MATAIO FAZA 23.
FAZA 23.
I. Itegoe warizaio Jesoe. II. Iʼeʼesi mbanoea Jeroezalema andrõ.
(A. 23, 1—14: Mar. 12, 38—40: Loek. 20, 45—47)
1I. Ba hoemede Jesoe ba niha sato ba chõ ndra nifahaõnia, imane: 2Ba dadaoma Moze doemadao zangila amachoita andrõ ba farizaio. 3Ba fefoe hadia ia, niw̃aʼõra chõmi, ba miʼoʼõ, bõi misawõ, ba bõi miʼoʼõ ba mboeaboeara; law̃aʼõwaʼõ sa, ba lõ latõrõ. (Rom. 2, 21). 4Ba labõbõ noro saboea ba lahareʼõ ba galisi niha, ba jaʼira, ba sara toeroera lõ labeʼe, ba wamaliw̃a jaʼia. (Loek. 11, 46). 5Afoeʼafoera laʼila ira niha, andrõ lalaoe fefoe nilaoera andrõ. Laʼeboloʼõ sa zoera wangerangera andrõ chõra, ba laʼeboeaʼõ mbowobowo mbaroera andrõ. (F. 6, 1. 2. Moz. IV. 15, 38. Moz. V. 6, 8). 6Ba no omasi ira naha tánõ si jaw̃a ba gowoeloa ba dadaoma tánõ si jaw̃a ba zekola; (Loek. 11, 43) 7ba omasi ira na laʼowai ira ba kade, ba na labeʼe tõira zamahaõ niha tánõ bõʼõ. 8Ba bõi ndramoebeʼe tõimi zamahaõ, ha sa samõsa zamahaõ jaʼami, ba si fatalifoesõ ami fefoe. 9Ba bõi faʼama ami ba niha ba goeli danõ, ha sa samõsa Namami, si so ba zoroego. 10Ba bõi ndramaoebeʼe tõimi zolohe, me ha samõsa zolohe jaʼami, Keriso. 11Enonimi zeboeami. (F. 20, 26, 27). 12Ba samaliʼõ salaw̃a jaʼia, ba niʼideʼideʼõ dania, ba sangideʼideʼõ jaʼia, ba nibaliʼõ salaw̃a. (F. 18, 4. Loek. 14, 11; 18, 14. Amaed. 29, 23; Fet. I. 5, 5). 13Ba alai ami, sangila amachoita, ba farizaio, samini tõdõ! me mikoesi mbanoea zoroego andrõ fõna niha; lõʼõ sa mõi ami bacha, ba lõ mifaʼamõi bacha zi mõi enaʼṍ. (Loek. 11, 52). 14Alai ami, sangila amachoita ba farizaio, samini tõdõ! me no si manga nomo lacha mbanoea ami, ba me miʼoromaʼõ wangandrõ sarā; andrõ tedooe hoekoe, nifatõrõ chõmi. 15Alai ami, sangila amachoita ba farizaio, samini tõdõ! me no sanõrõi asi, awõ danõ, ami, ba wamaliʼõ soloʼõ hoekoe chõmi samõsa niha, ba na no iʼoʼõ, ba mibaliʼõ ono narako, mendroea manõ na sa moroi chõmi. 16Alai ami, solohe tanga niha bõʼõ, ba no aoeʼa ami, sangoemaʼõ: Na so zameʼe hõloe osali, ba si lõʼõ daʼõ, ba na so zameʼe hõloe anaʼa gosali, ba nitõrõ. 17He sambõ tõdõ, si no aoeʼa! he zeboea ira sa, anaʼa, ba ma osali, sameʼe amonita anaʼa andrõ? 18Ba mimane: Na so zameʼe hõloe naha wameʼe soemange andrõ, ba si lõʼõ daʼõ, ba na so zameʼe hõloe soemange andrõ, si so jaw̃a, ba nitõrõ. 19He saoeʼa! he zeboea ira sa, soemange andrõ, ba ma naha wameʼe, sameʼe amonita soemange andrõ? (Moz. II. 29, 37). 20Andrõ, sameʼe hõloe naha wameʼe soemange, ba ibeʼe hõloe daʼõ, fabaja si so jaw̃a fefoe. 21Ba sameʼe hõloe osali, ba ibeʼe hõloe daʼõ, fabaja si onahia osali. (Sal. I. 8, 13). 22Ba sameʼe hõloe soroego, ba ibeʼe hõloe dadaoma Lowalangi fabaja sidadao jaw̃a. (F. 5, 34). 23Alai ami, sangila amachoita ba farizaio, samini tõdõ! me mibeʼe zamboea niʼofoeloe lõnga ba hõwa ba lada, ba no olifoe ami zeboea goroisa, fangoehoekoe ba faʼahachõ dõdõ ba fa lõ farõi; niʼoʼõ zi sambalõ, ba tenga gõi niʼositengagõ zi sambalõ. (Loek. 11, 42). 24He solohe tanga niha, si no aoeʼa, mitafiʼõ nibadoe, ba wameta di, ba mitõlõ koedo. 25Alai ami, sangila amachoita ba farizaio, samini tõdõ! me mihaogõ gero mako ba ero wiga, ba jaw̃a, ba no fahõna waraboe ba foloeʼaloeʼa. (Loek. 11, 39 b. t.). 26He farizaio saoeʼa! ofõnaiʼõ wangehao jaw̃a, mako, enaʼõ sõchi gõi geronia. (Tit. 1, 15). 27Alai ami, sangila amachoita ba farizaio, samini tõdõ, me no hoelõ lewatõ nilaoe betoea ami, si sõchi sa moroi baero, wamaigida, ba bacha, ba no fahõna dõla zi mate, awõ fefoe hadia ia zi taʼoenõ. (Loek. 11, 44). 28Si manõ gõi ami, niha satoelõ ami, wamaigida, moroi baero, ba bacha, ba no fahõna wamini tõdõ ba fa lõ atoelõ. 29Alai ami, sangila amachoita ba farizaio, samini tõdõ! me miʼaʼazõchi lewatõ zamaʼeleʼõ andrõ, ba me mihaogõ dandra lewatõ zatoelõ, (Loek. 11, 47. 48), 30ba me mimane: Na jaʼaga menaʼõ ba gõtõ ndra toeada, ba lõ fao ndraʼaga chõra, ba wamoenoe samaʼeleʼõ andrõ. 31Tobali mifadoehoeʼõ dõdõ niha bõʼõ chõmi, wa no maʼoewoe zamoenoe samaʼeleʼõ andrõ ami. (Hal. zin. 7, 52). 32Ba mifõnoei zoeʼasoeʼa andrõ chõ ndra toeami. (Tes. I. 2, 16). 33He oelõ, ono goelõ! he miwisa wangefaʼõ jaʼami ba wangoehoekoe andrõ, ba narako? (Mat. 3, 7).
(A. 23, 34—36: Loek. 11, 49—51)
34II. Andrõ, hiza, oefatenge chõmi zamaʼeleʼõ ba satoeatoea ba sangila amachoita, ba so dania ba miboenoe, miforõfa, ba so, ba mibõzibõzi ba zekola chõmi ba migohi, iʼotarai mbanoea si samboea, noemalõ ba zi samboea, (F. 10, 17), 35enaʼõ mõi ba hoeloemi fefoe ndro zatoelõ andrõ, nidoewagõ ba goeli danõ, iʼotarai ndro Habeli satoelõ andrõ, iroegi ndro Zacharia, ono Mbarachia andrõ, niboenoemi ba gotaloeara gosali naha wameʼe soemange. (Moz. I. 4, 8. Ngaʼõt. II. 24, 20 b. t.). 36Si ndroehoe niw̃aʼõgoe chõmi, tohare dania daʼõ fefoe ba niha si sagõtõ andre.
(A. 23, 37—39: Loek. 13, 34. 35)
37 He Jeroezalema! he Jeroezalema! samoenoe samaʼeleʼõ andrõ, saneboe kara nifatenge chõnia, ha me oega no oetandraigõ mangowoeloi onooe, si mane sifagelo, na iʼowoeloi nononia barõ gafinia, ba lõ sedõna ami. 38Hiza, terõi chõmi nomomi, adoedoe. (F. 24, 2. Sal. I. 9, 7). 39Oew̃aʼõ sa chõmi, lõʼõ saʼae miʼila ndraʼo, iʼotarai daʼe, irege miw̃aʼõ dania: Jaʼahowoe zi so ba dõi Zoʼaja! (F. 21, 9. Joh. 12, 13).
Currently Selected:
MATAIO FAZA 23.: NIA
Highlight
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.