SOERA JOBI FAZA 26.
FAZA 26.
Fanedema Jobi, fanete zi fõfõna mege: Iboeʼa niw̃aʼõ Mbilidado andrõ ba ifaʼeleʼõ waʼeboea Lowalangi ba fa lõ ambõ waʼabõlõnia.
1 Ba itema linia Jobi, imane:
2”No maoeloe wanolooe si tebai ba fangabeʼeoe taʼio, sambõ faʼabeʼe.
3Waʼasõchi wamolalamõ ba zambõ tõdõ ba famaʼele faʼatoeatoea, si no fahõna!
4Ha chõ õfarongogõ hoehoeo andrõ, ba ha eheha zaloea ba mbeweoe?
5Manizinizi mbechoe tooe nasi, ba tooe zaliw̃aliw̃a bacha.
6Lõ baloebaloe mbanoea tooe, fõnania, ba lõ baʼabaʼa gawoewoecha. (Sin. 139, 8. Amaed. 15, 11. Jer. 5, 22).
7Ibologõ mbanoea si jaw̃a jõoe, jaw̃a zi lõ õsi andrõ, ba no ifanaw̃anaw̃a danõ jaw̃a zi lõʼõ. (Sin. 104, 2).
8Teoe andrõ, ba no iboeʼoegõ ba lawoeo andrõ chõnia, ba lõ asika lawoeo ba waʼaboeania.
9Ibaʼa wamaigi dadaomania, wamologõ lawoeo andrõ chõnia, fõnania.
10No ifachoi nola ba goeli nasi, iroegi ba wabaliw̃ara zi moloeo zi bongi. (Moz. I. 8, 22. Jer. 5, 22. Amaed. 8, 29).
11Mangiwa gehomo mbanoea si jaw̃a ba tokea, na mofõnoe ia.
12Ba waʼabõlõnia ifahoefa nasi, ba ba waʼaboto ba dõdõnia irasa Rachaba andrõ. (F. 9, 13. Jes. 51, 9).
13Ba hanoehanoenia tehoi zalōē mbanoea, ba no ifahõ daloe naga soloiloi andrõ tangania. (Sin. 33, 6).
14Ba hiza, ba ha singasinga nitõrõnia daʼõ, ba hoelõ ha tioetioe li nirongoda chõnia! Ba feʼoegoeʼoegoe waʼabõlõnia si lõ ambõ andrõ, ba ha niha zaboto ba dõdõ!”
Currently Selected:
SOERA JOBI FAZA 26.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.