HAGGAI 1
1
Kellumki Tew’mmi ra Tingwang gu Samde
1Heguang Dariabe ne kaheguangbe pakenabe kum hekêu seruk gu hezie raîlangbe mai ge Shealtielbe na Zerubbabelbe Judaram gu laksaibe dage, benai Jehozadakbe na Joshuabe tingku dilangpeu dage kemeu’mpeu Haggaibe dagene Tingwang gu sam ze wangchang de lei, 2“Baudime gu Tingwang ne acheu ze rang lei: Aipau ziemmename ne Tingwang ki tewchu dai ra hangge beting chang merei lei,” ze kacheu de lei. 3Chidadege Tingwang gu sam ze kemeu’mpeu Haggaibe dage wangchang ze, 4“Aipau ki sia di bam ze, ningnui â ningnui ki yibe ge chuna bamrabe ting se mei?” kacheu de lei. 5Chidadege chunage baudime gu Tingwang ne acheu ze rang lei: Ningnui ’mpuî ze ’nning’mmi gai ni lau. 6Ningnui misongga ze ling gai lu gechâmne runne ningnui gatpat lei; ningnui teu da, kane ningnui mâdau du ’nggeu mak lei; ningnui sak da, kane mâdau du ningnui sakpui mak lei; ningnui runne ningnui je paî bâ gai da, kane ningnui mâ de lumpat mak lei; zai tâtew-hiteupeu ze chiâk putbe ge kairabe runne hang hiwang gai lei.
7“Baudime gu Tingwang ne acheu ze rang lei: Ningnui ’mpuî ’nning’mmi gai ni lau. 8Peloa ’mbe hang ze heching lu le lau, zai heki tew zu lau, chidezai I a suiyi gu lei, zai a ngêudibe I liâ gu lei, ze Tingwang ne kacheu de lei. 9Maîkie ngau ra ningnui peu lei, zai ni, gechâmne runne wang lei; zai kilûng ge ningnui teiwang gai dege, I ne ’mmuttua ’ndi de lei. ’Ndaitew bei lau? ze baudime gu Tingwang ne kacheu lei. Ningnui ki deu hang runne ningnui ’nchuak ze, a ki â sia kam di ze bambe ziegene de lei. 10Chipauziegene ningnui peireige tingkehube zene kezikdui zâukeu ra nam ’ndi de lei, zai kedei zene hêrachi ’nchipat ra nam ’ndi de lei. 11Dadege heram ge, peloa ramme ge, chêu peireige, wain karchibe ge, taudui ge, chi kedei mâ-mâ ’nchipat ra peibe peireige, ziemmena peireige benai kaurui ramme peireige zai penui gu tâtewme leine peireige tingkangbe I ne kû gai bei de lei,” ze kacheu de lei.
Tingwang gu Samde Ziemmename Pheube
12Chidadege â Shealtielbe na Zerubbabelbe benai Jehozadakbe na tingku dilangpeu Joshuabe zai ziemmena ka’nsakme leine ne Tingwang penui Rapeu kuâ pheu gai de lei, zai Tingwang penui Rapeu ne pechu langgaibeibe, kemeu’mpeu Haggaibe gu sam ramme ze penui ka’ngking de lei; zai Tingwang masuage baudime hing ze bam de lei. 13Chidadege ziemmename suage Tingwang ne sam ranggaibe ze Tingwang gu sampaupeu Haggaibe ne salia ze, “Ningnui dage I lamui lei,” ze Tingwang ne kacheu de lei. 14Zai Tingwang ne Shealtielbe na Zerubbabelbe, Judaram ge laksaibe lungsui benai Jehozadakbe na tingku dilangpeu Joshuabe lungsui zai ziemmena ka’nsakme leine lungsui ze tew’ngngup kai bei de lei; chidadege â penui wang ze, baudime gu Tingwang penui Rapeu ki ge tâ tew di de lei, 15paserukbe kêu ge, hekêu gu hezie ’ngkai ze medai mai gezeu.
Currently Selected:
HAGGAI 1: ZEMEBSI
Highlight
Copy
Compare
Share
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
