Fakahā Ko e Talateu
Ko e Talateu
Ko e Tohi Fakahā kia Sioné naʻe faʻu ia ʻi he ngaahi ʻaho naʻe fakatangaʻi ai ʻa e kakai Kalisitiané koeʻuhí ko ʻenau tui ki he ʻEiki ko Sīsū Kalaisí. Ko e tefitoʻi kaveinga ʻa e faʻutohí ke nau fakatuʻamelie mo lototoʻa, mo tuʻu maʻu ʻo ka hoko mai ha faingataʻa mo ha fakatanga.
Ko e konga lahi ʻo e tohí ko e ngaahi me’a na’e fakahā mo e ngaahi vīsone ʻoku fakaleaʻaki e ngaahi fakatātā mo e heliaki fakapunake ʻe mahino ki he kakai ʻo e kuonga ko iá kae kei lilo ki he kakai kehe kotoa pē. Hangē ko e fetaiaki ʻa e ngaahi faʻahi ʻi ha tuʻunga fasi ʻanitemá, ʻoku pehē ʻa e fetaiaki ʻa e ngaahi kaveinga ʻo e Tohi Fakahaá ʻi hono toutou filioʻi kehekehe ʻi ha holongā vīsone. Neongo ʻoku fakaʻuhingaʻi kehekehe ʻa hono fakaikiiki ʻo e tohí ni, ka ʻoku mahino ʻaupito pē ʻa e tefitoʻi kaveinga ia ʻo e tohí: ʻa ia, ʻe toki hanga ʻe he ʻOtuá ʻia Sīsū Kalaisi ko e ʻEikí ʻo ikuna hono ngaahi fili kotoa pē, ʻo kau ai mo Sētane, pea te ne fakapaleʻi hono kakai tui falalá ʻaki ʻa e ngaahi tāpuaki ʻo ha hēvani foʻou mo ha māmani foʻou ʻo ka kakato ʻa e ikuna ko iá.
Ko e Kakano ʻo e Tohí
Ko e Talateu 1:1-8
Ko e ʻuluaki vīsone mo e ngaahi tohi ki he ngaahi siasi ʻe fitu 1:9-3:2
Ko e takainga tohi mo hono ngaahi sila ʻe fitu 4:1-8:1
Ko e ngaahi talupite ʻe fitu 8:2-11:19
Ko e talākoni mo e ongo manu fekai ʻe ua 12:1-13:18
Ko e ngaahi vīsone kehekehe 14:1-15:8
Ko e ngaahi ipu houhau ʻe fitu 16:1-21
Ko hono fakaʻauha ʻo Pāpilone, pea mo hono ikunaʻi ʻo e manu fekaí, mo e palōfita loí, pea mo e Tēvoló 17.1-20:10
Ko e fakamaau fakaʻosi 20:11-15
Ko e hēvani foʻou, mo e māmani foʻou, mo e Selusalema foʻou 21:1-22:5
Ko e tātuku 22:6-21
Currently Selected:
Fakahā Ko e Talateu: TCNT
Highlight
Copy
Compare
Share
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.