Taitusi 1
1
‘Alā Taitusi,
1Ko au Paula ‘oku tohi atú, ko e tokotaha fai fatongia au ‘a e ‘Otuá, pea ko e ‘apōsitolo ‘a Sīsū Kalaisi.
E ‘Otuá na‘á ne fili mo fekau au ke u tokoni‘i ‘ene kakaí, ‘aki ‘eku langa hake ‘enau tuí mo ‘enau ‘ilo ki he mo‘oni ‘o ‘etau lotú. 2He ko e finangalo ‘o e ‘Otuá, ke ‘i ai ha‘anau ‘amanaki lelei ki he mo‘ui ta‘engata na‘e tala‘ofa ‘aki mai ‘i ono‘ahó. ‘Oku ‘ikai ke loi ‘a e ‘Otuá, 3pea ‘i he hoko mai ‘a e ‘aho na‘e tuku paú na‘á ne fakahaa‘i ‘a e mo‘ui ko iá ‘aki ‘ene Ongoongo Leleí. Ko e ‘Otua ko hotau Fakamo‘uí, na‘á ne fakafalala mai kiate au ‘a e malanga‘i ‘o e Ongoongo Lelei ko iá.
4Tauange‘e Taitusi, ko hoku foha mo‘oni he tuí, ‘a ē ‘okú ta fakatou kau ki aí, ke ke ‘inasihe ‘ofa li‘oa mo e tāpuaki ‘a e ‘Otuáko e Tamaí mo e ‘Eiki ko Sīsū Kalaisí.
Ko e Ngāue ‘a Taitusi ‘i Kēlití
5Ko hono ‘uhinga iana‘á ku fekau ai ke ke nofopē ‘i Kēlití, ke ke hanga ‘o fakamā‘opo‘opo ‘a e ngaahi me‘a na‘e toe ke faí, mo fakanofo ha kau taki ‘o e ngaahi siasi he kolo takitaha. Vakai na‘a ngalo ‘eku ngaahi fakahinohinó. 6Ko e takí, ke ‘oua ‘e ‘i ai ha ongoongo kovi ‘e kau kiate ia, peá ke tokotaha pē hono malí, mo tui ‘Otua ‘ene fānaú, ‘o ‘ikai haua mo talangata‘a.
7Ko e ngāue foki ‘a e ‘Otuá ‘oku pule ki ai ‘a e kau takí. Pea ‘oku ‘oku taauai ke ‘oua ‘e ‘i ai ha ongoongo-kovi ‘e kau kiate kinautolu. ‘Oua ‘e fakanofo ha taha ‘oku fie pule, pe fa‘a ‘ita vave, pe fa‘a konā, pe houtamaki, pe mānumanu koloa. 8Fili pē ha kakai ‘oku mata kāinga mo fa‘a ngāue ‘aonga, fakapotopoto, fai totonu, anga-ma‘a, mo fa‘a kātaki. 9‘Oku fiema‘u pē ha kakai ‘oku piki he tala fungani na‘e fakahinohino ange kiate kinautolú. Pea ‘e tonu ai‘enau fale‘i e kāingá, mofakatonutonu ‘a e fa‘ahinga te nau fakafepaki‘i ‘a e tala fungani ko iá.
10‘Oku ‘i ai e tokolahi ‘oku ‘ikai te nau faka‘apa‘apa ki he kau takí, mo nau fakamafola holo ‘a e ngaahi ‘uhinga launoa ‘oku hē ai e kakaí. ‘Oku tautautefito eni ki he kāinga Siu ‘e ni‘ihi, 11pea kuo pau ke ta‘ofi kinautolu. He kuo moveuveu ha ngaahi ‘api ‘e ni‘ihi ‘i he‘enau fai ‘a e ngaahi fakahinohino hala ‘oku ‘ikai ke totonu ke nau fai. Pea ‘āsili aí foki ko ‘enau kumi koloa aí. 12Hangē ko e lau ‘a e palōfita Kēliti ‘e taha,
“Ko e kakai Kēlití,
ko e kau ngutu fa‘a loi.
Ko e kau fakapikopiko fa‘a kai.
Ko e fanga manu tofu pē.” 13Ko e lau ia ‘oku mo‘oni. Pea ‘oku totonu ke ke valoki‘i ‘a e kakai peheé. He ‘e tokoni‘i ai ‘enau tuí ke mālohi ange. 14‘Oua te ke tokanga ki ha ngaahi talatupu‘a ‘a e kakai Siú, pe ko ha ngaahi tu‘utu‘uni ‘a ha fa‘ahinga ‘oku nau fakasītu’a‘i e mo‘oní.
15‘Oku ma‘a ‘a e me‘a kotoa pē ki he vakai ‘a e kakai ‘oku loto-ma‘á. Ka ‘oku ‘ikai ha me‘a ‘e taha ‘e ma‘a ki he vakai ‘a e kakai ‘oku ‘uli honau lotó 16‘Oku lau ‘e he kakai peheé ‘oku nau ‘ilo ‘a e ‘Otuá. Ka ‘oku ‘ilonga pē ‘i honau ‘ulungāangá ‘oku ‘ikai. Ko e kakai anga-fakalielia kinautolu. ‘Oku ‘ikai te nau fie talangofua ki he ‘Otuá. Pea ‘oku ‘ikai ke nau ‘aonga ki ha me‘a ‘e taha.
Currently Selected:
Taitusi 1: TCNT
Highlight
Copy
Compare
Share
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
