MIKA 5
5
1Jerusalemme gau,
chuna hereikangme je kelauwang’ndui zu lau,
anui je tuaguâ la de lei;
Israelme gu besuitewpeu bia ge penui ne hetui ne lak kai bei de lei.
Bethlehem gene Samrampeu Pat ra Hera Samhatkaibe
2Kane Hei nang Bethlehem Ephratha,
Juda zat ruage cheilangbe chang leusede ning dagene a hangge Israelme ruage besuitewpeu pat ku lei,
pa patbe pîbang â,
’ndâ gechîngme ting ’ndâgene bam di de lei.
3Chidaze henalung ra ’nraka’nsuapui ne henalungkeu mak tâne pa ne penui je sâu ’ndu lei;
dezai pe puiname ’nsakkaidiakme Israelme chaname dage penui wang dai gu lei.
4Zai Tingwang ranchi gene pa sapchu lu pe gu melidung je pa ne guî gu lei,
Tingwang pe Rapeu ji dibe ziegeneu;
zai penui je ’nggum bei ze penui yi ze bam gu lei,
chipau ting gene seu ze tingmik deulangbe chang ze pa â pengêudi ze bam gu lei.
5Pa ne desieyibe teiwang gu lei,
anui ram ge Assiriame wang ze anui gu heguangki penui pî hichang dezai,
pechu ’nggi ra melireîme hangsena,
zai heguangme hangdesat je anui langpat kai gu lei;
Lupatkaibe benai Gesâbe
6penui ne Assiriaram ze hiazutkie ne samram ze bam gu lei,
zai Nimrod ram dei ze penui gu hiazutkie ne dei’nsia gu lei;
anui ram ge Assiriame ne gut ze,
anui gu ramrai penui pî katau dezai pa ne anui je lupat kai gu lei.
7Chidezai Jakobbe kibaume ka’nsakme je miramme zat misongga bamme ruagene Tingwang dagene kezikdui wangkeu gum,
zai timpeizeu ge tingruikeu gai gum ze bam gu lei,
chize â ziemmena je kuâ ta de lei,
zai ziemmena name hangge du kuâsua ta de lei.
8Mâkaupoine tatpat ze mâ-mâ-chupkauchibe chi ’nrêu ge hekaubena ruage bambe gum,
melidung ruage bambe gum ze Jakobbe kibaume chai’nsakpatme â,
heramzatme ruage bam gu lei.
9Ning teureime peireige ning ba huachu gai gu lei,
zai ning teureime leine je tew’ngga ’ndu lei.
10Zai chipau ting dezai,
Tingwang ne acheu rang ze,
Ning dagene ning gu hekun ramme I ne tew’ngga ’ndu lei,
zai ning gu timriang ramme tew’nsia ’ndu lei;
11zai ning ramdei gu namdi ramme I ne tew’nsia ’ndu,
zai ning gu keriengdi ramme leine tewkau kam ’ndu lei;
12zai ning ramdei gu namdi ramme I ne tew’nsia ’ndu,
zai hedachakbe ge teibe ramme I ne ning ba gene tew’ngga ’ndu lei,
zai ning dage kemeu gekungme bam dai ra mak lei;
13zai ning gu mâ-luîtewbe ramme benai ning gu tingchu sumgaibe ramme I ne tew’ngga ’ndu lei,
zai ning ba tatew je nang kellum ta du lei;
14zai ning dagene ning gu Asherah luî ramme ze I ne puitua ’ndu lei,
zai ning gu namdi ramme tew’nsia ’ndu lei.
15Zai hekuâpheumakme zat ramme peireige a râtabe benai a lumpumbe ne hekûmlube tew gai gu lei.
Currently Selected:
MIKA 5: ZEMEBSI
Highlight
Copy
Compare
Share
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
