NAHUM 2

Ninebi Kaube

1Tewpangpeu ning dage wang la de lei.

Keriengdi reî’mmi le lau;

zai puidi reî ne lau;

ning kiakâk reu’mmi le lau;

ning ranchi leine ne kedâkua le lau.

2(Israel pengêudibe gum ze Jakob ngeudibe Tingwang ne pei gai dai la daseu,

sut-teume ne penui keî ramme kângtua ze tew’nsia kam ’ndi de lei).

3Pe gu ziemmena peranchime gu hinggei ze giereu la da,

pe gu hereikangme â paî gieremangbe bâ lu la de lei.

’Nggi ra hangge penui teleukua la de lei;

hereime ramme pebâm ge wang’nduigaibe luage herei gu hekun ramme kesun gai dege

hekun-timriang ramme ze hemimelei gum ze peluai-luai bam lei.

4Hekun timgriang ramme puidi ramme ge paktezi bam lei,

zai keloa’ndi ge penui pakhedau-tezi bam lei;

keleu gum ze tauben bam lei,

ze tingkakepitbe gum ze gi-plik gi-plik ze bam lei.

5Herei saibe ramme je kû gai bei de lei,

penui ’mpuî tatbe luage mâ-’nrap lu ze penui kau lei,

kerie ’mbe kelua ze penui paktat lu,

dienambe hinggei ze chipau bâm ge kai lei.

6’Nggeuki keriekemui ramme lat kai bei lei,

heguangki ge kehingbe bam di de lei;

7heguangpui paîni gâutua lu pechu nguatat ti de lei,

zai pe gu kebangpui ramme â,

temaune ramme gum ze hap ze penui ga zûm ze bam de lei.

8Ninebi â hezai gum lei,

chige hedui bambe luapat lei.

“Sau de lau! Sau de lau!” ze penui ka’nrung de lei;

kane mî de ’nreiwang dai mak lei.

9Gepût sut le lau,

gechâk sut le lau!

Mi heurâ ramme pemîhungbe leine benai mi heu gekâmgaibe mâ de ga’nzâu ra mak lei.

10Putzîng gai ’nde lei!

Putzîng gai ’nde lei!

Helung ramme kedun bam di,

zai hekuk ramme kelip ti,

haimena kia ramme kehut kam di,

haimena ju hâmmuî gai di de lei!

11’Ndaige duilui ki zai bepoine je guîbe hekâuki la lau,

’ndaige duilui ne bepoine bambe bâm ge pahetak teiwang ze mige ne bepoine je tewkeleu mak ze teu be bâm la lau?

12Duiluisei ne bepoine teukamlak ze kuiri lu,

zai bepui hangge heteu ’ngkîchat lu,

hekâuki ge pa hetak ne puigit bam,

zai pe ki ge du hemeikâng ’ngkîpatlube misongga bam lei.

13Baudime gu Tingwang ne sa ze, “Pie le lau, ningchu I ka’nggi lei, ning gu timriang ramme rû kam ’ndu lei, ning gu duilui poine ramme je hiazutkie ne tewchat ’ndu lei, zai heteu nang ’ngkîchatkaibe kedeirei gene I ne tew’ngga ’ndu lei, zai ning gu hepâupaume kuâ seu dai ra mak lei,” kacheu de lei.

Currently Selected:

NAHUM 2: ZEMEBSI

Highlight

Copy

Compare