SOERA GESERA FAZA 10.
FAZA 10.
I. Law̃aʼõ wangehao satoea. II. Lafaboeʼoe niha sato fefoe, laʼefaʼõ ndrongara andrõ, niha baero. III. Lafaloea wangefaʼõ.
1I. Ba me imanõ wangandrõ Esera, me megeʼege ia, wangombacha horõ andrõ, me no ifalõgoe tooe ia ba danõ, ba no ato sibai zowoelo chõnia Iraono Gizeraëli, ira matoea ba ira alawe ba iraono, oi sa segeʼege sibai niha sato [gõi]. 2Ba hoemede Zechania, ono Jehiëli, maʼoewoe Gelama, imane chõ Gesera: No molalõ ndraʼaga chõ Lowalangida, me no mahalõ ndra alawe bõʼõ, ba niha ba danõ; ba so zoei na dõtõnafõ ba Ndraono Gizeraëli, ba daʼõ. 3Ba datafaboeʼoe chõ Lowalangida, tatiboʼõ ndra alawe andrõ fefoe, fabaja onora, dali niw̃aʼõ zochõ jaʼo, awõ niw̃aʼõ zangataʼoefi oroisa Lowalangida andrõ; oroisá niʼoʼõ. 4Faoso, chõoe mangawoeli hoehoeo andrõ, ba matoloʼõ; abeʼeʼõ dõdõoe ba laboe! 5Ba maoso Gesera, ba ibeʼe ba hõloe zatoea gere ba satoea Nono Lewi ba satoea Ndraono Gizeraëli fefoe, ba woloʼõ daʼõ; ba mõi ira ba hõloe. 6Ba mofanõ Gesera, irõi nahania andrõ, fõna gosali Lowalangi, mõi ia ba mbateʼe Johanano andrõ, ono Geliasibi. Ba daʼõ mõrõ ia, lõ manga ia ba lõ ibadoe nidanõ; me no aboe dõdõnia ba horõ zangawoeli andrõ.
7II. Ba lafakaoniʼõ mado Joeda ba banoea Jeroezalema, awõ dozi si no mangawoeli moroi ba niʼoloiʼõ jaʼira mege, enaõ laʼowoeloi ira ba Jeroezalema. 8Ba si lõ so, na no aefa doea wongi. Si lõ moloʼõ niw̃aʼõ zatoea ba salaw̃a, ba labeʼe balazo gosali zi so chõnia, fefoe, ba jaʼia, ba niʼefaʼõ banoea zangawoeli andrõ. 9Ba owoelo ndra matoea mado Joeda ba mado Mbenijami fefoe, ba Jeroezalema, me no aefa doea wongi; ba zi doea woeloe ba mbaw̃a si siw̃a. Ba no doemadao niha sato fefoe ba golajama, fõna gosali Lowalangi, manizinizi ira, bõrõ hoehoeo andrõ ba he teoe. 10Ba maoso Gesera ere, ba imane chõra: No molalõ ami, no mihalõ ndra alawe bõʼõ, ba wonõnõ na horõ Ndraono Gizeraëli. (Moz. V. 7, 3). 11Ba mitehe iadaʼe [horõmi], chõ Jehowa Lowalangi ndra toeami, ba miʼoʼõ zomasi ia, wamabali jaʼami ba niha ba danõ ba ba ndra alawe bõʼõ andrõ. 12Ba latema linia niha sato fefoe, eboea lira, lamane: Jaʼitõrõ niw̃aʼõoe! 13Ba nihá, ba no ato, ba no baw̃a deoe, tobali tebai baero manõ so ita; ba tenga gõi ha maʼõmaʼõchõ ba tenga ha doea ngaloeo wangasiwai hoehoeo andre, me no oja ngawalõ lalõda nifatoenõ. 14Ba alacha lahoehoeoʼõ satoeada, salahi zato, ba banoeada fefoe, si no mangai ira alawe bõʼõ, ba acha lafaʼasoʼaso ira ba ginõtõ niw̃aʼõ chõra, awõ zatoea ba awõ zangoehoekoe ba mbanoeara, irege alõ wõnoe Lowalangida chõda, ba golalõw̃a andrõ. 15Ba ha Jonata, ono Gazaheli ba Jehasia, ono Dikiwa, zamadaõ daʼõ; ba si faʼawõ chõra, ba Mesoela ba Sabataʼi, Ono Lewi.
16III. Ba laʼoʼõ daʼõ si no mangawoeli moroi ba niʼoloiʼõ jaʼira mege. Ba itoetoejoe chõnia niha Esera ere, hõgõ ngafoera andrõ, oi nitõtõi tõi, ba faloecha ira, ba zi samboea desaʼa ba mbaw̃a si foeloe, ba wangoehoehoeoʼõ daʼõ. 17Ba iroegi zi samboea desaʼa ba mbaw̃a si fõfõna, ba awai hoehoeo ba niha andrõ fefoe, si no mangai ira alawe bõʼõ. 18Ba daʼe ngaʼõtõ gere, si no mangai ira alawe bõʼõ: Maʼoewoe Jesoea, ono Josadaki, ba maʼoewoe dalifoesõnia: Maʼaseja ba Eliëzeri ba Jaribi ba Gedalia. 19Daʼõ zondraʼoe tanga ndra Esera, lafaboeʼoe latiboʼõ ndra alawera andrõ ba sageoe labeʼe biribiri si matoea õmõra ba lalõra andrõ. 20Ba maʼoewoe Imeri, ba Hanani ba Sebadia. 21Ba maʼoewoe Harimi, ba Maʼaseja ba Elia ba Semaja ba Jehiëli ba Oesia. 22Ba maʼoewoe Wasoeri, ba Elijoënai ba Maʼaseja ba Simaʼeli ba Netaneʼeli ba Josabada ba Eleasa. 23Ba Ono Lewi, ba Josabada ba Simeʼi ba Kelaja — jaʼia Kelita andrõ — ba Fetaja ba Joeda ba Eliëzeri. 24Ba sanoenõ andrõ, ba Eliasibi. Ba sanaro ba mbawandroehõ, ba Saloemi ba Telemi ba Oeri. 25Ba Iraono Gizeraëli sato: Maʼoewoe Wareo, ba Ramia ba Jisia ba Malachia ba Mijamini ba Eleazari ba Malachia ba Benaja. 26Ba maʼoewoe Gelama, ba Matania ba Sacharia ba Jehiëli ba Abidi ba Jeremoto ba Elia. 27Ba maʼoewoe Zatoe, ba Elijoënai ba Eliasibi ba Matania ba Jeremoto ba Sabada ba Asisa. 28Ba maʼoewoe Mbebai, ba Johanano ba Hanania ba Sabai ba Atalai. 29Ba maʼoewoe Mbani, ba Mesoela ba Maloecha ba Adaja ba Jasoebi ba Seala ba Jeramoto. 30Ba maʼoewoe Wahata-Moabi, ba Adena ba Kelala ba Benaja ba Maʼaseja ba Matania ba Besaleʼeli ba Binoei ba Manase. 31Ba maʼoewoe Harimi ba Eliëzeri ba Jisia ba Malachia ba Semaja ba Simeoni, 32ba Benijami ba Maloecha ba Semaria. 33Ba maʼoewoe Hasoemi, ba Matanai ba Matata ba Sabada ba Elifeleti ba Jeremai ba Manase ba Simeʼi. 34Ba maʼoewoe Mbani, ba Maʼadai ba Ameramo ba Oeeli, 35ba Benaja ba Bedia ba Keloehi 36ba Wania ba Meremoto ba Eliasibi 37ba Matania ba Matanai ba Jaʼasai 38ba Bani ba Binoei ba Simeʼi 39ba Selenia ba Natano ba Adaja 40ba Machanadabai ba Sasai ba Sarai 41ba Asareʼeli ba Selemia ba Semaria 42ba Saloemi ba Amaria ba Josefo. 43Ba maʼoewoe Nebo, ba Jeïeli ba Matitia ba Sabada ba Sebina ba Jadaʼi ba Joëli ba Benaja. 44Oi si no mangai ira alawe bõʼõ daʼõ, ba so zi no moʼono õsa, ira alawe andrõ.
Currently Selected:
SOERA GESERA FAZA 10.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.