HOSIA 6
6
Lungsang ne Helimakbe
1“Kei lei, Tingwang dage helatwang zu kei lei;
pa ne tewpânghakhai gai bei daze,
pa ne anui je tew’mmi gai dai be ra hangge zeu;
pa ne tewjâm gai bei de lei,
zai pa ne dum gai dai gu lei.
2Hezie kenane chang dezai â,
pa ne anui je tew’nrak kai dai gu lei;
pakechumbe mai ge pa ne anui je zuchu gai gu lei,
pe masuage anui bamchi le ra hangge zeu.
3Mâ-gechîbe bam zu kei lei;
Tingwang je chî le ra rankai zu kei lei;
pa zuapatbe ze â,
hechua tingbapat singrabe gum lei;
tingsim kedibe gum kepuakting ge kedei ge tingruigaibe gum anui dage pa wang gu lei,”
ze acheu mak tâne I bambe bâm ’mbe I â helatwang du lei.
4Hei Ephraim gau,
ning dage ’ndaikau tew gai ra se lau?
Hei Juda gau, ning dage I ’ndaikau tew gai ra se lau?
Ning gu kehungbe â hechua gu muangziu gum,
zai gagaikeluadibe kezik gum lei.
5Chipauziegene kemeume je lang gai ze I ne penui je ’mpattua ’ndi de lei.
A mui sam ramme gene penui je I ne gîchat ’ndi de lei,
zai a gu sam ramme ze kebabe gum ze zuapat te lei.
6Herâtewbe mak ze, hungka’ntipbe I lunei,
zai kerube-râtewbe ramme je suadu Hera je gechîbe ze I lunei daseu.
7Kane Adambe gene samhatkaibe penui hede’ngka di de lei;
chige a dage penui lungsang tâ tew gai mak te lei.
8Gilead â tâ-kesiabe tewme gu namdi,
zai hejai ne kutgie bambe namdi lei.
9Hegasut-teume ne ziemmena je lîmkua ze bambe gum ze,
tingkume pebaulia lu ze bam lei;
Shekem ’mpuî ge penui kegîbe tâ tew lei.
Eu lei, katîmphibe tâ penui tew lei.
10Israel kibau lungge mi kehingbe I ngau lu de lei;
chige Ephraim gu kahailabe tâ tewbe la lei,
Israel je tewhebâ gai ’ndi de lei.
11Hei Juda,
ning hangge du gatrabe mai hang ria gai ’nde lei.
A gu ziemmena hangge betingyibe I teiwang gai dai ra ’nning gai dege,
Currently Selected:
HOSIA 6: ZEMEBSI
Highlight
Copy
Compare
Share
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
