1 CORINTIOS 11

1To bairi yʉ cá-átore bairo áti ʉjaya mʉja quena, Jesucristore yʉ cá-áti ʉjarore bairona.

Las mujeres en el culto

2Yʉ wariñuu yʉre mʉja ca-tʉgooña ʉjarijere queti apii. Mʉjaare yʉ ca-buioriquere mʉja cá-átinucurije quenare queti apiri yʉ wariñuu. 3Ape wame caroaro mʉja ca-majiro yʉ boo. Cãromia na manapʉare cá-áti nʉcʉbʉgoparã ãma. Caʉmʉa maca tunu Cristore cá-áti nʉcʉbʉgoparã ãma. Cristo maca tunu mani Pacʉ Diore cá-áti nʉcʉbʉgoʉ ãmi. 4To bairije iñoori ni ucʉ̃ caʉmʉ Diore jeni nʉcʉbʉgogʉ o Dio ye quetire buiogʉ cʉ̃ rʉpoa pejaricarore ca-tu weepe ãa. Cʉ̃ ca-tu weequẽpata cʉ̃re ca-rotii Cristore ca-nʉcʉbʉgoquẽcʉre bairona baiimi. 5Dico ũcõ cãromio maca Diore jeni nʉcʉbʉgogo o cʉ̃ ye quetire buiogo cõ rʉpoare jutiiro ajerore ca-jia tu peope ãa. Cõ ca-jia tuquẽpata cõ manapʉre ca-nʉcʉbʉgoquẽcore bairona baiomo. Cõ poare jua ree peocõaricore bairona baiomo cõ ca-jia tuquẽpata. 6Ti ajerore jia turi cõ manapʉre cõ ca-nʉcʉbʉgorijere iñoo áamo. To bairi ti ajerore cõ ca-jia tugaquẽpata, cõ poare ca-jua ree peocõape ãa. 7Caʉmʉa maca na rʉpoa pejariquere ca-tu weepe ãa. To bairo tu weeri, “Dio yʉ Ʉpaʉ ãmi,” cʉ̃ ca-ĩrijere iñoomi. Caʉmʉ quena Dio ẽorobʉja ca-rotii ãmi. Cãromio maca, “Yʉ manapʉ yʉ ʉpaʉ ãmi,” ĩo, cõ rʉpoa jutiire ca-jia tupe ãa. 8Nemoopʉre caʉmʉre cá-ájupi Dio. Cʉ̃re átiri bero cãromio macare caʉmʉ ya õwaro mena cõ cá-ájupi. Dio cãromio õwaro mena cá-átiquẽjupi caʉmʉre. To bairi caʉmʉ maca cãromiore ca-jʉgo ãcʉ̃ ãmi. 9Caʉmʉre cá-átinemopao anigomo ĩi cõ cá-ájupi Dio cãromiore. Caʉmʉ maca cãromiore cá-átinemopaʉ anigʉmi ĩi mee cá-ájupi Dio. 10To bairi cãromio cõ rʉpoapʉ jutiiro ajerore ca-jia tu peope ãa, Diore áti nʉcʉbʉgorã mʉja ca-neñapori wiipʉ ãcõ, “Yʉ manapʉre ca-nʉcʉbʉgoo yʉ ãa,” cõ ca-ĩrijere iñoo. To bairo cõ cá-áto Dio tʉ macana ángel maja quena cõ tʉjʉ wariñuugarãma. 11To bairo to ca-anibato quena cãromio cõ ca-mamata ani majiquetiboʉmi caʉmʉ. Cãromio quena caʉmʉ cʉ̃ ca-mamata ani majiquetibomo. To bairona na ca-anipere ca-cũuñupi Dio camajare. 12Cariapena ãa. Cãromiore cá-ájupi Dio caʉmʉ ya õwaro mena. To bairi cãromiopʉre buiami caʉmʉ. Cãromia, caʉmʉa quena Dio cʉ̃ cá-átana jeto ãma. Nipetirije ca-aniere cá-ájupi Dio.

13Dico ũcõ cãromio cõ rʉpoa jutiiro ajero jia tu peoquetibaco quena Diore cõ ca-jeni nʉcʉbʉgoro, “Ñuubʉja,” ¿mʉja ĩi tʉgooñatí? Ñuuquẽto. 14Nipetiropʉ macana na cá-átinucurijere tʉjʉrã mani maji. Jicãʉ caʉmʉ ca-poa ñapo yoaʉ cʉ̃ ca-ãmata boboobʉja. 15Cãromio maca ca-poa ñapo yoao cõ ca-ano, “Caroaro tʉjoobʉja,” cõ ĩima camaja. Ca-poa maniare bairo cõ rʉpoa to aniqueticõato ĩiro ca-camotarije ãa cõ poa ñapo. 16Nii atiere yʉ ca-buiorije, “To bairo me ãa,” yʉre ca-ĩi wada canamugaʉ ucʉ̃ oco bairo cʉ̃ yʉ ĩi: Apeye jã cá-áti ani wame maa. Aperã ape paʉri Diore cá-áti nʉcʉbʉgorã ca-ani poari macana quenare apeye na cá-áti ani wame maa.

Abusos en la Cena del Señor

17Apeye mʉjaare yʉ ca-queti buiogari wame ãa tunu. Caroaro mʉja áa ĩi mee mʉjaare yʉ ĩi uca joo ati wamere. Neñaporã caroarã ani nutuana mʉja baiquẽe. Caroaro mʉja ca-ãnaje cʉtibatie macare rooye tuurã mʉja áa, neñapori. 18“Neñaponucurã tʉgooña ricawatinucuma,” yʉ ĩiqueti buioma aperã. Cariapena yʉ ĩi buiorãma, yʉ ĩi tʉgooña. 19To bairona mʉja tʉgooña ricawatinucucõagarã. To bairo mʉja ca-bairo ca-ñuuquẽtie to ca-anibato quena mʉja ca-tʉgooña ricawatirije jʉgori, “¿Ni maja maca cariape Jesúre ca-apiʉjarã majuu na ãtí?” ĩi majirique ãa. 20To bairi neñapo ʉgarã mʉja ricawati tʉgooñarique jʉgori mani Ʉpaʉ Jesú manire cʉ̃ cá-áti rotiricarore bairo mʉja átiquetinucuñupa. 21Mʉja ca-neñapo ʉgari paʉ noo ca-boʉ nemoona ʉga jʉgoʉmi cʉ̃ ca-jee atíere, aperãre na nuu batequẽcʉna. To bairi pairo ʉgaʉ, pairo etii, cumucoacʉmi. Aperã maca ñigo riarãma. 22To bairo ána Dio yarã cʉ̃re ca-nʉcʉbʉgori poa macanare rooro mʉja ána. Ca-bopacoorãre bobooro na ca-bairo mʉja ána. To bairi, “Caroaro ána ánama,” mʉjaare yʉ ĩiqueti majuucõa. Mʉja ya wiiripʉ maca mʉja ca-cʉgorijere ca-ʉgaparã mʉja anibapa.

La Cena del Señor

(Mateo 26.26-29; Marcos 14.22-25; Lucas 22.14-20)

23Mani Ʉpaʉ Jesú yʉre cʉ̃ ca-buioriquere mʉjaare yʉ ca-buio netowʉ. Oco bairo ãa: Mani Ʉpaʉ Jesúre Judas cʉ̃re cʉ̃ ca-wadajãri ñami majuu pan rupaare ca-neñupʉ. 24Ne, Diore, “Caroaro mʉ jooyupa,” cʉ̃ ĩi nʉcʉbʉgo, pan rupaare cape bate jooyupʉ cʉ̃ buerãre. Na bate joori oco bairo na ca-ĩiñupʉ: “Atiere ʉgaya. Yʉ rupaʉ ãa atie pan. Ʉgari, mʉjaare yʉ ca-bai yajibojapere tʉgooñaña.” 25Na ca-ʉgaro bero etirica bapa quenare nee, oco bairo na ca-ĩiñupʉ tunu: “Dio, ‘Camaja caroorije na cá-átiere na yʉ majiriobojagʉ,’ ca-ĩi cũuwĩ Dio,” ca-ĩiñupʉ Jesú. “Mʉjaare yʉ ca-rií yajibojape jʉgori jeto majiriomi Dio caroorije mʉja cá-átiere. To canacã niri atiere mʉja ca-etiri paʉ ca-ano cõo mʉjaare yʉ ca-rií yajibojariquere mʉja tʉgooñagarã,” na ca-ĩiñupʉ Jesú cʉ̃ buerãre. 26To bairi tie comunión macaje to canacã niri tie pan're ʉgarã ti bapa macajere etirã, mani Ʉpaʉ Jesú manire cʉ̃ ca-bai yajibojariquere mʉja ame majiogarã. Mani Ʉpaʉ Jesú cʉ̃ ca-tunu atíparo jʉgoye to bairo átiri mʉja ame majionucugarã.

Cómo se debe tomar la Cena del Señor

27Ni ucʉ̃ tie comunión macaje mani Ʉpaʉ Jesú ye nʉcʉbʉgorique manona ca-ʉgaʉ ucʉ̃, ca-etii ucʉ̃ ca-bai buicʉcʉ anigʉmi. Mani Ʉpaʉ manire ca-rií yajibojaricʉre ca-nʉcʉbʉgoquẽcʉ ãcʉmi cʉ̃ ucʉ̃. 28-29To bairi to canacãʉna comunión macajere ʉgagarã jʉgoye caroaro Jesú cʉ̃ rupaʉ mena manire cʉ̃ ca-bai yajibojariquere ca-tʉgooñape ãa. ¿Cariapena Diore cá-áti nʉcʉbʉgoʉna yʉ ãtí? ca-tʉgooñape ãa. Diore áti nʉcʉbʉgoquetibana quena tie pan're ʉga, ʉje ocore eti, mani cá-ápata mani popiyeyeboʉmi Dio. 30To bairo mʉja cá-áti nʉcʉbʉgoquẽtie jʉgori mʉja mena macana capaarã riayecʉti, tutuaqueti mʉja bai. Aperã jicãarã bai yajicoa tʉgama. 31Mʉja majuuna comunión ʉgagarã jʉgoye, mʉja cá-átajere mʉja ca-tʉgooña bejeata to bairo mʉja popiyeyequetiboricʉmi Dio. 32Mani Ʉpaʉ Dio rooro mani cá-átajere tʉjʉ bejei caroa macare na áparo ĩi manire popiyeyenucumi. To bairo ácʉ aperã ati yepa macana cʉ̃re ca-nʉcʉbʉgoquẽna mena popiyeye reegaquẽcʉ to bairo áami Dio manire.

33To bairi yʉ yarã, neñapo ʉgarã jicãro mena mani ʉgagarã ĩirã aperãre na yuuya. 34Ni ucʉ̃ seeto majuu ca-ñigo riaʉ cʉ̃ ya wiipʉre cʉ̃ ʉgaato. To bairo caroaro mʉja ca-neñapo ʉgaro tʉjʉʉ mʉja popiyeyequetigʉmi Dio. Apeye mʉja tʉpʉ ejaʉ mʉjaare yʉ buio quenoonemogʉ yua.

Currently Selected:

1 CORINTIOS 11: TAVNT2

Highlight

Copy

Compare