba ba gõtõ Nehemia, ba labeʼe mbobotolõ andrõ, balazo zanoenõ ba balazo zanaro ba mbawandroehõ, ndrohoendrohoe mbalazora maʼṍchõ; ba danga Nono Lewi labeʼe gameʼela niʼamoniʼõ andrõ, ba Ono Lewi zameʼe ba maʼoewoe Gaʼaroni ameʼela niʼamoniʼõ. (F. 10, 39. Moz. IV. 18, 26).
Currently Selected:
SOERA NEHEMIA FAZA 12.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.