SOERA JOBI FAZA 2.
FAZA 2.
I. Fanandraigõ Jobi zoei: fõchõ; lõ mangiwa dõdõnia. II. Mõi mamaigi jaʼia zi fahoewoe chõnia, si datõloe.
1I. Ba samoeza maʼṍchõ, ba ifoeli momõi nono Lowalangi, ba wangondrasi Jehowa; ba mõi awõra Zatana gõi, ba wangondrasi Jehowa. (F. 1, 6). 2Ba imane Jehowa chõ Zatana: Heza õʼotarai? Itema li Jehowa Satana, imane: Oeʼotarai koemoli, no oetõrõi goeli danõ. 3Ba imane Jehowa chõ Zatana: Hadia, noa gõi õnehegõ genonigoe Jobi andrõ? Lõʼõ sa famaedonia ba goeli danõ, ba waʼatoelõ ba ba waʼadõlõ dõdõ ba ba wangataʼoefi Lowalangi ba ba waʼoedoesa ba zi lõ sõchi. Lõʼõ na nibõhõlinia satoelõ andrõ chõnia, ba no õfarooe ndraʼo, ba wamakao jaʼia, lõ bõrõbõrõ! 4Itema li Jehowa Satana, imane: Oeli zalahi goeli! — ba fefoe hadia ia, ochõta niha, ba iloeloe, asala aoeri ia! 5Ba tema oroʼõ dangaoe, babaja nõsinia, ba lõ zi lõ ikaoni ba mbawaoe, wa iʼerogõ ndraʼoegõ! 6Ba imane Jehowa chõ Zatana: Hiza, ba dangaoe so ia, ba bõi etoeʼõ nosonia! 7Ba mofanõ Zatana, irõi Jehowa, ba ibõzi Jobi bio, iʼotarai narõ kahe, noemalõ ba gagalizoezoe. (Moz. V. 28, 35). 8Ba ihalõ doega lawoe, ba wogaʼagaʼa õsinia, doemadao ia bawoe. (Sam. II. 13, 19. Esit. 4, 3). 9Ba imane chõnia foʼomonia: Hadia, aro zoei na dõdõoe ba zatoelõ andrõ chõoe? Tema efaʼõgõ chõ Lowalangi ba jagõ mate! 10Ba imane chõnia: Fehede zi lõ tõdõ wehedeoe. Si sõchi andrõ, ba no tatema chõ Lowalangi, ba hadia tatimba zi lõ sõchi? Ba daʼõ fefoe, ba lõ horõ mbewe Jobi.
11II. Ba larongo zi fahoewoe chõ Jobi — datõloe ira — fefoe wamakao andrõ, si no gõna ia, ba maoso ira, iʼotarai mbanoea chõra zamõsana: Elifasi, banoea Dema ba Bilidado, banoea Zoea ba Sofari, banoea Naʼama, mamagõlõ ira, ba weʼamõi, ba wangoromaʼõ faʼahachõ dõdõra ba ba wondrara tõdõnia. (Mat. 25, 36. F. 32, 1 b. t.). 12Ba me lafaõga hõrõra, me arõoe na maʼifoe ira, ba lõ laʼila wa jaʼia; ba megeʼege ira, ba lasika noechara, dozi ira, lafazaoemba mijaw̃a gawoegawoe, satoroe ba hõgõra. (Ngen. Jer. 2, 10). 13Ba doemadao ira, awõnia, ba zalo, fitoe ngaloeo ba fitoe mbongi, samõsa lõ sihede chõnia, samboea li lõʼõ, me no laʼila, wa no falawoe waʼafõchõ andrõ chõnia.
Currently Selected:
SOERA JOBI FAZA 2.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.