Taitusi 2
2
Ko e Fale‘i ma‘á e Fa’ahinga Kehekehe
1‘E Taitusi, fai pē ‘e koe ‘a e ngaahi fakahinohino ‘oku tonú. 2Fale‘i e mātu‘a tangatá ke nau anga fa‘a kātaki, fakamatāpule, mo fakapotopoto, pea ‘ouana‘a vaivai ‘enau tuí, mo ‘enau ‘ofá, pea mo ‘enau kātakí.
3Fale‘i e finemātu‘ake taau honau‘ulungāanga mo e kakai ‘oku ‘ofa mo‘oni he ‘Eikí. Vakai na‘a nau ngutu lau, pe ‘e fu‘u hulu ‘enau inu uainé. Fekau ke nau fakahinohino ha ngaahi me‘a ‘oku hoa mo tāú, 4hei‘ilo ‘e hoko ai ‘a e kau fefine toki malí ko ha uaifi ‘ofa, mo ha fa‘ē ‘ofa. 5‘Io, ‘oku taau mo kinautolu ke nau anga-fakapotopoto mo anganofo, ke nau poto he ngaahi ngāue faka‘apí, mo fakamu‘omu‘a honau husepānití. Pea ‘e ‘ikai leva ke faifai ange pea lau‘ikoviae Ongoongo Lelei ‘a e ‘Otuá.
6Fale‘i ‘a e kau talavoú ke nau mapule‘i kinautolu ‘i he me‘a kotoa pē.
7‘Ai ma‘u pē ho‘o mo‘uí ko e fa‘ifa‘itaki‘anga. Pea ka ke ka malanga, ‘ai ke ke anga-fakamātoato mo fakamatāpule. 8‘Ai ma‘u pē ke hoa mo taau ho‘o leá, ke ‘oua na‘a fakaanga‘i ‘e ha taha. Pea ‘e mā ai ho ngaahi filí ko e ‘ikai ha‘anau lau kovi ‘e ala fai mai kiate kitautolú.
9Fale‘i e kau pōpulá ke nau fakaongoongo ki he fa‘ahinga ‘oku ‘anautolu kinautolú, pea nau feinga ke fiemālie ‘a e loto ‘o honau ngaahi pulé ‘i he me‘a kotoa pē. Vakai na‘a nau taungutu ki honau kaupulé, 10pe alaalanoa ki he‘enau koloá. ‘Ai ke nau fai totonu ma‘u pē mo falala‘anga kakato. Pea ‘e faka‘apa‘apa‘i leva ‘e he kakai kotoa pē ‘a e ngaahi fakahinohino ‘oku fai ‘o fekau‘aki mo hotau ‘Eiki mo Fakamo‘uí.
Ko e ‘Ofa ‘a e ‘Otuá mo e Mo‘ui Fo‘oú
11Kuo fakahaa‘i mai ‘e he ‘Otuá ‘a e lahi ‘ene ‘ofá ‘aki ‘ene hoko mai ke fakamo‘ui ‘a e kakaikotoa pē. 12Na‘á ne ako‘i kitautolu ke tau tuku ‘etau mo‘ui ta‘e faka-‘Otuá, mo ‘etau ngaahi holi fakaekakanó, katau mo‘ui maau mo faitotonu ‘i māmani, 13mo talitali ai pē ki he ‘aho ‘e toe hā‘ele lāngilangi‘ia mai ai hotau mafi ‘Otua mo Fakamo‘ui ko Sīsū Kalaisí. He toki ‘aho fakakoloa ia! 14Na‘á ne foaki mai ‘e ia ia ke fakahaofi kitautolu mei he me‘a kotoa pē ‘oku koví, mo ngaohi kitautolu ke tau hoko ko ha kakai ‘e mo‘ui taau mo fie fai lelei.
15Fai e ngaahi fakahinohino ko iá. Fakalotolahi‘i mo fakatonutonu e kakaí ‘aki ‘a e mafai kakato ‘o ho lakangá.
Currently Selected:
Taitusi 2: TCNT
Highlight
Copy
Compare
Share
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
